<p><span style="color: #000000;"><strong>ភ្នំពេញ៖</strong> មន្ត្រីតុលាការបានឲ្យដឹងថា៖ លោក ឃី ឆៃ ចៅក្រមស៊ើបសួរ នៃ សាលាដំបូងរាជធានីភ្នំពេញ កាលពីថ្ងៃ សៅរ៍ ទី ២៩ ខែវិច្ឆិកា ២០១៤ បានសម្រេចឃុំខ្លួនមេខ្លោងជួញដូរគ្រឿង២នាក់ ដែលត្រូវជាប្តី ប្រពន្ធនឹងគ្នា និងបានបញ្ជូនពួកគេ ទៅឃុំខ្លួន ជាបណ្តោះអាសន្ន នៅក្នុងពន្ធនាគារព្រៃស ពីបទ«ជួញដូរនិងរក្សាទុក ដោយខុសច្បាប់នូវសារធាតុញៀន» ដើម្បីរង ចាំការស៊ើបអង្កេតបន្ថែម និង សវនាការនារបស់ពួកគេនា ពេលខាងមុខ។</span></p>
<p><span style="color: #000000;">មន្ត្រីតុលាការរូបនេះ ដែលសុំមិនឲ្យប្រើឈ្មោះ បាននិយាយថា៖ ជនត្រូវចោទទាំង២នាក់ខាងលើ នេះ មានឈ្មោះ ហ៊ាង ពៅ ហៅជុំ ឈឿន ភេទប្រុស អាយុ៣៦ឆ្នាំ មានមុខរបរជាអង្គរក្ស (ត្រូវជាប្តី) និង ឈ្មោះនៅ កញ្ញា ភេទស្រី អាយុ២៣ឆ្នាំ មានមុខរបរជាមេឆ្នោតកន្ទុយលេខ។ ពួកគេទាំង២នាក់នេះ ស្នាក់នៅផ្ទះលេខ១៣ ផ្លូវលេខ៣១៨ ក្រុម២២ ភូមិ៨ សង្កាត់បឹងសាឡាង ខណ្ឌទួលគោក ។</span></p>
<p><span style="color: #000000;">លោកបានបន្ថែមថា៖ ជនត្រូវចោទទាំង២នាក់នេះ ត្រួវបានចោទប្រកាន់ពីតំណាង អយ្យការ លោកមាស ច័ន្ទពិសិដ្ឋ ព្រះរាជអាជ្ញារង អមសាលាដំបូងរាជធានីភ្នំពេញ សម្រេចចោទប្រកាន់ ពីបទ« ជួញដូរនិងរក្សាទុក ដោយខុសច្បាប់នូវសារធាតុញៀន» តាមមាត្រា៤០ នៃ ច្បាប់ស្ដីពីការត្រួតពិនិត្យគ្រឿងញៀន ដែលអាចប្រឈមនឹងការជាប់គុក ម្នាក់ៗយ៉ាងតិច២០ឆ្នាំ និង ត្រូវផាកពិនិត្យជាប្រាក់ម្នាក់ៗ យ៉ាងហោចណាស់ ចំនួន ២០លានរៀលទៀត ប្រសិនបើពួកគេត្រូវបានតុលាការរកឃើញ ពីពិរុទ្ធភាពនោះ។</span></p>
<p><span style="color: #000000;">លោក ប៊ន សំអាត នាយការិយាល័យប្រឆាំងគ្រឿងញៀននៃស្នងការដ្ឋាននគបាលរាជធានីភ្នំពេញ បានឲ្យដឹងថា៖ ជនសង្ស័យទាំង២នាក់ខាងលើនេហ ត្រូវបានចាប់ឃាត់ខ្លួន ដោយ កម្លាំងនគរបាលការិយាល័យប្រឆាំងគ្រឿងញៀននៃស្នងការដ្ឋាននគរបាលរាជធានី នៅក្នុងសង្កាត់បឹងសាឡាង ខណ្ឌទួលគោក កាលរសៀលថ្ងៃទី ២៦ ខែ វិចិ្ឆកា ២០១៤។ ក្រោយប្រតិបត្តិការបង្ក្រាប និង ឃាត់ខ្លួនពួកគេ សមត្ថកិច្ចនគរបាល ដកហូតបានគ្រឿងញៀនប្រភេទម៉ាទឹកកកប្រមាណជិត៣គីឡូក្រាម គ្រឿងញៀនប្រភេទយ៉ាម៉ារាប់ពាន់គ្រាប់, ម៉ាស៊ីនកុំព្យូទ័រ កាំភ្លើងខ្លីម៉ាក TAURUS មួយដើមមានគ្រាប់ចំនួន១៧គ្រាប់, រថយន្តចំនួន៣គ្រឿង និង ប្រាក់ដុល្លារចំនួន ៥៤.៥០០ដុល្លារ និងប្រាក់ខ្មែរ ចំនួន ១៧០លានរៀល ដែលសរុបប្រមាណជិត១០ម៉ឺនដុល្លារ៕</span></p>
<p><span style="color: #000000;"><a class="thickbox" title="" href="/FileManager/Commons/2014/11/30/v0076-30-11-2014--13-03-46.jpg"><img src="/FileManager/Articles/mce/2014/11/30/v0076-30-11-2014--13-03-46.jpg" alt="" /></a></span></p>
<p><a class="thickbox" title="" href="/FileManager/Commons/2014/11/30/v0077-30-11-2014--13-03-54.jpg"><img src="/FileManager/Articles/mce/2014/11/30/v0077-30-11-2014--13-03-54.jpg" alt="" /></a><span style="color: #000000;"><a class="thickbox" title="" href="/FileManager/Commons/2014/11/30/v0076-30-11-2014--13-03-46.jpg"></a><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>