<div class="article-content">
<p><strong>ភ្នំពេញ ៖</strong> យុវជនម្នាក់ ដែលត្រូវបានគេ អះអាងថា ជាកូនប្រុស របស់លោក ហ្សាការីយ៉ា អាដាម<br /> តំណាងរាស្ដ្រ របស់គណបក្សនយោបាយ បានបង្កគ្រោះថ្នាក់ចរាចរ ដោយខ្លួនឯង បណ្ដាលរង<br />របួសធ្ងន់ ក្រោយពីយុវជនរូបនេះ បើករថយន្ដឪពុករបស់ខ្លួន ពាក់ស្លាកលេខ រដ្ឋសភា៤.២-០២៨<br />រេចង្កូតទៅបុកដើម ពោធិ៍ក្បែរវត្ដភ្នំ តាមបណ្ដោយផ្លូវព្រះស៊ីសុវត្ថិ សង្កាត់វត្ដភ្នំ ខណ្ឌដូនពេញ<br /> កាលពី វេលាម៉ោងប្រមាណ១១និង២០នាទី ព្រឹក ថ្ងៃទី២៣ ខែសីហា ឆ្នាំ២០១៣នេះ បង្កឱ្យ មាន<br />ការភ្ញាក់ផ្អើលយ៉ាងខ្លាំងពីសំណាក់ប្រជា ពលរដ្ឋ ដែលធ្វើដំណើរឆ្លងកាត់ទីនោះ ។</p>
<p>យ៉ាងណាក៏ដោយ អ្នកបើករថយន្ដត្រូវ បានប្រជាពលរដ្ឋ នៅកន្លែងកើតហេតុ ជួយយកចេញ <br />ហើយធ្វើចលនាបេះដូងនិងចាប់សរសៃ រួចហើយទាក់ទងទៅសមត្ថកិច្ចនិងរថយន្ដពេទ្យយកទៅ<br />សង្គ្រោះ ក្រោយពីគេ បានឃើញថា ស្ថានភាពរបស់យុវជនរូបនេះ រងរបួសធ្ងន់ ដោយសារតែ<br />កម្លាំងបុកផ្ទប់នឹងដើមពោធិ៍ខ្លាំងហើយថែមទាំងធ្វើឱ្យរថយន្ដរងការខូចខាតផ្នែកខាងមុខនិងបែក<br />កង់ គាបជាប់នឹងដើមពោធិ៍នោះទៀតផង ។</p>
<p>យោងតាមសេចក្ដីរាយការណ៍ពីសាក្សីនៅកន្លែងកើតហេតុបានឱ្យដឹងថានៅវេលាម៉ោងប្រមាណ<br />១១និង២០នាទី ព្រឹកថ្ងៃដដែលនេះ គេបានឃើញរថយន្ដមួយគ្រឿងម៉ាកលុច្ស ស៊ីស៤៧០ ពណ៌<br />ខ្មៅ ពាក់ស្លាកលេខរដ្ឋសភា៤ .២-០២៨ បើកបរដោយយុវជនម្នាក់ តាមបណ្ដោយផ្លូវព្រះស៊ីសុវត្ថិ<br />ភាព ស្រាប់តែដល់ ចំណុចកើតហេតុនោះ ក៏រេចង្កូតទៅបុកនិង ដើមពោធិ៍ បណ្ដាលឱ្យគាប់ជាប់<br />នឹងដើម ពោធិ៍ ហើយធ្វើឱ្យអ្នកបើករថយន្ដរងរបួស ធ្ងន់សន្លប់ស្ដូកស្ដឹងតែម្ដងទៅ ។</p>
<p>សាក្សីបានបន្ដថា នៅពេលនោះដោយឃើញអ្នកបើករថយន្ដគាបជាប់នៅក្នុងរថយន្ដរងរបួសធ្ងន់<br />បែបនេះប្រជាពលរដ្ឋបាននាំគ្នា ជួយយកចេញពីក្នុងរថយន្ដ មកធ្វើចលនាបេះដូង ដើម្បីឱ្យដឹង<br />ខ្លួនវិញហើយអ្នកខ្លះ ទៀត បានទាក់ទងទៅសមត្ថកិច្ចនិងហៅពេទ្យមក ជួយដឹកជនរងគ្រោះរូប<br />នេះទៅសង្គ្រោះ ។</p>
<p>ប្រភពព័ត៌មានពីសមត្ថកិច្ចមូលដ្ឋានបាន ឱ្យដឹងថាក្រោយពីទទួលព័ត៌មានស្ដីពីគ្រោះ ថ្នាក់ចរាចរ<br />បើករថយន្ដបុកដើមពោធិ៍រួចមក កម្លាំងសមត្ថកិច្ច បានទៅជួយអន្ដរាគមន៍ ភ្លាមៗ ។</p>
<p>ក្រោយពីការសួរនាំរួចមកសមត្ថកិច្ចបានបញ្ជាក់ថាអ្នកបើករថយន្ដឈ្មោះហ្វាដឺឡា អាដាម អាយុ<br />២២ឆ្នាំ មុខរបរជាសិស្ស ស្នាក់នៅ សង្កាត់ភ្នំពេញថ្មី ខណ្ឌសែនសុខ ហើយត្រូវជាកូនប្រុសបង្កើត<br /> របស់លោកហ្សាការី យ៉ា អាដាម មានតួនាទីជាតំណាងរាស្រ ហើយរថយន្ដនេះ ជារថយន្ដឪពុក<br />របស់ខ្លួន ដែលត្រូវកូនប្រុសរូបនេះយកមកបើក ប៉ុន្ដែ មិនដឹងថា ធ្វើដំណើរទៅណានោះឡើយ។</p>
<p>យ៉ាងណាក៏ដោយពុំទាន់ដឹងមូលហេតុពិត ប្រាកដ ដែលនាំឱ្យមានគ្រោះថ្នាក់ចរាចរខាង លើនេះ<br />កើតឡើងនៅឡើយទេថាបណ្ដាល មកពីអ្វីនោះ ហើយក្រោយកើតហេតុសមត្ថកិច្ចបានជួយស្ទូច<br />យករថយន្ដចេញ រីឯជនរងគ្រោះ ដែលជាអ្នកបើករថយន្ដត្រូវបានបញ្ជូន ទៅកាន់មន្ទីរពេទ្យ ។</p>
<p>នេះចាត់ទុកថា ជាសំណាងមួយ ដែល អ្នកបើករថយន្ដវ័យក្មេងរូបនេះ បានបើករេ ចង្កូតទៅបុក<br />ដើមពោធិ៍ ដោយមិនបង្កគ្រោះ ថ្នាក់ចរាចររេចង្កូតទៅបុកអ្នកធ្វើដំណើរតាម ផ្លូវ ដូចករណីគ្រោះ<br />ថ្នាក់ចរាចរជាច្រើនលើក នាពេលកន្លងទៅនោះ ច្បាស់ជាមានរឿង កាន់តែធ្ងន់ធ្ងរជាក់ជាមិន <br />ខានឡើយ៕</p>
<p style="text-align: center;"><img src="http://image.dap-news.com:81/dap-news/dap-images/2013/August/id-011/Hong-0548.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-011/Hong-0549.jpg" alt="" width="500" /></p>
<p style="text-align: center;"><img title=" " src="http://image.dap-news.com:81/dap-news/dap-images/2013/August/id-011/Hong-0550.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-011/Hong-0551.jpg" alt="" width="500" /></p>
<p style="text-align: right;">ផ្តល់សិទិ្ធដោយ៖ ដើមអម្ពិល</p>
</div>