<div class="article-content">
<p><strong>បាងកក ៖</strong> កម្មករសំណង់ជនជាតិខ្មែរពីរនាក់ ត្រូវបានបាញ់សម្លាប់ កាលពីយប់ថ្ងៃចន្ទ ទី១២ <br />ខែសីហា ដោយកម្មករសំណង់ជនជាតិថៃ បន្ទាប់ពីពួកគេមានជម្លោះពាក្យសម្តី នៅខេត្ត ឈុន<br /> បុរី។</p>
<p>យោងតាមបាងកកប៉ុស្តិ៍ ផ្សព្វផ្សាយ នៅថ្ងៃទី១៣ ខែសីហា ឆ្នាំ២០១៣នេះ បានឲ្យដឹងថា វរៈ<br />សេនីយឯក ប៉ូលីស ក្វាន់ឆៃ ណាំកាន់នីសន អ្នកស៊ើបអង្កេតមកពីស្ថានីយប៉ូលីស មួង ប៉ាតា<br />យ៉ា បាននិយាយនៅថ្ងៃ អង្គារនេះថា ជនរងគ្រោះត្រូវបានគេបញ្ជាក់ថា ឈ្មោះ ហួច ញឿម <br />ភេទប្រុស អាយុ ៣៣ឆ្នាំ និងម្នាក់ទៀត ឈ្មោះ ឡា អាយុ ២៨ឆ្នាំ ។</p>
<p>លោក ស៊ុលរិទ្ធិ ប្រាទុមជុមពូ អាយុ ៣៧ឆ្នាំ ជាសាក្ស៊ីម្នាក់ បាននិយាយប្រាប់ប៉ូលីសថា បុរស<br />ដែលស្លាប់ ទំាងពីរនេះ បានរៀបចំផឹកស៊ី បន្ទាប់ពីធ្វើការនៅក្នុងការដ្ឋានរួចហើយ ដោយពួកគេ<br />បានចាក់ភ្លេងលឺខ្លំាងៗ រំខានដល់អ្នកជិតខាង និងអ្នកធ្វើការផ្សេងទៀតនៅជិតនោះ។</p>
<p>កម្មករខ្មែរម្នាក់ បានរំា ហើយក៏បានប៉ះទង្គិចជាមួយកម្មករថៃទំាងពីរនាក់នោះ ខណៈពួកគេដើរ<br />ឆ្លងកាត់ កន្លែងផឹកស៊ីនោះ ។</p>
<p>លោក ស៊ុលរិទ្ធិ បានបន្តថា ជនរងគ្រោះទំាងពីរនាក់នោះ មិនបានសុំទោសនោះទេ ពាក់ព័ន្ធនឹង<br />ការរំខាន នេះ និងបានប្រទូស្តរាយគ្នា ជាមួយកម្មករសំណង់ពីរនាក់ដែលជាជនជាតិថៃ ។ បន្ទាប់<br />មកកម្មករសំណង់ ទំាងពីរនាក់នោះ បានត្រឡប់ទៅវិញ ហើយក្រោយមកបាននាំគ្នីគ្នាមួយចំនួន<br />ទៀត មកវាយប្រហារកម្មករ ខ្មែរទំាងពីរនាក់នោះ ។</p>
<p>អំឡុងពេលមានការវ៉ៃតប់នោះ កម្មករថៃម្នាក់ បានដកកំាភ្លើង និងបានបាញ់សំដៅកម្មករខ្មែរទំាង<br />ពីរនាក់ នោះ បណ្តាលឲ្យស្លាប់ក្នុងថ្លុកឈាមតែម្តង ។</p>
<p>ពាក់ព័ន្ធនឹងហេតុការណ៍ បាញ់ប្រហារនេះដែរ លោកវរសេនីយឯក ស៊ូវ៉ាន់ ជាណាវ៉ាន់ថាវ៉ាត់ ស្នង<br />ការ ប៉ូលីស ប៉ាតាយ៉ា បាននិយាយថា ប៉ូលីសបានចាប់ខ្លួនខ្មាន់កំាភ្លើង ដែលបានបាញ់ប្រហារនោះ<br />ហើយ និង បានបញ្ជាក់ពីអត្តសញ្ញាណ អ្នកពាក់ព័ន្ធផ្សេងទៀតផងដែរ ៕</p>
<p style="text-align: center;"><img src="http://image.dap-news.com:81/dap-news/dap-images/2013/August/id-015/T-0282.jpg" alt="" width="500" /></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល</p>
</div>