<p><strong>បាត់ដំបង៖</strong> ផ្ទះថៅកែភ្ញាស់ពងទា ត្រូវភ្លើងឆេះគួរឲ្យរន្ធត់ អស់ចំនួន ៣ខ្នង និងបណ្តាលឲ្យ ស្លាប់<br />២នាក់ របួសធ្ងន់ម្នាក់ ស្រាល២នាក់ ព្រមទាំងរថយន្តតូច១គ្រឿង និងទ្រព្យសម្បត្តិទាំងស្រុង កាល<br />ពីវេលាម៉ោង ២រំលងអាធ្រាត្រ ចូលថ្ងៃទី៣១ ខែធ្នូ ឆ្នាំ២០១២ នៅចំណុចក្រុមទី៥ ភូមិថ្មី ឃុំបន្សាយ<br />ត្រែង ស្រុកថ្មគោល ។</p>
<p>សមត្ថកិច្ចបានឲ្យដឹងថា ករណីអគ្គិភ័យនេះ បណ្តាលមកពី ទុស្សេខ្សែ ភ្លើង ពេលកំពុងកើតហេតុ<br /> ប៉ុន្តែត្រូវបាន កម្លាំងសមត្ថកិច្ច នគរបាល ស្រុកថ្មគោល ជួយអន្តរាគមន៍ តាមរយៈការបញ្ជូន រថ<br />យន្តពន្លត់អគ្គិភ័យ របស់ស្នងការដ្ឋាននគរបាលខេត្ត ជួយអន្តរាគមន៌ផងដែរ។</p>
<p>ប្រភពព័ត៌មាន ពីសមត្ថកិច្ចមូលដ្ឋាន នៅកន្លែងកើតហេតុបាន ឲ្យដឹងថា កាលពីវេលា ម៉ោង២រំលង<br />អាធ្រាត្រ ថ្ងៃទី៣១ ខែធ្នូ ឆ្នាំ២០១២ មានករណីភ្លើងឆេះផ្ទះ របស់ថៅកែភ្ញាស់ ពងទា ក្នុងភូមិឆេះ អស់<br />៣ខ្នង ខូចខាតទ្រព្យសម្បត្តិទាំងស្រុង និងរថយន្តតូច ១គ្រឿង ស្លាប់មនុស្ស២នាក់ និងរបួសធ្ងន់ម្នាក់<br />ស្រាល២ នាក់ ដោយសារតែ ទុស្សេខ្សែភ្លើង។ បើតាមសាក្សីបាន ប្រាប់សមត្ថកិច្ចថា កាលពីក្បាល<br />ព្រលប់ គឺមានធុំខ្លិន ឆ្ងៀមដែរ តែមិនបានចាប់អារម្មណ៌ លុះដល់ម៉ោងកើតហេតុ ភ្លើងបានឆេះពេញ<br /> ក្រមុំទៅហើយ ដំបូងបានអ្នកជិតខាង នាំគ្នាជួយពន្លត់តាម លទ្ធភាព ខ្លះបានទូរស័ព្ទ ហៅសមត្ថកិច្ច<br /> ឲ្យជួយ ។</p>
<p>ក្រោយពីសមត្ថកិច្ច បានទទួលដំណឹងហើយ លោកអធិការ នគរបាលស្រុក យឹម វិចិត្រ បានបញ្ជា <br />កម្លាំងមកពីបណ្តា ប៉ុស្តិ៍នានា ក្នុងស្រុកមកជួយអន្តរាគមន៍ ទាំងយប់ និងបានរថយន្តពន្លត់ អគ្គិភ័យ <br />របស់ស្នងការខេត្ត ចេញមកជួយអន្តរាគមន៍ ទាំងយប់ផងដែរ។</p>
<p>សមត្ថកិច្ចបានបញ្ជាក់ថា ជនរងគ្រោះ ដែលស្លាប់ និងរបួសក្នុងហេតុការណ៍នេះ មាន៖ ទី១ ឈ្មោះ<br /> ណៃ គឹមហៀង ភេទស្រីអាយុ២៩ឆ្នាំ បានស្លាប់ដោយសារតែ សសរផ្ទះរលំ សង្កត់ខណៈពេលកំពុង<br />ចូល ទៅរកកូន នៅក្នុងផ្ទះ ទី២ឈ្មោះ ណៃ គឹមហៀក ភេទស្រីអាយុ២ឆ្នាំ (ស្លាប់) ក្នុងផ្ទះទី៣ឈ្មោះ<br /> ណៃ ប៊ុនអៀង ភេទប្រុស អាយុ៥៦ឆ្នាំ (របួសធ្ងន់) ត្រូវភ្លើងរោលពេញ ខ្លួនត្រូវសមត្ថកិច្ច ជួយដឹកយក<br />មកសង្រ្គោះនៅគ្លីនិកឯកជនបាត់ដំបងទី៤ ឈ្មោះ ណៃ សុធា ភេទប្រុសអាយុជាង៣០ឆ្នាំ (ប្តីអ្នកស្លាប់)<br />រលាកភ្លើង របួសស្រាល និងទី៥ឈ្មោះ ចាយ ពក ភេទស្រីអាយុ ជាង៦០ឆ្នាំ(ម្តាយ) របួសស្រាល ។</p>
<p>ផ្ទះជនរងគ្រោះ ដែលបានឆេះនេះ គឺជាថៅកែចិញ្ចឹមទា ភ្ញាស់ពងទា និងទិញស្រូវ ក្នុងស្រុកថ្មគោល។<br /> ក្នុងហេតុការណ៍ ភ្លើងកំពុងឆេះ សមត្ថកិច្ចបានជួយ រំដោះយក រថយន្តធុនធំដឹក ទំនិញបានចំនួន២<br />គ្រឿង និងរថយន្តតូច១ គ្រឿង តែឆេះអស់ រថយន្តតូច១ គ្រឿងដែលយក មិនទាន់ ។</p>
<p>ទ្រព្យសម្បត្តិ ដែលខូចខាតនោះ សមត្ថកិច្ចពុំទាន់អាចធ្វើការ បូកសរុបជាទឹកប្រាក់ បាននៅឡើយទេ។<br /> បច្ចុប្បន្ន អាជ្ញាធរមូលដ្ឋាន និងសមត្ថកិច្ចកំពុងចុះ ធ្វើការត្រួតពិនិត្យនៅកន្លែង កើតហេតុ និងដើម្បីធ្វើ<br />កំណត់ហេតុ និងចូលរួមសោកស្តាយ និងរំលែកទុក្ខពីការ គ្រោះថ្នាក់យ៉ាងអាណោចអាធម ដល់ក្រុម<br />គ្រួសារជនរងគ្រោះ ផងដែរ៕</p>
<p><a class="thickbox" title="" href="/FileManager/Commons/2012/12/31/hong-0420-31-12-2012--11-58-11.jpg"><img src="/FileManager/Articles/mce/2012/12/31/hong-0420-31-12-2012--11-58-11.jpg" alt="" /></a></p>
<p><a class="thickbox" title="" href="/FileManager/Commons/2012/12/31/hong-0421-31-12-2012--11-58-30.jpg"><img src="/FileManager/Articles/mce/2012/12/31/hong-0421-31-12-2012--11-58-30.jpg" alt="" /></a></p>
<p><a class="thickbox" title="" href="/FileManager/Commons/2012/12/31/hong-0422-31-12-2012--11-58-48.jpg"><img src="/FileManager/Articles/mce/2012/12/31/hong-0422-31-12-2012--11-58-48.jpg" alt="" /></a></p>
<p><a class="thickbox" title="" href="/FileManager/Commons/2012/12/31/hong-0422-31-12-2012--11-59-06.jpg"><img src="/FileManager/Articles/mce/2012/12/31/hong-0422-31-12-2012--11-59-06.jpg" alt="" /></a></p>
<p><a class="thickbox" title="" href="/FileManager/Commons/2012/12/31/hong-0423-31-12-2012--11-59-27.jpg"><img src="/FileManager/Articles/mce/2012/12/31/hong-0423-31-12-2012--11-59-27.jpg" alt="" /></a></p>
<p style="text-align: right;">ផ្តល់សិទ្ធិដោយ៖ <a href="http://www.dap-news.com/2011-06-14-02-39-55/55219-2012-12-31-03-23-08.html"><span style="color: #0000ff;">ដើមអំពិល</span></a></p>