<p><span style="color: #000000;">ព័ត៌មានកីឡា៖ ក្រោយពីបរាជ័យដ៏គួរឲ្យសោកស្ដាយបំផុតរបស់ Real Madrid ក្នុងទឹកដីរបស់ខ្លួន ក្រុមបានត្រូវលេចចេញ នូវពាក្យសម្ដីរិះគន់យ៉ាងចាស់ដៃ ពីសំណាក់អ្នកគាំទ្រ ថាខ្វះការរៀបចំ យុទ្ធសាស្ដ្រការពារ ទន់ជ្រាយ ធ្វេសប្រហែស បើសូម្បីតែកីឡាកររបស់ខ្លួន ក៏បានសារភាពប្រាប់អ្នកការសែត ដូច្នោះដែរ ។ </span></p>
<p><span style="color: #000000;">Real Madrid បានចាញ់ក្រោមជើង Schalke ត្រឹមពិន្ទុ ៣ ទល់នឹង ៤ ធ្វើឲ្យប៉ះទង្គិចដល់ទឹកចិត្ដអ្នកគាំទ្រ ថាក្រុម មានការធ្វេសប្រហែសច្រើន លើប្រព័ន្ធការពារ ។ មិនត្រឹមអីតែអ្នកគាំទ្រនោះទេ សូម្បីតែកីឡាករនៅក្នុងក្រុមឈ្មោះថា Toni Kroos ក៏បានសារភាពប្រាប់អ្នកសារព័ត៌មានដែរ ថា សម្រាប់ការរៀបចំខ្សែប្រយុទ្ធគឺធ្វើបានល្អបំផុតណាស់ទៅហើយ តែអ្វីដែលជាភាពខ្វះខាត នោះគឺ ការការពារ របស់ក្រុមគឺមានភាពទន់ខ្សោយៗ ស្ទើរតែរកលេខដាក់គ្មាន បើមិនដូច្នេះទេ គឺក្រុមនឹងមិនជួបរឿងបែបនេាះឡើយ ។ </span></p>
<p><span style="color: #000000;">គូរបញ្ជាក់ផងដែរថា Toni Kroos គឺជាកីឡាកររបស់ក្រុមជម្រើសជាតិ អាល្លឺម៉ង់ ហើយក៏ជាកីឡាកររបស់ Real Madrid លេងក្នុងមុខតំណែងជាខ្សែបម្រើកណ្ដាល ។ សម្រាប់រយៈពេលលេង នាខណៈពេលនោះ កីឡាករ ចូលរួមពេញមួយការប្រកួត តែម្ដង ដោយមិនមានកីឡាករណាចូមមក ជំនួសរូបគាត់នោះទេ។ </span></p>
<p><span style="color: #000000;"><a class="thickbox" title="" href="/FileManager/Commons/2015/3/11/3-11-2015-10-44-34-am-11-03-2015--10-49-22.png"><span style="color: #000000;"><img src="/FileManager/Articles/mce/2015/3/11/3-11-2015-10-44-34-am-11-03-2015--10-49-22.png" alt="" /></span></a><br /></span></p>
<p style="text-align: right;"><span style="color: #000000;">ដោយ៖ អឿ អ៊ុយ</span></p>
<p style="text-align: right;"><span style="color: #000000;">ប្រភព៖ http://www.uefa.com/</span></p>