<p>ព័ត៌មានអន្តរជាតិ ៖ ដោយយោងតាមការដកស្រង់អត្ថបទផ្សាយ របស់គេហទំព័រសារព័ត៌<br />មានបរទេស spy ដែលទើបតែបានចេញផ្សាយកាលពីថ្ងៃសៅរ៍ ទី៤ ឧសភា សប្តាហ៍កន្លង<br />ទៅនេះ បានអោយដឹងថា យុវសិស្សវ័យ ២១ ឆ្នាំម្នាក់ ឈ្មោះ Shane Allen ត្រូវបានក្រុម<br />មន្ត្រីជំនាញធ្វើការចាប់ឃាត់ខ្លួន បន្ទាប់ពីគេបានយកសត្វក្រពើកំណា ចមួយក្បាលចូល<br />ទៅអាគារសិក្សារបស់ខ្លួននៅក្នុងរដ្ឋ Oklahoma សហរដ្ឋអាមេរិក។</p>
<p><a class="thickbox" title="" href="/FileManager/Commons/2013/5/6/22132639ss-06-05-2013--10-15-38.jpg"><img src="/FileManager/Articles/mce/2013/5/6/22132639ss-06-05-2013--10-15-38.jpg" alt="" width="433" height="241" /></a></p>
<p>លើសពីនេះ ប្រភពសារព័ត៌មានដដែល ក៏បានគូសបញ្ជាក់បន្ថែម អោយដឹងផងដែរថា<br />ទន្ទឹមនឹងការរកឃើញសត្វក្រពើពិការជើងម្ខាងមួយក្បាលនេះ ក្រុមមន្ត្រីប៉ូលីសក៏បានរក<br />ឃើញនូវវេជ្ជបញ្ជាថ្នាំកញ្ឆាផងដែរ នៅក្នុងឡានជនជាប់ចោទវ័យ ២១ ឆ្នាំរូបនោះ។ យ៉ាង<br />ណាមិញ បើយោងតាមអ្នកនាំពាក្យមកពីវិទ្យាល័យវិញ ក៏បានអះអាងបន្ថែមពីលើនេះ<br />ផងដែរថា បើតាមការប៉ាន់ស្មាន មូលហេតុដែលនាំអោយ Allen នាំយកក្រពើមួយក្បាល<br />នោះចូលវិទ្យាល័យ វាអាចជាផ្នែកមួយនៃការធ្វើបទបង្ហាញ តែការលើកឡើងនេះ មិន<br />ទាន់មានភាពប្រាកដប្រជានៅឡើយនោះទេ។</p>
<p>គួររំឭកផងដែរថា យុវសិស្សរូបនេះ ក៏កំពុងតែរងការចោទប្រកាន់ទាក់ទិននឹងគ្រឿង<br />ញៀន ហើយគេអាចប្រឈមមុខនឹងការចោទប្រកាន់ពីលើនេះទៀត ខណៈពេលដែល<br />លោក មិនមានអាជ្ញាប័ណ្ណផ្លូវការណាមួយ ស្តីពីការរក្សាទុកនូវសត្វកម្រមួយនេះដោយ<br />ស្របច្បាប់ ស្របពេលដែលជនជាប់ចោទបានបញ្ជាក់ថា ក្រពើនេះ គេបានខ្ចីពីមិត្តភក្កិ<br />តែប៉ុណ្ណោះ៕</p>
<p style="text-align: right;">ដោយ ៖ រិទ្ធី<br />ប្រភព ៖ spy</p>