<div class="article-content">
<p><strong>ឧត្តរមានជ័យ :</strong> មេបញ្ជាការរង កងរាជអាវុធហត្ថស្រុកត្រពាំងប្រាសាទ រងការចោទប្រកាន់ថា<br /> បានប្រើអំណាចយ៉ាងទទឹងទិស មិនចាប់អ្នកប្រព្រឹត្ត ប៉ុន្តែបែរជាចាប់ជនរងគ្រោះ ដែលស្ត្រីមាន<br />ផ្ទៃពោះម្នាក់ឃាត់ខ្លួន ហើយថែមទាំងបោកម៉ាស៊ីនថត និងវាយដំទៅលើអ្នកកាសែតទៀតផង។</p>
<p>អ្នកភូមិបាននិយាយថា ស្ត្រីពោះធំ៨ខែ ម្ចាស់ហាងម្នាក់ត្រូវបានឃាត់ខ្លួន នៅមិនទាន់ដោះលែង<br />នៅឡើយទេ មន្ត្រីកងរាជអាវុធហត្ថតម្រូវ ឱ្យបង់ ប្រាក់ធានា ឯអ្នកកាសែតម្នាក់រងនូវការវាយដំ <br />ជាច្រើនដៃ ហើយម៉ាស៊ីនថត និងទូរស័ព្ទ ត្រូវបានបោកកម្ទេចចោល ដោយស្នាដៃមេបញ្ជាការរង <br />កងរាជអាវុធហត្ថស្រុកត្រពាំងប្រាសាទ ឈ្មោះលោក ប៊ុន វុធ។</p>
<p>អ្នកភូមិបានរៀបរាប់ដំណើររឿងថា នៅម៉ោងប្រមាណ៤ និង៤៥ នាទី ថ្ងៃទី១៦ ខែមេសា ឆ្នាំ២០១៣<br /> មានរឿងជម្លោះក្នុងហាងផឹកស៊ីមួយ បង្កឡើង ដោយទាហានមួយក្រុម ផឹកស៊ីមិនព្រមឱ្យលុយ រួច<br />លើកកាំភ្លើងច្រងេងច្រងាង ភ្លាមនោះអ្នកកាសែតម្នាក់ ក៏បានចុះទៅសម្របសម្រួលបញ្ហា ។</p>
<p>អ្នកភូមិបានរៀបរាប់ទៀតថា ក្រោយការសម្របសម្រួលភាគីទាំងពីរ ក៏បានបំបែកគ្នា ដោយក្រុម<br />ទាហានត្រឡប់ទៅវិញអស់ ហើយមួយសន្ទុះក្រោយ មកកម្លាំងPM ៣នាក់ បានមកដល់ បានសួរ<br />នាំបុរសម្នាក់ថា មានរឿងអី លោកឯងជានរណា។ បុរសនោះក៏បានឆ្លើយថា គាត់ជាអ្នកកាសែត។<br /> ភ្លាម នោះ PM ក៏បានវាយគាត់១ដៃចាំមុខ ដួលអុកគូថ ហើយបានទូរស័ព្ទដៃលុប រូបភាពដែល<br />បានថត ថែមទាំងបោកម៉ាស៊ីន ថតអ្នកកាសែតថែមទៀត។<br />រឿងដែលសំខាន់មួយទៀត កម្លាំង PM ទាំងនោះមិនបានចាប់ អ្នកបង្ករឿងដែលក្រុមទាហានផឹក<br />ស៊ី មិនចង់ឲ្យលុយម្ចាស់ហាង ប៉ុន្តែបែរជាចាប់ម្ចាស់ ហាងម្នាក់ ដែលមានផ្ទៃពោះ៨ខែ យកទៅ<br />កន្លែង ដោយបញ្ជាក់ថា បើអ្នកណាចង់ឲ្យត្រឡប់ទៅវិញ ទាល់តែយកប្រាក់ទៅធានា។</p>
<p>ក្រុមអ្នកភូមិបានបញ្ជាក់ទៀតថា មន្ត្រីកងរាជអាវុធហត្ថ ដែលចុះអន្តរាគមន៍នេះ ដឹកនាំដោយឈ្មោះ<br /> ប៊ុន វុធ មេបញ្ជាការរងកងរាជអាវុធហត្ថ ស្រុកត្រពំាងប្រាសាទ ។ ក្រុមអ្នកភូមិក៏បានដាក់ ជាចម្ងល់<br />ថា ហេតុបានជាសមត្ថិកច្ចធ្វើដូច្នេះ អ្នកបង្ករឿងមិនចាប់ខ្លួន បែរជាចាប់ខ្លួន អ្នកទូរស័ព្ទ ស្វែងរក<br />ការអន្តរាគមន៍ទៅវិញ ហើយឲ្យគេយកប្រាក់ធានាខ្លួនថែមទៀត។ មន្ត្រីកងរាជអាវុធហត្ថរូបនោះ<br /> ក៏ទទួលការងារការចោទប្រកាន់ យ៉ាងច្រើន ករណីពីអ្នកភូមិដែរ។ រហូតមកដល់ពេលនេះ មជ្ឈ<br />មណ្ឌលព័ត៌មាន ដើមអម្ពិល មិនអាចសុំការបំភ្លឺពីលោក ប៊ុន វុធ មេបញ្ជាការរងកងរាជអាវុធហត្ថ<br />ស្រុកត្រពំាងប្រាសាទ បានទេ៕</p>
<p style="text-align: center;"><img src="http://111.92.240.170:81/dap-news/dap-images/2013/April/id-015/T-0421.jpg" alt="Photo by DAP-News" width="400" /></p>
<p style="text-align: center;"><img title="" src="http://111.92.240.170:81/dap-news/dap-images/2013/April/id-015/T-0422.jpg" alt="Photo by DAP-News" width="400" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>