<p>ព័ត៌មានអន្តរជាតិ ៖ យោងតាមការដកស្រង់ អត្ថបទផ្សាយ ពីគេហទំព័រសារព័ត៌មានបរទេស ស្កាយ ញូវ ដែលទើបតែបានចេញផ្សាយ កាលពីប៉ុន្មានម៉ោង មុននេះ បន្តិចអោយដឹងថា ក្រុមមនុស្ស ដែលជាអ្នកលេង កីឡាលោតឆ័ត្រយោង ៨ នាក់ ត្រូវបានរកអោយឃើញថា បានស្លាប់បាត់បង់ ជីវិត យ៉ាងអាណោចអាធ័ម ក្រោយពីយន្តហោះ ដែលពួកគេ កំពុងតែជិះនោះ បានធ្លាក់ និងផ្ទុះ ឆេះ យ៉ាងសន្ធោសន្ធៅ នៅឯ ប្រទេស ហ្វាំងឡង់ដ៍ ។</p>
<p>សេចក្តីរាយការណ៍ បន្តអោយដឹងថា មិនត្រឹមតែមានមនុស្ស ស្លាប់បាត់បង់ជីវិតតែប៉ុណ្ណោះទេ តែ នៅក្នុងនោះ ក៏បានបណ្តាលអោយមនុស្ស ៣ នាក់ផ្សេងទៀត ទទួលរងរបួសធ្ងន់ ដូចគ្នាដែរ ក្នុង នោះរួមមាន បុរសជាអ្នកបើកយន្តហោះ ជាបេក្ខភាពម្នាក់ ក្នុងចំណោម ៣ នាក់ ដែលបានរួចផុត ពីសេចក្តីស្លាប់ ក្នុងហេតុការណ៍ ដ៏រន្ធត់មួយនេះ ។</p>
<p><a class="thickbox" title="" href="/FileManager/Commons/2014/4/21/50-21-04-2014--08-53-43.jpg"><img src="/FileManager/Articles/mce/2014/4/21/50-21-04-2014--08-53-43.jpg" alt="" /></a><br /> បញ្ជាក់ ៖ រូបភាព ឯកសារ ដកស្រង់ ចេញពីទំព័រ ស្កាយញូវ</p>
<p>យ៉ាងណាមិញ ប្រភពដដែល មូលហេតុ ដែលបានធ្វើអោយយន្តហោះ ធ្លាក់ និងផ្ទុះឆេះ ពុំទាន់ បានដឹងជាក់ច្បាស់ នៅឡើយទេ ពោលស្ថិតនៅ ក្រោមការតាមដានស៊ើបអង្កេតនៅឡើយ នេះ បើយោងតាមសម្តីលោក Petri Kangas អគ្គនាយកជាន់ខ្ពស់ ទទួលបន្ទុកខាងស៊ើបអង្កេត។ ផ្ទុយ ទៅវិញ យោងតាមសាក្សី ដែលបានឃើញហេតុការណ៍ ខាងលើផ្ទាល់ភ្នែក អះអាងអោយដឹងថា គេបានឃើញ របស់អ្វីម្យ៉ាងបានធ្លាក់ចេញពីយន្តហោះ ខាងលើ មុនបន្តិច វិនាទី នៃការផ្ទុះឆេះ ។</p>
<p>ពុំទាន់ជាក់ច្បាស់នៅឡើយនោះទេ ថាតើ វត្ថុម្យ៉ាង ដែលបានធ្លាក់ចេញពីយន្តហោះ គឺជាអ្វីនោះ ទេ វាអាចជា វត្ថុសាមញ្ញធម្មតា ឬក៏ជាបំណែក យន្តហោះ ដែលបានធ្លាក់ចុះមក ញ៉ាំងអោយមាន បញ្ហាគ្រឿងម៉ាស៊ីន ? ករណីនេះ ស្ថិតនៅជាចម្ងល់ ខណៈបន្តតាមដាននៅឡើយ ។ គួររំឭកថា រាល់បេក្ខភាព ជនរងគ្រោះទាំងអស់ គឺជាពលរដ្ឋ រស់នៅក្នុងប្រទេស ហ្វាំងឡង់ដ៍ ៕</p>
<p style="text-align: right;">ប្រែសម្រួល ៖ កុសល<br /> ប្រភព ៖ ស្កាយញូវ</p>