<p>ស្ទើតែមិនគួរអោយជឿ ៖ ក្រុមមនុស្សដែលជាអ្នកធ្វើដំណើរ នៅក្នុងក្រុង ប៉េកាំងប្រទេសចិនគឺជាក្រុម មនុស្សដែលជាសាក្សី បានឃើញហេតុការណ៍ ផ្ទាល់នឹងភ្នែក ដោយមានការគូសបញ្ជាក់អោយដឹងថា ស្រ្តីពរពោះម្នាក់ បានដើរធ្លាក់ចូលទៅក្នុងផ្លូវ រថ នៃខ្សែរថភ្លើង ខណៈមានវត្តមាន រថភ្លើង ក៏កំពុងតែ ធ្វើដំណើរឆ្ពោះមក ស្ថានីយ៍ កាលពីព្រឹក ថ្ងៃអង្គារ ដើម សប្តាហ៍នេះ នេះបើយោងតាមការដកស្រង់ អត្ថបទផ្សាយ ពីគេហទំព័រសារព័ត៌មាន អាស៊ីវ័ន ។</p>
<p><a class="thickbox" title="" href="/FileManager/Commons/2014/7/3/20140702beijinginternet1-03-07-2014--10-33-26.jpg"><img src="/FileManager/Articles/mce/2014/7/3/20140702beijinginternet1-03-07-2014--10-33-26.jpg" alt="" /></a></p>
<p>សេចក្តីរាយការណ៍ បញ្ជាក់អោយដឹងថា ភ្លាមៗនោះ រថភ្លើង បាន បង្ខំចិត្ត ចាប់ហ្វ្រាំងទាំងអាសន្ន ស្របពេលដែល ករណី បើសិនណា យឺតជាងនេះ តែបន្តិច អាចនឹងបុក ស្រី្តពរពោះ ខាងលើ ។ ភ្លាម ៗនោះ ខណៈវិនាទី នៃរថភ្លើង បង្ហាញវត្តមាន ប៊ិះនឹងបុក ស្រ្តី ពរពោះម្នាក់នេះ ដោយ ហេតុតែភ័យ ខ្លាំងពេក នាងបានវារ អោនចូលទៅខាងក្រោមរថភ្លើង ។</p>
<p>ជាកិច្ចអន្តរាគមន៍ ក្រុមអ្នកធ្វើដំណើរ បានជួយសង្គ្រោះនាងដោយជួយទាញនាង ត្រលប់មកខាងលើ វិញ ។ របាយការណ៍ បញ្ជាក់អោយដឹងថា ជនរងគ្រោះខាងលើ ពុំទទួលរងរបួសអ្វីនោះទេ តែមានការ តម្រូវអោយនាង គេងសម្រាកនៅក្នុងមន្ទីរពេទ្យ ដើម្បីតាមដានស្ថានភាព សុខភាព ៕</p>
<p><object width="498" height="427" data="http://www.youtube.com/v/MlYjGbpnXWM&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/MlYjGbpnXWM&rel=1" /></object></p>
<p style="text-align: right;">ប្រែសម្រួល ៖ កុសល<br />ប្រភព ៖ អាស៊ីវ័ន</p>