<div class="ja-content-main">
<div class="article-content">
<p><strong>ភ្នំពេញ៖</strong><span> ប្រធានមន្ទីរសាធារណការ និង ដឹកជញ្ជូនរាជធានីភ្នំពេញ លោក សាំ ពិសិដ្ឋ បានថ្លែងឲ្យដឹងនៅថ្ងៃទី១០ ខែកក្កដា នេះថា រាល់ការធ្វើស្លាកលេខម៉ូតូ បានចាប់ផ្តើមអនុវត្តនៅគ្រប់ខណ្ឌ នៅក្នុងរាជធានីភ្នំពេញ ដើម្បីបង្កលក្ខណៈងាយស្រួលដល់ប្រជាពលរដ្ឋ។</span></p>
<p>យ៉ាងណាលោកបញ្ជាក់ថា មានខណ្ឌមួយចំនួនបានចាប់ផ្តើម បម្រើសេវាដល់ បងប្អូនប្រជាពលរដ្ឋហើយ ដោយឡែកខណ្ឌមួយចំនួនទៀត ដូចជាខណ្ឌសែន សុខ ជាដើមកំពុងរៀបចំនៅឡើយ ដែលនឹងអាចបម្រើបសេវា ជូនក្នុងពេលឆាប់ៗខាងមុខនេះ។</p>
<p>គួរបញ្ជាក់ថា រាជរដ្ឋាភិបាលកម្ពុជា បានសម្រេចផ្តល់សិទ្ធិអំណាច ដល់ថ្នាក់ ខណ្ឌ ឬ ស្រុក សម្រាប់បម្រើសេវាសាធារណៈ ដល់ប្រជាពលរដ្ឋ ខណៈពីមុនការធ្វើស្លាកលេខម៉ូតូ ឬ បញ្ជាក់លិខិតសិក្សា ជាដើមត្រូវធ្វើនៅមន្ទីរ ឬ សាលាខេត្ត៕</p>
<p><img src="http://image.lookingtoday.com:81/lookingtoday/looking-images/news/2014/June/id-100/Ravuth-700.jpg" alt="" width="600" /></p>
<p style="text-align: right;">ផ្តល់សិទ្ធិដោយ៖ ដើមអម្ពិល</p>
<div></div>
</div>
</div>