<div class="article-content">
<p><strong>ភ្នំពេញ ៖</strong> បុគ្គលិកមន្ទីរពេទ្យ ព្រះកេតុមាលា បានទាក់ទងស្នេហាជាមួយនារីអ៊ុតសក់ រួចហើយ<br />ពួកគេ បានណាត់ ជួបគ្នាដើរលេងផឹកស៊ីក្នុងហាង ហើយត្រូវរ៉ូវគ្នាឡើងផ្ទះសំណាក់ ប៉ុន្តែចុង<br />ក្រោយភាគីបុរស បានអស់ទ្រព្យសម្បត្តិ និងលុយកាក់ពីខ្លួន ដោយសារតែស្រីស្នេហ៍របស់ខ្លួន<br />លួច ខណៈដែលរូបគេកំពុងដេកលក់ស្កប់ស្កល់ ក្រោយពី ឡើងឋានសួគ៌ហើយ។ ប៉ុន្តែនារី<br />សង្ស័យរូបនេះ ត្រូវបានជនរងគ្រោះដើររក និងប្រទះឃើញ រួចក៏ប្តឹងទៅសមត្ថកិច្ច ចុះមកឃាត់<br />ខ្លួនតែម្តង។</p>
<p>សមត្ថកិច្ចមូលដ្ឋាន បានឲ្យដឹងថា ហេតុការណ៍លួចលុយ និងទ្រព្យសម្បត្តិ ពីគូស្នេហ៍របស់ខ្លួន<br />ខាងលើនេះ បានកើត ឡើងកាលពីវេលាម៉ោង ៥ទៀបភ្លឺ ថ្ងៃទី១៧ ខែសីហា ឆ្នាំ២០១៣ ស្ថិតនៅ<br />ក្នុងផ្ទះសំណាក់ទឹកថ្លា តាមផ្លូវសហព័ន្ធរុស្ស៊ី សង្កាត់ទឹកថ្លា ខណ្ឌសែនសុខ។</p>
<p>ជនរងគ្រោះឈ្មោះ អ៊ុំ ប៊ុនធឿន ភេទប្រុស អាយុ ៣៦ឆ្នាំ មុខរបរជាបុគ្គលិកនៅមន្ទីរពេទ្យ ព្រះ<br />កេតុមាលា រស់នៅ ភូមិត្រពាំងព្រីង ឃុំគោកព្រិច ស្រុកគិរីវង់ ខេត្តតាកែវ។ រីឯជនសង្ស័យឈ្មោះ<br /> នៅ រំដួល អាយុ ២១ឆ្នាំ មុខរបរអ៊ុតសក់ ស្នាក់នៅផ្ទះជួល ក្រុមទី៣ ភូមិស្លែងរលើង សង្កាត់ទឹកថ្លា<br /> ខណ្ឌសែនសុខ។ ដោយឡែកទ្រព្យសម្បត្តិដែលបាត់បង់ រួមមាន លុយ ២០ម៉ឺនរៀល ទូរស័ព្ទ ២<br />គ្រឿង និងខ្សែក ផ្លាកទីនមួយខ្សែ។</p>
<p>បើយោងតាមសមត្ថកិច្ច មុនពេលកើតហេតុ ពួកគេទាំងពីរ ដែលស្គាល់គ្នា ក៏បានណាត់ជួប ហើយ<br />ជនរងគ្រោះនៅយប់ ថ្ងៃទី១៦ ខែសីហា បានឌុបជនសង្ស័យទៅចូលផឹកស៊ី នៅក្នុងហាងផ្ទះអាន់<br />ឆ័រ១ សង្កាត់ទឹកល្អក់ទី៣ ខណ្ឌទួលគោក រួចហើយដល់យប់ជ្រៅពួកគេទាំងពីរនាក់ បានព្រមព្រៀង<br />គ្នាទៅដេក ផ្ទះសំណាក់យីហោ ទឹកថ្លា ដើម្បីឡើងឋានសួគ៌ ។ ក្រោយពីឡើងឋានសួគ៌ហើយ ជន<br />រងគ្រោះអស់កម្លាំង ក៏ដេកលង់លក់នៅក្នុងផ្ទះសំណាក់ ហើយឆ្លៀតក្នុងឱកាសនោះ ជនសង្ស័យ<br />បានធ្វើសកម្មភាពលួចទ្រព្យ សម្បត្តិ និងលុយកាក់ គេចខ្លួនតែម្តងទៅ។ ក្រោយពីភ្ញាក់ឡើង នៅ<br />ពេលដឹងថា គូស្នេហ៍ហេងស៊យរបស់ខ្លួន លួចយកទ្រព្យសម្បត្តិ និងលុយ នៅក្នុងកាបូបនោះ ក៏<br />ដើររក ស្រាប់តែប្រទះ ឃើញជន សង្ស័យនៅផ្សាររោងចក្រស្បែកជើង ក្នុងសង្កាត់ទឹកថ្លា រួចក៏រាយ<br />ការណ៍ជូនសមត្ថកិច្ច ចុះមកឃាត់ខ្លួនតែម្តង។</p>
<p>បច្ចុប្បន្ន ជនសង្ស័យរូបនេះ ត្រូវបានឃុំខ្លួនជាបណ្តោះអាសន្ន នៅអធិការដ្ឋាននគរបាលខណ្ឌ<br />សែនសុខ ដើម្បីកសាង សំណុំរឿងបញ្ជូនទៅតុលាការ៕</p>
<p style="text-align: center;"><img src="http://image.dap-news.com:81/dap-news/dap-images/2013/August/id-068/SH-0174.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-068/SH-0175.jpg" alt="" width="500" /></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល</p>
</div>