<p>ខ្យងរបស់ Andreas Gugumuck (អូទ្រីស) ក្នុងមួយគីឡូក្រាម តម្លៃ ១០៥ដុល្លារអាមេរិក ចំណែក<br />ពងរបស់វា ថ្លៃជាងនេះពីរដង ជាងនេះ សូម្បីតែថ្លើមខ្យង និងខ្លាញ់ ក៏អាចធ្វើផលិតផលសម្អាង<br />ហើយវាជាទំនិញដែលត្រូវគេនិយមយ៉ាងច្រើន។</p>
<p style="text-align: center;"><a class="thickbox" title="" href="/FileManager/Commons/2014/9/15/snail4-15-09-2014--22-35-34.jpg"><img src="/FileManager/Articles/mce/2014/9/15/snail4-15-09-2014--22-35-34.jpg" alt="" /></a></p>
<p>នៅឯឃ្លាំងកន្ទុក ក្នុងកសិដ្ឋានមួយ នាជាយក្រុង Vienna ប្រទេសអូទ្រីស Andreas Gugumuck<br /> កំពុងតែត្រៀម “បន្ទប់ស្នេហា” សម្រាប់ភ្ញៀវមកទស្សនា និងអតិថិជនរបស់ខ្លួន។ តួនាទីរបស់គាត់<br />គឺគ្រប់គ្រងពន្លឺ ឱ្យចំណីដល់គូស្នេហានៅទីនេះ។ ប៉ុន្ដែ Gugumuck មិនមែនជាម្ចាស់ផ្ទះសំណាក់<br />នោះទេ តាមពិត គាត់គឺជាម្ចាស់កសិដ្ឋានចិញ្ចឹមខ្យងប្រភេទ cornu aspersum និងជួយឱ្យពួកវា<br />បង្កើតកូនចៅតែប៉ុណ្ណោះ។ ជារៀងរាល់ឆ្នាំ កសិដ្ឋានរបស់គាត់ ផ្គត់ផ្គង់ខ្យងនេះ ជាង ៣០០.០០០<br />កូន ទៅក្នុងទីផ្សារ។</p>
<p>ក្នុងនោះ Gugumuck បានលក់ចេញ ប្រមាណជាង ១,៥តោន ទៅឱ្យបណ្ដាភោជនីយដ្ឋាននៅ<br />ទូទាំងប្រទេសអូទ្រីស ហើយថែមទាំងបាននាំចេញទៅកាន់អាល្លឺម៉ង់ និងអាមេរិកផងដែរ។ ដោយ<br />មានតម្លៃ ៨០អឺរ៉ូ (១០៥ដុល្លារ) ក្នុងមួយគីឡូក្រាម នេះគឺពិតជាមុខជំនួញមួយដ៏កាក់កប។ ម្ចាស់<br />កសិដ្ឋាន ដែលមានអាយុ ៤០ឆ្នាំរូបនេះ ឱ្យដឹងថា ការងារនេះ ពិតជាអស្ចារ្យជាងការងារចាស់<br />របស់គាត់ នៅក្នុងវិស័យព័ត៌មានវិទ្យាទៅទៀត។</p>
<p>Gugumuck ធំឡើងនៅក្នុងគ្រួសារកសិករមួយ ប៉ុន្ដែ គាត់មិនបានយកចិត្តទុកដាក់បន្តមុខរបរពី<br />ពុកម្ដាយ តែបែរជាទៅសិក្សាផ្នែកសេដ្ឋកិច្ច និងព័ត៌មានវិទ្យា (IT) ក្រោយមក គាត់បានចូលការ<br />ឱ្យ IBM នៅអូទ្រីស ក្នុងឆ្នាំ ២០០០។ Gugumuck ធ្លាប់បានបំពេញតួនាទីជាច្រើន ក្នុងនោះ គាត់<br />ក៏ធ្លាប់គ្រប់គ្រងតំណែងនាយកផែនការផងដែរ។</p>
<p style="text-align: center;"><a class="thickbox" title="" href="/FileManager/Commons/2014/9/15/snail3-15-09-2014--22-30-31.jpg"><img src="/FileManager/Articles/mce/2014/9/15/snail3-15-09-2014--22-30-31.jpg" alt="" /></a><br />កសិដ្ឋានចិញ្ចេមខ្យងរបស់ Gugumuck (រូប ៖ BBC)</p>
<p style="text-align: center;"> </p>
<p>Gugumuck ថ្លែងថា មិនយូរប៉ុន្មាន គាត់មានអារម្មណ៍ថា ដូចជាខ្វះអ្វីមួយក្នុងជីវិត ដូច្នេះ គាត់<br />ចាប់ផ្ដើមប្ដូរវិធីសាស្ដ្រ។ ក្រោយមក គាត់បានអានអត្ថបទមួយ និយាយអំពីការប្រើប្រាស់ជា<br />អាហារ ហើយគាត់ក៏ផ្ដើមស្វែងយល់ និងបានរកឃើញសៀវភៅបង្រៀនធ្វើម្ហូបដ៏ល្បីឈ្មោះ ក្នុង<br />នោះ មាននិយាយអំពីវិធីចំអិនខ្យល cornu aspersum ពីសេសគឺនៅអូទ្រីស។បន្ទាប់ពីស្វែងយល់<br />គ្រប់ជ្រុងជ្រោយ គាត់ក៏សម្រេចចិត្តងាកមកចិញ្ចឹមខ្យងវិញម្ដង។</p>
<p>ឆ្នាំ ២០០៨ Andreas Gugumuck បានមកគ្រប់គ្រងកសិដ្ឋានពុកម្ដាយរបស់គាត់វិញ។ ក្នុងអំឡុង<br />ពេល ៧ខែ Andreas Gugumuck បានត្រៀមដីមួយដុំ សម្រាប់ដាំបន្លែ ក្រោយមក ទិញពួជខ្យង<br /> cornu aspersum ចំនួន ២០.០០០កូន មកធ្វើពូជ។</p>
<p>ដោយសារតែហាងនានា តែងតែចង់ទិញខ្យងដែលបានចំអិនស្រាប់ ដូច្នេះគាត់ក៏បានសាកល្បង<br /> និងយកទៅកាន់ភោជនីយដ្ឋាន នៅក្នុងក្រុង Vienna ។ យ៉ាងនេះក្ដី ភ្ញៀវក្នុងហាងនានា ហាក់មាន<br />ការរារែក ក្នុងការទទួលទានខ្យងនេះ។ ប្រការនេះហើយ បណ្ដាលឱ្យ Gugumuck សម្រេចបង្កើត<br />ពិធីទទួលទានអាហារធ្វើអំពីខ្យង ក្នុងមួយឆ្នាំពីរលើក គឺនៅក្នុងខែមិនា និងខែកញ្ញា រៀងរាល់ឆ្នាំ។</p>
<p style="text-align: center;"><a class="thickbox" title="" href="/FileManager/Commons/2014/9/15/snail0-15-09-2014--22-32-04.jpg"><img src="/FileManager/Articles/mce/2014/9/15/snail0-15-09-2014--22-32-04.jpg" alt="" /></a></p>
<p style="text-align: center;">Andreas Gugumuck បានចិញ្ចឹមខ្យងរយៈពេល ៦ឆ្នាំ</p>
<p style="text-align: center;"> </p>
<p>ពិធីជប់លៀងទទួលទានខ្យងចំនួនពីរលើកក្នុងមួយឆ្នាំ របស់ Gugumuck បានធ្វើឱ្យម្ចាស់ភោជ<br />នីយដ្ឋាននានា ចាប់អារម្មណ៍ និងបញ្ជាទិញជាបន្តបន្ទាប់ ចំណែកប្រាក់ចំណូលរបស់ Gugumuck <br />ក៏កាន់តែកើនឡើង។ ឆ្នាំ ២០១០ ប្រាក់ចំណូលដែលបានមកពីក្រុមហ៊ុន Viennese Snails របស់ <br />Gugumuck ជួយឱ្យលោក អាចសុំលាលែងពីក្រុមហ៊ុន IBM ។</p>
<p>ប៉ុន្មានចុងក្រោយនេះ Gugumuck ថែមទាំងជួញដូរពង និងថ្លើមរបស់ខ្យងនេះទៀតផង។ ខ្យង<br />នឹងត្រូវបានដាក់ក្នុងប្រអប់ដី និងខ្សាច់ ដើម្បីប្រមូលពងជារៀងរាល់ថ្ងៃ។ ពងរបស់ខ្យង ត្រូវបាន<br />សម្អាតដើម្បីកំចាត់មេរោគ មុននឹងដាក់ប្រអប់ និងលក់។ ពងរបស់ខ្យង ៥០ក្រាម មានតម្លៃដល់<br />ទៅ ជាង ១៥០អឺរ៉ូ (ជាង ១៩៤ដុល្លារអាមេរិក)។</p>
<p>រសជាតិរបស់ពងខ្យង ត្រូវបានគេចាត់ទុកថា ឆ្ងាញ់ និងស្រួយជាងពងត្រី។ ពងខ្យងទាំងនេះ ភាគច្រើនត្រូវបាននាំចេញទៅលក់នៅអាល្លឺម៉ង់ និងអាមេរិក។</p>
<p style="text-align: center;"><a class="thickbox" title="" href="/FileManager/Commons/2014/9/15/snail2-15-09-2014--22-37-04.jpg"><img src="/FileManager/Articles/mce/2014/9/15/snail2-15-09-2014--22-37-04.jpg" alt="" /></a></p>
<p>Gugumuck ក៏អាចរកបានចំណូលពីថ្លើមខ្យងផងដែរ។ ក្រៅយពីនេះ គាត់ថែមទាំងរកបានប្រាក់ចំណូលជាច្រើនពីភ្ញៀវដែលចូលមកទស្សនាកសិដ្ឋានរបស់គាត់។ ម្យ៉ាងទៀត ខ្លាញ់ខ្យង ក៏ត្រូវ<br />បាន Gugumuck យកមកធ្វើជាមុខជំនួញ ដោយប្រើវាជាគ្រឿងសម្អាង។ ថ្វីបើខ្យងជាមួយសត្វ<br />ដែលធ្វើដំណើរយឺតៗ ប៉ុន្ដែ វាបានជួយឱ្យ Gugumuck រកបានប្រាក់យ៉ាងច្រើន ក្នុងមួយខែៗ <br />ហើយប្រាក់ចំណូលរបស់គាត់កើនឡើង ដូចខ្លែងត្រូវខ្យល់ធំ៕</p>
<p style="text-align: right;"><br />ប្រែសម្រួលដោយ ៖ តារា<br />ប្រភព ៖ BBC<br /><br /></p>