<div class="article-content">
<p><strong>បេកំាង/តៃវ៉ាន់៖</strong> អ្នកនាំពាក្យការិយាល័យ កិច្ចការកោះតៃវ៉ាន់ នៃក្រុមប្រឹក្សារដ្ឋចិន កាលពីថ្ងៃ<br />ព្រហស្បតិ៍ បានថ្កោលទោស ចំពោះសេចក្តីរាយការណ៍ នៃការបាញ់ប្រហារ បណ្តាលឲ្យស្លាប់<br /> អ្នកនេសាទតៃវ៉ាន់ម្នាក់ ពីសំណាក់យោធាហ្វីលីពីន។</p>
<p>ទីភ្នាក់ងារព័ត៌មានចិន ស៊ិនហួ បានផ្សាយនៅថ្ងៃសុក្រ ទី១០ ខែឧសភា ឆ្នាំ២០១៣នេះ ដោយ<br />ផ្អែកតាមការ លើកឡើងរបស់ យ៉ាង យី ថា «ប្រទេសចិន បានទាមទារហ្វីលីពីន បើកការស៊ើប<br />អង្កេតឧប្បតិហេតុ បាញ់ប្រហារយ៉ាងឃោរឃៅនេះ ឲ្យបានម៉ត់ចត់ និងឆាប់រហ័ស »។ លោកថា<br /> «យើងសូមបង្ហាញពីការកាន់ទុក្ខ និងសម្តែងមរណទុក្ខ ជុំវិញការបាញ់ប្រហារ បណ្តាលឲ្យស្លាប់<br />នេះដែរ»។</p>
<p>យោងតាមអាជ្ញាធរនេសាទរបស់កោះ និងការផ្សាយរបស់សារព័ត៌មាន បានឲ្យដឹងថា អ្នកនេសាទ<br />តៃវ៉ាន់ប្រុសម្នាក់ ត្រូវបានបាញ់សម្លាប់ កាលពីព្រឹកថ្ងៃព្រហស្បតិ៍ ទី០៩ ខែឧសភា នៅពេលកប៉ាល់<br />យោធា របស់ហ្វីលីពីនមួយគ្រឿង បានបើកការបាញ់ប្រហារ ទៅលើទូកនេសាទរបស់ បុរសតៃវ៉ាន់<br />ម្នាក់នោះ។</p>
<p>អនុប្រធានផ្នែករដ្ឋបាល នេសាទតៃវ៉ាន់ លោក សាយ ស៊ូយ៉ បាននិយាយនៅមុននេះថា ការបាញ់<br />ប្រហារនេះ បានកើតឡើងកាលពី វេលាម៉ោងប្រហែល ១០ព្រឹក នៅខាងត្បូងកោះតៃវ៉ាន់៕</p>
<p style="text-align: center;"><img src="http://image.dap-news.com:81/dap-news/dap-images/2013/May/id-030/Kosal-0158.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>