<p><strong>ភ្នំពេញៈ</strong> នាពេលកន្លងមកធ្លាប់លេចព័ត៌មានថា តារាចម្រៀងយ៉េៗ សម្បូរវោហារស័ព្ទកំប្លុក<br />កំប្លែង អ្នកនាង ខាត់ សុឃីម មានផ្ទៃពោះកូនដំបូង ជាមួយស្វាមី លោក អ៊ិន ផាណូ រយៈពេល<br />ជាង៥ខែមកហើយ ក្រោយពីពួកគេបាន រៀបអាពាហ៍ពិពាហ៍ ជាមួយគ្នា រយៈពេលជាងកន្លះ<br />ឆ្នាំ ។ តែត្រូវបានអ្នកនាង ប្រាប់ឲ្យដឹងថា គម្រោងយកកូនត្រូវពន្យាពេល ដោយគ្មាន កាល<br />កំណត់ ព្រោះពេលនេះ កំពុងតែរវល់កើបលុយ។</p>
<p>ក្រោយពីលេចឮព័ត៌មាន ដ៏រំភើបចិត្តថា តារាចម្រៀង និងជាម្ចាស់ហាងសំអាងការ អ្នកនាង <br />ខាត់ សុឃីម មានអាការៈចាញ់កូន ជាលើកទី២ បន្ទាប់ពីនាង បានរៀបការស្របច្បាប់ ជាមួយ<br />ស្វាមី កាលពីថ្ងៃទី ១២-១២-១២ កន្លងទៅនេះ ។ ជុំវិញព័ត៌មាននេះត្រូវបានអ្នកនាង ចេញមុខ<br />ច្រានចោល ដោយប្រាប់ LookingTODAY ថា មិនទាន់មានទេ គ្រាន់តែជាពាក្យចចាមអារ៉ាម<br />ប៉ុណ្ណោះ ។ ធាតុពិតអ្នកនាង មិនទាន់មាន គម្រោងច្បាស់លាស់ ថា ត្រូវយកកូននៅពេលណា<br />ទេ ព្រោះពេលនេះរវល់ខ្លាំង ដកឃ្លាមិនរួចទេ។</p>
<p>ថ្លែងប្រាប់ LookingTODAY កាលពីពេលថ្មីៗកន្លងទៅនេះ អ្នកនាង ខាត់ សុឃីម បានប្រាប់ឲ្យ <br />ដឹងតាមទូរស័ព្ទថា តាមពិតអ្នកនាង ក៏មានបំណងចង់យកកូន ក្នុងពេលឆាប់ៗនេះដែរ គ្រាន់តែ<br />មិនទាន់មាន ពេលវេលាសមស្រប ត្រូវយក។ តែជារឿយៗគេ តែងតែសួរនាំពីរឿងនេះច្រើន<br /> អ្នកនាងចេះតែរកលេសថា មិនទាន់ចង់គិតពីរឿងហ្នឹង តាមពិតចិត្តចង់បានកូនខ្លាំងណាស់។</p>
<p>តារាសម្បុរស្រអែមរាង តូចច្រឡឹង ខាត់ សុឃីម បានប្រាប់ឲ្យដឹងថា " ខ្ញុំ និងគ្រួសារ ក៏មាន<br />គំនិតចង់បានកូនឆាប់ៗ គ្រាន់តែពេលនេះ ខ្ញុំកំពុងតែជាប់ដៃរកស៊ី ទាំងរដូវវស្សា ក៏រវល់ ។<br /> ភាគច្រើនភ្ញៀវមកជួលសម្អាងការ តែងតែចង់បានខ្ញុំទៅច្រៀង ដូច្នេះ បើមានផ្ទៃពោះ ចេះតែ<br />ស្តាយ ។ ពេលនេះស្វាមីរបស់ខ្ញុំ ក៏កំពុងតែរំអុក ចង់បានកូន ហើយក្រុមគ្រួសារ ខាងស្វាមី<br />គាត់ក៏ ចង់ពរចៅក្នុងពេលឆាប់ដូចគ្នា"។</p>
<p>ជាមួយគ្នានោះដែរ អ្នកនាង ខាត់ សុឃីម ក៏បានព្រលយពាក្យសំដីលេង ជាមួយសំឡេងសើច<br />តិចៗថា តាមពិតទៅអ្នកនាង ពេលនេះ គឺមានការមមាញឹក ជាមួយការងារច្រើនណាស់ហើយ<br />ស្វាមីក៏រវល់ដែរ ទើបចង់ទុកពេល ចាំមើលឆ្នាំក្រោយ ទើបមានគម្រោងយកកូន ហើយស្វាមី<br />គាត់ក៏យល់ព្រមដែរ ។ បើយកកូនពេលនេះ ក៏មិនសូវ មានពេលឃុំគ្រងមើល ថែរក្សាកូនបាន<br />ដិតដល់ទេ ព្រោះថា ឪពុកម្តាយ ជាប់ដៃរកស៊ីគ្មានពេលទំនេរទេ ៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/May/id-099/v_2927.jpg" alt="" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/May/id-099/v_2928.jpg" alt="" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/May/id-099/v_2929.jpg" alt="" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/May/id-099/v_2930.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>