<p>ព័ត៌មានអន្តរជាតិ៖ បុរាណវត្ថុវិទូ ប្រទេស អេហ្ស៊ីប បានគូសបញ្ជាក់អោយដឹងថា ពួកគេបានជីក រកឃើញ មឈូសថ្ន បុរាណ មានអាយុកាល ដល់ទៅ ៣,៦០០ ឆ្នាំ ឯណោះ ខណៈពេលដែល សាកសព ត្រូវបានបញ្ជាក់អោយដឹងថា មាននៅក្នុង មឈូសថ្ម បុរាណនោះនៅឡើយ នេះបើ យោងតាមការដកស្រង់ អត្ថបទផ្សាយ ពីគេហទំព័រសារព័ត៌មាន បរទេស ស៊ីអិនអិន ។</p>
<p><a class="thickbox" title="" href="/FileManager/Commons/2014/2/14/140213114735-01-sarcophagus-0213-story-top-14-02-2014--09-51-47.jpg"><img src="/FileManager/Articles/mce/2014/2/14/140213114735-01-sarcophagus-0213-story-top-14-02-2014--09-51-47.jpg" alt="" /></a></p>
<p>សារព័ត៌មានរដ្ឋ ប្រទេស អេហ្ស៊ីប Al-Ahram បានចេញផ្សាយ កាលពីថ្ងៃព្រហស្បត្តិ៍ ម្សិលមិញ នេះអោយដឹងថា ក្រុមការងារ ខណៈមានការជីកកាយគាស់ នៅក្នុងក្រុង Luxor ពួកគេបានរក ឃើញ មឈូសថ្មបុរាណ ដ៏ចំណាស់ រូបរាង ជាមនុស្សមួយនេះ ផ្ទាល់តែម្តង ។</p>
<p>ឧត្តមក្រុមប្រឹក្សាប្រទេស ជំនាញវត្តុបុរាណ អះអាងអោយដឹងថា មឈូសថ្មបុរាណ មួយនេះមាន វត្តមានតាំងពីឆ្នាំ ១,៦០០ មុន គ.ស មកម្ល៉េះ ពោលគឺ នៅសម័យកាល ខ្សែរាជវង្ស Pharaonic ទី ១៧ សោយរាជ្យ នៅក្នុងប្រទេស អេហ្ស៊ីប ។</p>
<p>ក្រោយពីបានដកស្រង់ សម្តីលោក Mohamed Ibrahim ជាឧត្តមក្រុមប្រឹក្សាប្រទេស ជំនាញវត្តុ បុរាណ សារព័ត៌មានរដ្ឋ Al-Ahram ចេញផ្សាយបន្តអោយដឹងថា មឈូសថ្ម បុរាណមួយនេះ គឺ ជាមឈូស របស់មន្រ្តីរដ្ឋាភិបាល កំពូល កាលពីសម័យនោះ ខណៈសាកសព នៅមាន នៅក្នុង នោះនៅឡើយ (Mummy) ។</p>
<p><a class="thickbox" title="" href="/FileManager/Commons/2014/2/14/140213114849-02-sarcophagus-0213-story-body-14-02-2014--09-51-57.jpg"><img src="/FileManager/Articles/mce/2014/2/14/140213114849-02-sarcophagus-0213-story-body-14-02-2014--09-51-57.jpg" alt="" width="493" height="277" /></a></p>
<p>គួរបញ្ជាក់ផងដែរថា គេក៏បានប្រទះឃើញ ឈ្មោះមន្រ្តីរដ្ឋាភិបាលកំពូល រូបនោះ នៅលើមឈូស ថ្មបុរាណនេះ ដូចគ្នាដែរ តែពុំទាន់មានសេចក្តីរាយការណ៍ ថាអាចបញ្ជាក់បាន នូវអត្តសញ្ញាណ គាត់នៅឡើយទេ ៕</p>
<p style="text-align: right;">ប្រែសម្រួល ៖ កុសល<br />ប្រភព ៖ ស៊ីអិនអិន</p>