<p><strong>ភ្នំពេញ៖</strong> តារាស្រីធ្លាប់លេចឈ្មោះល្បី តាមរយៈការសម្តែងរឿង និងថតស្ប៉តពាណិជ្ជកម្ម កញ្ញា នៅ សូនីតា ក្រោយពីបែកធ្លាយដំណឹង ស្នេហាក្រៅឆាក ជាបន្តបន្ទាប់មក រហូតមកដល់ពេលនេះ ហាក់ ដូចជាបាត់មុខបាត់មាត់ពីសិល្បៈ ស្ទើរតែហៅលែងឮទៅហើយ ។ ប៉ុន្តែថ្មីៗនេះ ស្រាប់តែឃើញ នៅ សូនីតា បានបង្ហោះរូបថត១សន្លឹក បង្ហាញពីភាពស្និទ្ធស្នាល ជាមួយបុរសវ័យក្មេងម្នាក់ មានវ័យ ប្រហាក់ប្រហែលគ្នា ខុសប្លែកពីធម្មតា។</p>
<p>នៅលើបណ្តាញសង្គមទំនាក់ទំនង Facebook របស់តារាសម្តែង កញ្ញា នៅ សូនីតា គេបានឃើញនាង បង្ហោះ រូបថតចំនួន ១ សន្លឹក ដែលថតលក្ខណៈកៀកកើយ ជាមួយបុរសម្នាក់ មានវ័យស្របាលគ្នា។ ការបង្ហាញរូបភាព ដែលមើលទៅហាក់មានភាពស្និទ្ធស្នាលនេះ បានធ្វើឲ្យ Friend នៅ ក្នុង facebook ក៏ដូចជាអ្នក ដែលបានឃើញរូបថតនេះ មានភាពភ្ញាក់ផ្អើលគ្រប់គ្នា និង មានការសង្ស័យ ចំពោះ សកម្មភាពនេះ។</p>
<p>បើគេសង្កេតមើល ចំពោះសកម្មភាព បង្ហាញពីភាពស្និទ្ធស្នាល រវាងបុរសប្លែកមុខជាមួយនឹង កញ្ញា នៅ សូនីតា គឺហាក់ដូចជាមាន សភាពខុសប្លែកអំពីមិត្តភាពធម្មតា ព្រោះឥរិយាបទ ដែលអ្នកទាំង ពីរបានស្តែងឡើង ត្រូវគេដាក់ការសង្ស័យថា ប្រហែលជាការបង្ហាញ ពីមិត្តភាពទំនាក់ទំនងស្នេហ៍ ដ៏ផ្អែមល្ហែមជាមួយគ្នា ។</p>
<p>ទោះបីជាយ៉ាងណាក្តី នៅរសៀលថ្ងៃនេះ LookingTODAY មិនទាន់អាច សុំការបកស្រាយ ពីកញ្ញា នៅ សូនីតា បានទេ ជុំវិញការបង្ហាញ រូបភាពកៀកកើយ នៅលើហ្វេប៊ុននេះ។ សូមជម្រាបជូនថា មុខនេះ បន្តិច កញ្ញា នៅ សូនីតា បានជាប់មន្ទិលសង្ស័យ អំពីសម្ព័ន្ធភាពស្នេហា ជាមួយកូនអ្នកធំម្នាក់ មាន វ័យប្រហែលជាង២០ ឆ្នាំ ជិះរថយន្តស៊េរីទំនើប ថែមទាំងមានអង្គរក្ស តាមការពារទៀតផង ។ ប៉ុន្តែ ព័ត៌មាននេះ មិនទាន់ទាំងសាបរលាបផង នាងក៏ផ្គើនបង្ហោះរូបភាព កៀកកើយជាមួយបុរសវ័យក្មេង<br />បន្ថែមទៀត៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/December/id-065/PISETH-061.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/December/id-065/PISETH-062.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/December/id-065/PISETH-063.jpg" alt="" width="600" /></p>
<p style="text-align: right;">ផ្តល់សិទ្ធិដោយ៖ <a href="http://www.lookingtoday.com/index.php/entertainment-general-news/25309-2013-12-06-10-34-51.html"><span style="color: #0000ff;">ដើមអំពិល</span></a></p>