<div class="article-content">
<p><strong>សៀមរាបៈ</strong> ក្នុងរយៈពេលតែមួយ យប់ប៉ុណ្ណោះ ក្រុមចោរលួចយ៉ាង សកម្មបានធ្វើសកម្មភាព <br />គាស់ទ្វារ ការិយាល័យ អប់រំយុវជន និងកីឡាស្រុក និងទីចាត់ការក្នុងបរិវេណ សាលាបឋម<br />សិក្សាគំរូ ដោយលួច កុំព្យូទ័រអស់ ៤គ្រឿង គាស់វាយទូដែក និងសម្ភារៈមួយចំនួន ទៀតបាន<br />ដោយរលូន ពុំមានការរំខាន ដល់នគរបាលមូលដ្ឋានឡើយ។</p>
<p>ហេតុការណ៍គាស់ទ្វារមានការភ្ញាក់ផ្អើលនេះបានកើតឡើង កាលពីវេលាម៉ោង៦ និង៤៥នាទី <br />ព្រឹកថ្ងៃទី៨ ខែមករា ឆ្នាំ២០១៣ នៅក្នុងភូមិគោកមន ឃុំដំដែក ស្រុកសូទ្រនិគម ខេត្តសៀម<br />រាប។</p>
<p>លោក ជាង ឌឿន អាយុ៦៦ឆ្នាំ ជាអ្នកយាមប្រចាំការក្នុងបរិវេណសាលាបឋមសិក្សាគំរូនេះ <br />បានឲ្យដឹងថា កាលពីក្បាលព្រលប់ គាត់បានដើរត្រួតពិនិត្យជុំវិញ សាលាដែរតែពុំមានអ្វីកើត<br />ឡើងនោះទេ ហើយរូបលោកបានចូលទៅសំរាកនៅកន្លែង របស់លោកវិញ។ លុះព្រឹកឡើង<br />ស្រាប់តែមានការភ្ញាក់ផ្អើលថា មានក្រុមចោរចូលទៅគាស់ទ្វារ យកសម្ភារៈអស់នៅក្នុងការិយា<br />ល័យអប់រំ និងទីចាត់ការនេះតែម្តង។</p>
<p>លោក ទីវ គីរី នាយកសាលាបឋមសិក្សាគំរូ បានឲ្យដឹងថា ក្រុមចោរលួចគាស់ទ្វារយ៉ាងសកម្ម<br />មានគ្នា ប្រហែល៤ ទៅ៥នាក់ បានធ្វើសកម្មភាពលួចមុនដំបូងក្រុមចោរនោះ ចូលទៅលួច<br />យកកុំព្យូទ័រ នៅក្នុងការិយាល័យអប់រំ ស្រុកបាន៣គ្រឿង និងនាំគ្នាលើកទូរដែកសម្រាប់<br />តម្កល់លុយ បើកឲ្យបុគ្គលិកយកទៅដាក់នៅមុខ ការិយាល័យ ដើម្បី ធ្វើការគាស់យក<br />សម្ភារៈនៅក្នុងនោះ។</p>
<p>លោកនាយកបានបន្តទៀតថា នៅក្នុងទូរដែកនោះទេ ក្រុមចោរពុំបានយកអ្វីនោះ ដោយទូរ<br />មានគន្លឹះរឹង មាំ ហើយក្រុមចោរបាននាំគ្នា បន្តចូលគាស់បង្អូច បន្ទប់ទីចាត់ការរបស់ខ្លួន<br /> ដោយយកបានកុំព្យូទ័រមួយគ្រឿង និងកន្រ្តៃកាត់ស្មៅមួយផងដែរ ហើយនាំគ្នាគេចខ្លួនបាត់<br />ស្រមោលបន្សល់ទុកនៅតែម្រាមជើង។</p>
<p>តាមព័ត៌មាននៅកន្លែងកើតហេតុបាននិយាយថា ក្រុមចោរមានគ្នា៤ទៅ៥នាក់ បានលួចយក<br />កុំព្យូទ័រទៅបាត់ អស់ កំពុងធ្វើឲ្យមន្ត្រីការិយាល័យអប់រំ ស្រុកនិងនាយកសាលា បឋមសិក្សា<br />គំរូ ក្រពល់ មុខយ៉ាង ខ្លាំងព្រោះ នៅក្នុងកុំព្យូទ័រនោះបានផ្ទុកឯកសារ សំខាន់ៗ ជាច្រើនឆ្នាំមក<br />ហើយ ត្រូវបានក្រុមចោរលួចយកអស់រលីង៕</p>
<p style="text-align: center;"><img src="http://111.92.240.170:81/dap-news/dap-images/2013/January/id-067/CH-0148.jpg" alt="www.dap-news.com" width="400" /></p>
<p style="text-align: center;"><img src="http://111.92.240.170:81/dap-news/dap-images/2013/January/id-067/CH-0149.jpg" alt="www.dap-news.com" width="400" /></p>
<p style="text-align: center;"><img src="http://111.92.240.170:81/dap-news/dap-images/2013/January/id-067/CH-0150.jpg" alt="www.dap-news.com" width="400" /></p>
<p style="text-align: center;"> </p>
<p style="text-align: right;">ប្រភព ៖ DAP</p>
</div>