<p><strong>ភ្នំពេញៈ</strong> កញ្ញា ឌុច លីដា ជាតារាសម្ដែងមុខឆ្នាស់ មានឈ្មោះសំឡេង ក្នុងវិថីសិល្បៈ និងកំពុង<br />តែចាប់ផ្តើមមានសន្ទុះការងារកាន់តែរីកចម្រើន បន្ថែមមួយកម្រិតទៀត ខណៈនាងក៏បានបង្ហើប<br />ពីមហិច្ឆតា ប្រាថ្នាចង់ចាប់អាជីពថ្មីមួយទៀត បន្ថែមលើអាជីពចាស់ តម្រូវទៅតាមទីផ្សារសិល្បៈ<br />បច្ចុប្បន្ន គឺចង់ក្លាយខ្លួន ជាតារាចម្រៀង។ ប៉ុន្តែអ្វីដែលធ្វើឲ្យនាង នៅទ្រឹងមួយ កន្លែងមិនអាច<br />ចាប់អាជីពនេះបាន ព្រោះតែសំឡេងរបស់ នាងច្រៀងមិនពីរោះដូចគេ ទើបធ្វើឲ្យនាងត្រូវខក<br />|ចិត្ត ទាំងកណ្តាលទីបែបនេះ ។</p>
<p>បច្ចុប្បន្នគេសង្កេតឃើញថា មានសិល្បករ-សិល្បការិនីជាច្រើន បានវិវត្តន៍ខ្លួន ពីអាជីពមួយ <br />|លោតទៅចាប់អាជីពជាច្រើន នៅក្នុងសិល្បៈ ដូចជាតារាសម្តែង ត្រូវទៅចាប់យកអាជីព ជា<br />តារាចម្រៀង ពិធីការិនី និងការងារជាច្រើនទៀត ឲ្យតែការងារក្នុងសិល្បៈ ដោយពួកគេត្រូវ<br />ចាំបាច់ចេះ ស្ទើរតែទាំងអស់ តម្រូវទៅលើទីផ្សារការងារ នាពេលបច្ចុប្បន្ន ។ ប្រសិនបើពួក<br />គេ មានអាជីពជំនាញ តែមួយមុខ នៅពេលមានការងារផ្នែកផ្សេង ទាក់ទងមក ធ្វើឲ្យពួកគេ<br />មិនអាចទទួលយក អាចបាត់បង់ចំណូល និងឱកាសសាង កេរ្តិ៍ឈ្មោះមួយផ្នែកថែមទៀតផង។</p>
<p>ជាមួយគ្នានោះ តារាបង្ហាញម៉ូដ រាងខ្ពស់ស្រឡះចង្កេះរាងតូច ទម្រង់មុខកូនកាត់អឺរ៉ុប កញ្ញា ឌុច<br /> លីដា បានប្រាប់ Looking TODAY ឲ្យដឹងថា សម្រាប់ការងារសិល្បៈ បច្ចុប្បន្នទទួលទាំងអស់<br /> មិនថាការសម្តែង ថតខារ៉ាអូខេ ថតម៉ូដែល ផ្សាយស្ពតពាណិជ្ជកម្ម និងការដើរម៉ូដ ជាដើម ឲ្យ<br />តែមានគេទាក់ទង ព្រោះថាបើយើងចេះ ជំនាញតែមួយ ទទួលតែការងារមួយ គឺទៅមិនរួចទេ<br /> ទាល់តែយើងឆ្លៀតពេល ហាត់រៀនបន្ថែមពង្រីក អាជីពឲ្យច្រើន តម្រូវចិត្តអ្នកដែលទាក់ទង <br />ការងារមក។ ពេលនេះ ឌុច លីដា បានចាប់ អាជីពបន្ថែមច្រើនគួរសម ហើយនៅក្នុងពេលខាង<br />មុខនេះ បើសិនជាមានឱកាសល្អ នាងក៏មានបំណងចង់ចាប់ អាជីពជាតារាចម្រៀងមួយទៀត។</p>
<p>ស្រីស្រស់សំឡេងស្រទន់ ឌុច លីដា បានប្រាប់ឲ្យដឹង ដោយសម្តីខកចិត្តថា “ខ្ញុំពិតជាចង់ ចាប់<br />អាជីពនៅក្នុងសិល្បៈទាំងអស់ ប៉ុន្តែ ខ្ញុំមិនដឹងថា សមត្ថភាពរបស់ខ្ញុំ អាចធ្វើបានដល់កម្រិតណា<br />នោះទេ ព្រោះថាកន្លងមក ខ្ញុំធ្លាប់សាកល្បងច្រៀងខ្លះៗដែរ តែដូចជាទៅមិនរួចសោះប្រហែល<br />ជាមកពីសំឡេងខ្ញុំ មិនអំណោយផលហើយមើលទៅ..!។ តែខ្ញុំនឹងខំប្រឹងព្យាយាមបន្តទៀត ហាត់<br />ច្រៀងឲ្យល្អ ដោយសារកន្លងមក ធ្លាប់មានអ្នករៀបចំ ខនសឺត នៅក្រៅប្រទេសទាក់ទងចង់ ហៅ<br />ខ្ញុំចេញទៅសម្តែង និងច្រៀងតែខ្ញុំអត់ចេះច្រៀងទើបត្រូវអាក់ខាន មិនបានទទួលការងារនេះ..!”។</p>
<p>កញ្ញា លីដា បានប្រាប់ទៀតថា ក្នុងរយៈពេលប៉ុន្មានឆ្នាំចុងក្រោយនេះ មានអ្នកសិល្បៈច្រើន<br />ណាស់ ដែលខំប្រឹងពង្រឹងសមត្ថភាពរបស់ខ្លួន នៅក្នុងសិល្បៈ ព្រោះថាពន្លកអ្នកសិល្បៈ ចេះ<br />តែរីកលូតលាស់ស្ទើររាល់ថ្ងៃ ធ្វើឲ្យទីផ្សារការងារ មានកម្រិត ដូច្នេះក្នុងនាម ជាអ្នកសិល្បៈ យើង<br />ត្រូវចេះបត់បែនទៅតាមទីផ្សារ ការងារមិនមែន អាងតែលើសម្រស់ ឬក៏ភាពល្បីល្បាញ តែមួយ<br />មុខទេ ៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/November/id-098/S_0429.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/November/id-098/S_0430.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/November/id-098/S_0431.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/November/id-098/S_0432.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/November/id-098/S_0433.jpg" alt="" width="600" /></p>
<p style="text-align: right;">ផ្តល់សិទ្ធិដោយ៖ <a href="http://www.lookingtoday.com/index.php/entertainment-general-news/24711-2013-11-20-09-22-56.html">ដើមអំពិល</a></p>