<p><strong>ភ្នំពេញៈ</strong> នៅក្នុងឱកាសបុណ្យចូលឆ្នាំចិន-វៀតណាម ដែលកន្លងទៅថ្មីៗនេះ គេសង្កេត ឃើញ ថាមិនសូវ ឃើញមានវត្តមាន តារាប្រុសស្រីល្បីឈ្មោះកូនកាត់ចិន ធ្វើដំណើរកម្សាន្ត ទៅតាម រមណីយដ្ឋានច្រើនកុះករ ដូចរាល់ឆ្នាំនោះទេ រហូតដល់ធ្វើឲ្យទស្សនិកជនមួយចំនួន មានការ ងឿងឆ្ងល់ និងគិតថាទំនងជា តារាទាំងអស់នោះកាក់កប់ និងការងារដល់ភ្លេច រឿង ដើរលេង និង មានមតិខ្លះទៀតសង្ស័យថា ទំនងជាមានបញ្ហា ខាងផ្នែកសេដ្ឋកិច្ច ហើយបាន ជាមិនចេញដើរ លេងបែបនេះ ។</p>
<p>ទាក់ទងនឹងចម្ងល់នេះ បានត្រឹមតែជាសំនួរ គ្មានចម្លើយតែប៉ុណ្ណោះ ព្រោះថាគ្មានអ្នក តារាប្រុស ស្រីល្បីឈ្មោះណាមួយ ចេញមុខបកស្រាយនោះទេ ទើបតែពេលនេះគេបាន ឃើញតារា សម្តែង និងជាពិធីការិនី ប្រចាំស្ថានីយទូរទស្សន៍ ស៊ី ធី អ៊ីន កញ្ញា ថន លក្ខិណា បានចេញមុខ បកស្រាយ ជាសាធារណៈថាការដែល នាងមិនបានដើរលេងកម្សាន្ត នៅតាមរមណីយដ្ឋាន នៅក្នុងឱកាស បុណ្យចូលឆ្នាំចិន-វៀតណាម នេះ ព្រោះតែនាងមានជាប់ដៃ ជាមួយការងារ គ្មានពេលទំនេរ ។</p>
<p>ពិធីការិនីសម្បូរសំណើច កញ្ញា ថន លក្ខិណា បានប្រាប់នៅលើបណ្តាញ ទំនាក់ទំនងសង្គម Facebook ឲ្យដឹងថា “ថ្ងៃនេះអត់បានទៅណាទេ ទុកកម្លាំងសំរាប់ថ្ងៃស្អែក ដើម្បីធ្វើដំណើរទៅ ខេត្តបន្ទាយមានជ័យ ក្នុងកម្មវិធីប្រគុំតន្រី្តខារ៉ាបាវ និងធ្វើការជាច្រើនទៀត ” ។</p>
<p>ជាមួយគ្នានោះ សូម្បីតែអ្នកនៅជិតខ្លួន នាងក៏បានលួចបង្ហើបប្រាប់ឲ្យដឹងដែរថា នៅរយៈពេល ប៉ុន្មានខែចុងក្រោយនេះ លក្ខិណា មានការរវល់ច្រើន ជាមួយការងារជាពិសេស ចុះខនសឺត តាម ខេត្ត និងកាន់កម្មវិធី នៅស្ថានីយទូរទស្សន៍អត់ មានពេលទំនេរទេ ហើយកាលពីបុណ្យ ចូលឆ្នាំ ចិន នាងក៏គ្មានពេលដើរ លេងទៅណាមកណាទេ ព្រោះថានាងមាន ការហត់នឿយ ស្ទើរគ្មាន ពេលសម្រាក់ ៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/February/id-098/S_0064.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/February/id-098/S_0065.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/February/id-098/S_0066.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/February/id-098/S_0067.jpg" alt="" width="600" /></p>
<p style="text-align: right;">ផ្តល់សិទ្ធិដោយ៖ <a href="http://www.lookingtoday.com/index.php/entertainment-general-news/27259-2014-02-04-09-51-55.html"><span style="color: #0000ff;">ដើមអំពិល</span></a></p>