<p style="text-align: left;">ចំនួន ១៣ថ្ងៃ ក្រោយពីត្រូវបានអ្នកផ្ទះធ្វើពិធីបុណ្យបញ្ចុះសព ស្ដ្រីដែលត្រូវបានគេជឿថា បាន<br />ស្លាប់នោះ បែរជាត្រូវគេប្រទះឃើញស្ថិតនៅក្នុងមន្ទីរពេទ្យវិកលចរឹតទៅវិញ។</p>
<p style="text-align: center;"><br /><a class="thickbox" title="" href="/FileManager/Commons/2013/8/26/sharolyn-jackson1៤-26-08-2013--15-28-48.jpg"><img style="display: block; margin-left: auto; margin-right: auto;" src="/FileManager/Articles/mce/2013/8/26/sharolyn-jackson1៤-26-08-2013--15-28-48.jpg" alt="" /></a>អ្នកស្រី Sharolyn Jackson កាលនៅក្មេង។ រូប ៖ Huffington Post</p>
<p>ទំព័រសារព័ត៌មាន news12 និង CBSPhilly KYW បានរាយការណ៍អំពីរឿងហេតុដ៏ចម្លែករបស់<br />អ្នកស្រី Sharolyn Jackson ដែលមានអាយុ ៥០ឆ្នាំ ឱ្យដឹងថា កាលពីដើមឆ្នាំ ២០១៣ នេះ អ្នក<br />ស្រី Sharolyn Jackson ត្រូវបានគេប្រកាសថាបានបាត់ខ្លួនពីផ្ទះរបស់អ្នកស្រី នៅភាគខាងលិច<br />តំបន់ Philadelphia អាមេរិក។ <br /><br />ក្រុមមន្ដ្រីមានសមត្ថកិច្ច បានរកឃើញសាកសពមួយដែលមានភិនភាគស្រដៀងនឹងរូបរាងមុខ<br />មាត់របស់ Sharolyn Jackson ហើយសាកសពនេះ ត្រូវបានមនុស្សពីរនាក់ ក្នុងនោះមានកូន<br />ប្រុសម្នាក់របស់ Sharolyn Jackson បានទទួលស្គាល់ថា សាកសពនេះគឺជាម្ដាយរបស់ខ្លួន។</p>
<p>យោងតាមកាសែតក្នុងស្រុក អ្នកស្រី Sharolyn Jackson បាន “ស្លាប់” កាលពីថ្ងៃទី ២០កក្កដា <br />មកដល់ថ្ងៃទី ៣ ខែសីហា គ្រួសារបស់អ្នកស្រីក៏បានធ្វើពិធីបុណ្យបញ្ចុះសព។ ប៉ុន្ដែ កាលពីថ្ងៃ<br />ទី ១៦សីហាកន្លងទៅ ស្ដ្រីដែលបានស្លាប់ គឺអ្នកស្រី Sharolyn Jackson ត្រូវគេប្រទះឃើញស្ថិត<br />នៅក្នុងមន្ទីរពេទ្យវិកលចរឹត។<br /><br />ទំព័រ Huffington Post បានឱ្យដឹងថា បច្ចុប្បន្ន ក្រុមសមត្ថកិច្ចកំពុងធ្វើការស្រាវជ្រាវ ថាតើការ<br />ពិតអ្នកណាជាអ្នកនៅក្នុងផ្នូរនោះ។ អ្នកនាំពាក្យមន្ទីរសុខាភិបាល Philadelphia លោក James <br />Garrow ឱ្យដឹងថា ៖ “បច្ចុប្បន្ន យើងខ្ញុំកំពុងធ្វើការជាមួយក្រុមមេធាវីក្រុងដើម្បីធ្វើការជីកគាស់<br />យកសាកសពដែលត្រូវបានបញ្ចុះនោះមកវិញ ទន្ទឹមនឹងនេះ ក៏បានសហការណ៍ជាមួយនគរ<br />បាលដើម្បីស្វែងរកអត្ដសញ្ញាណពិតរបស់សាកសព” ។<br /><br />នេះមិនមែនជាករណីច្រឡំសាកសពជាលើកទីមួយនោះទេ កាលពីឆ្នាំទៅ Gilberto Araújo ដែល<br />ជាបុរសម្នាក់ នៅ Brazil ក៏ធ្លាប់ត្រូវបានគេប្រកាសថា បានស្លាប់ ប៉ុន្ដែ នៅក្នុងអំឡុងពេលនៃពិធី<br />បុណ្យសពរបស់លោក ស្រាប់តែ Gilberto Araújo បង្ហាញខ្លួន ហើយនិយាយថា ៖ “ណែអ្នករាល់<br />គ្នា ខ្ញុំមិនទាន់ស្លាប់ឯណា! មិនជឿ សាកក្ដិចទៅមើល”៕</p>
<p><object style="display: block; margin-left: auto; margin-right: auto;" width="462" height="396" data="http://www.youtube.com/v/vTZL77-5vf8&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/vTZL77-5vf8&rel=1" /></object></p>
<p style="text-align: right;"><br /><br />ដោយ ៖ តារា<br />ប្រភព ៖ Huffington/ news12<br /><br /></p>