<div class="article-content">
<p><strong>កោះកុង ៖</strong> ក្រុមចោរស្ទើរភ្លើង ចំនួន ៣ នាក់ ប្រុស២នាក់ ស្រីម្នាក់ បានធ្វើសកម្មភាព ឆក់ទូរស័ព្ទ<br />ដៃ របស់ប្រជា ពលរដ្ឋ ដែលកំពុងនិយាយទូរស័ព្ទ ទៅរកមិត្ដភ័ក្តិ ស្រាប់តែជនសង្ស័យធ្វើសកម្ម<br />ភាពឆក់ពីក្រោយ។</p>
<p>ហេតុការណ៍នេះ បានកើតឡើង កាលពីវេលាម៉ោង ៨ និង៣០នាទី ថ្ងៃទី ០២ ខែកក្កដា ឆ្នាំ២០១៣<br /> ដែលស្ថិតនៅ ភូមិ៣ សង្កាត់ដងទង ក្រុងខេមរភូមិន្ទ ខេត្ដកោះកុង។ ហើយត្រូវបានសមត្ថកិច្ចក្រុង<br /> ធ្វើការឃាត់ខ្លួនបាន នៅវេលា ម៉ោង ១២និង ៣០នាទី នៅចំណុចអូរស្រីស្រណោះ លើផ្លូវជាតិលេខ<br />៤៨ ។ ដោយជនរងគ្រោះមានឈ្មោះ ហួត សូហ៊ង ភេទស្រី អាយុ ២៨ឆ្នាំ មានទីលំនៅភូមិ៣ សង្កាត់<br />ស្មាច់មានជ័យ ក្រុងខេមរភូមិន្ទ។</p>
<p>ក្រុមចោរប្រុស-ស្រីទាំង ៣ នាក់ មានឈ្មោះ ១-ឈ្មោះ វ៉ាន់ ណាទី ភេទប្រុស អាយុ១៩ឆ្នាំ ធ្វើការ<br />នៅក្លិបកំសាន្ដ ប៉ាន់ ប៉ាន់ ។ ២-ឈ្មោះ រ៉ាន់ សារ៉ាត់ ភេទប្រុស អាយុ ២០ឆ្នាំ មុខរបបមិនពិតប្រា<br />កដ។ ៣-ឈ្មោះ ឯម សុធារី ជា ប្រពន្ធ ឈ្មោះ វ៉ាន់ ណាទី ។</p>
<p>ប្រភពពីលោក មីន រស្មីបាន ប្រាប់ឱ្យភ្នាក់ងារ ដើមអម្ពិលឲ្យដឹង នៅព្រឹកថ្ងៃទី ០៤ ខែកក្កដា ឆ្នាំ <br />២០១៣ នេះថា ក្រោយពីក្រុមចោរខាងលើ បានធ្វើសកម្មភាពឆក់ទូរស័ព្ទ ពីជនរងគ្រោះបាន<br />សម្រេចហើយ ហើយបានជិះ ម៉ូតូរត់ គេចខ្លួនបាត់ ជនរងគ្រោះ ក៏បានមកដាក់ពាក្យបណ្ដឹង នៅ<br />អធិការក្រុង លោក រៀល ចាន់ដារ៉ា អធិការក្រុងខេមរ ភូមិន្ទ បានធ្វើការចង្អុលបង្ហាញភ្លាម ដើម្បី<br />តាមរកមុខសញ្ញា។ នៅពេលបានទទួលបញ្ជាពីលោកអធិការភ្លាម លោក មីន រស្មី អធិការរង ក្រុង<br />បាន ដឹកនាំកម្លាំងរបស់លោក ធ្វើការស្រាវជ្រាវ រហូតដល់ចាប់ខ្លួនបានម្ដងម្នាក់ៗ រហូត បានទាំង<br />អស់ ដោយមិនឱ្យរត់រួចម្នាក់ឡើយ ។</p>
<p>លោក មីន រស្មី បានឱ្យដឹងងទៀតថា ខេត្ដកោះកុងនេះជាលើកទី១ហើយ ដែលមានក្រុមចោរឆក់<br />ទូរស័ព្ទដៃ តាម ផ្លូវ ហើយត្រូវសមត្ថកិច្ចបង្ក្រាបបានភ្លាមដែរ ហើយមធ្យោបាយធ្វើសកម្មភាពនា<br />ពេលនោះគឺក្រុមចោរបានខ្ចីម៉ូតូ មិត្ដភ័ក្តិទៅធ្វើសកម្មភាពឆក់។ លោកបានបន្ដថា ការធ្វើសកម្មភាព<br />ឆក់របស់ក្រុមចោរនេះ សមត្ថកិច្ចចាប់បានម្ដង ម្នាក់ៗ ដោយទទួលបានភិនភាគពីជនរងគ្រោះ បាន<br />ផ្តល់ព័ត៌មានឱ្យសមត្ថកិច្ច ។</p>
<p>លោកបានបញ្ជាក់ថា ការឃាត់ ខ្លួនជនសង្ស័យទាំង ៣ នាក់ខាងលើនេះ សមត្ថកិច្ច បានដកហូតបាន<br />វត្ថុតាង ម៉ូតូ១គ្រឿង ម៉ាកសេ១២៥ ពណ៌ខ្មៅ ពាក់ស្លាកលេខ កោះកុង 1A-0187 ទូរស័ព្ទដៃដែលឆក់<br />បាន ១គ្រឿង ម៉ាក អាយហ្វូនហ្វាយ ដែលតម្លៃជាង ៧០០ដុល្លារ ។ ហើយនៅពេលធ្វើសកម្មភាព<br />បានសម្រេចហើយ ជនសង្ស័យបាន ដោះស្លាកលេខចេញ តែដោយ នេះជាជំនាញរបស់សមត្ថកិច្ច<br /> ក្នុងការស្រាវជ្រាវ ហើយដោយមានការចង្អុល បង្ហាញពីលោកស្នងការ ពីបញ្ហាភូមិ ឃុំមានសុវត្ថិភាព<br />ទៀតនោះ ឱ្យតែមានរាល់បទល្មើស លោកនឹងចុះដល់ទី កន្លែងភ្លាម ដើម្បីបង្ក្រាប និងដើម្បីសុវត្ថិភាព ប្រជាពលរដ្ឋដោយពុំខ្លាចនឿយហត់ឡើយ ។ ហើយចំពោះទូរស័ព្ទ ដៃ របស់ជនរងគ្រោះ លោកអធិ<br />ការបាន ប្រគល់ទៅឱ្យម្ចាស់វិញហើយ ។ ហើយជនសង្ស័យទាំង៣នាក់លោកបាន កសាងសំណុំរឿង<br /> ដើម្បីបញ្ជូន ទៅស្នងការដ្ឋានចាត់ការបន្ដទៅតាមផ្លូវច្បាប់ ៕</p>
<p style="text-align: center;"><img src="http://image.dap-news.com:81/dap-news/dap-images/2013/July/id-015/T-0040.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/July/id-015/T-0041.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/July/id-015/T-0042.jpg" alt="" width="500" /></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល</p>
</div>