<p><span style="color: #000000;">ភ្នំពេញ៖ ផឹកស្រវឹងចេញពីក្លឹប C2 បុរសម្នាក់ បានបើករថយន្តជ្រុលរ៉េចង្កូត ទៅបុកបង្គោលភ្លើងសាធារណៈ បណ្តាលឲ្យធ្លាក់អំពូលភ្លើងបែកអស់ពីរ រួចព្យាយាមជិះគេចខ្លួន ក៏ស្រាប់ទៅជ្រុលចង្កូត ទៅបុកម៉ូតូនគរបាលល្បាត បណ្តាលឲ្យនគរបាល៤ នាក់រងរបួសធ្ងន់ នៅម៉ោងប្រម៉ាណ១៖៥០នាទី រំលងអធ្រាត្រ ឈានចូលថ្ងៃទី២៦ ខែកុម្ភៈ ឆ្នាំ២០១៥ នៅខាងលិចក្រុមហ៊ុនសេលកាត ផ្លូវសីហនុ សង្កាត់បឹងកេងកង ខណ្ឌចំការមន។</span></p>
<p><span style="color: #000000;">សាក្សីនៅកន្លែងកើតហេតុ បានឲ្យដឹងថា ជនបង្កជិះរថយន្ត ឡិចស៊ីស RX300 ពណ៌ខ្មៅ ពាក់ស្លាកលេខ ភ្នំពេញ 2M-4168 ចេញពីក្លឹប C2 នៅផ្លូវលេខ១០៥ ក្នុងសង្កាត់បឹងព្រលិត ខណ្ឌ៧មករា ទាំងស្រវឹងស្រាជោគជាំ ពីលិចទៅកើត បានបន្តិចក៏ជ្រុល ចង្កូតទៅបុកបង្គោលភ្លើង ហើយបានព្យាយាមជិះរត់ ក៏ទៅបុកម៉ូតូល្បាត បណ្តាលឲ្យសមត្ថកិច្ច ៤នាក់ រងរបួស ហើយត្រូវបានបញ្ជូន ទៅព្យាបាលនៅមន្ទីរពេទ្យភ្លាមៗ។</span></p>
<p><span style="color: #000000;">យ៉ាងណាក៏ដោយ មិនទាន់មានសេចក្តីរាយការណ៍ថា ស្ថានភាពកម្លាំងសមត្ថកិច្ចទាំងនោះ យ៉ាងណាហើយនោះទេ ដោយឡែកម៉ូតូ និងរថយន្ត ត្រូវបានយកទៅរក្សាទុក នៅអធិការដ្ឋានគរបាលខណ្ឌចំការមន ដើម្បីរង់ចំាការដោះស្រាយតាមផ្លូវច្បាប់៕</span></p>
<p><span style="color: #000000;"><img src="http://image.dap-news.com:81/dap-news/dap-images/2015/February/id-014/that-0358.jpg" alt="Photo by DAP-News" /></span></p>
<p><span style="color: #000000;"><img src="http://image.dap-news.com:81/dap-news/dap-images/2015/February/id-014/that-0359.jpg" alt="Photo by DAP-News" /></span></p>
<p><span style="color: #000000;"><img src="http://image.dap-news.com:81/dap-news/dap-images/2015/February/id-014/that-0357.jpg" alt="Photo by DAP-News" /></span></p>
<p style="text-align: right;"><br /><span style="color: #000000;">ផ្ដល់សិទ្ធដោយ៖ ដើមអម្ពិល</span></p>