<p><span style="font-size: small; line-height: 1.8;"><strong>ភ្នំពេញៈ </strong>អតីតតួឯកស្រីក្នុងរឿង “ភ័ព្វសំណាង” របស់បណ្តាញទូរទស្សន៍ ស៊ី ធី អ៊ីន កញ្ញា<br /> ទឹម រដ្ឋា ក្រោយពីមានភាពស្ងប់ស្ងាត់ ពីការថតរឿងមួយរយៈមកនោះ ពេលនេះនាងស្រាប់<br />តែត្រូវ បាន អ្នកស្រី ពាន់ ភួងបុប្ផា ផ្តល់ឱកាសឲ្យ នាងថតខ្សែភាពយន្តថ្មី តែការថតនេះ <br />នាងមិនបាន គ្រងតំណែងជាតួឯក ស្រក់ទឹកភ្នែកកម្សត់ ដូចលើកមុននោះទេ ផ្ទុយទៅវិញ<br />នាងបែរជាត្រូវ អ្នក ដឹកនាំតម្រូវឲ្យសម្តែង ជាតួកាចឆ្នាស់ឆ្នើម ឈ្នានីសតួឯកស្រីទៅវិញ។</span></p>
<p><span style="font-size: small; line-height: 1.8;">ជួបសំណេះសំណាលជាមួយ Looking TODAY តាមទូរស័ព្ទ តារាបង្ហាញម៉ូដស្រីដែលមាន<br /> រាងខ្ពស់ស្រឡះប្រចាំក្រុម Cambodia Super Model កញ្ញា ទឹម រដ្ឋា បានប្រាប់ឲ្យដឹងថាដាច់<br /> ឆ្នាំចាស់ផ្លាស់ចូលឆ្នាំថ្មីនេះ នាងហាក់មានយីអ៊ុនជាងឆ្នាំមុន ព្រោះមានការមមាញឹកច្រើនជា<br /> មួយការងារទាំងការដើរម៉ូដ ធ្វើជាពិធីការិនី និងថែមទាំង បានកុងត្រាថតរឿងថ្មីមួយ ឲ្យស្ថា<br />នីយទូរទស្សន៍ ស៊ី ធី អ៊ីន គឺរឿង “ អ្នកមានគុណ ” ដោយការថតរឿងថ្មីនេះ នាងមិនបានគ្រង<br />តំណែងជាតួឯកដូចរឿងលើកមុនទេ។</span></p>
<p><span style="font-size: small; line-height: 1.8;">តារាស្រីដែលមានរូបរាង ទម្រង់មុខមាត់បែបតារាហូលីវូដ កញ្ញា ទឹម រដ្ឋា បានប្រាប់ឲ្យដឹង <br />ទៀតថា "បន្ទាប់ពីខ្ញុំបានថតបញ្ចប់រឿង "ភ័ព្វសំណាង" រួចខ្ញុំមិនដែលបាន ថតរឿងថ្មីទេ ទើប<br /> តែ ពេលនេះខ្ញុំបានឱកាសថតរឿងថ្មី ដែលនៅក្នុងសាច់រឿង គឺតម្រូវឲ្យសម្តែងជាតួកាចឆ្នាស់<br />ឆ្នើម។ នេះគឺជាលើកទី១ ហើយសម្រាប់ខ្ញុំ តាមការពិតទៅខ្ញុំ ក៏មានអារម្មណ៍ថាលំបាកខ្លះ <br />ដែល ព្រោះមិនធ្លាប់សម្តែងពីមុនមក តែទោះជាយ៉ាងណា ខ្ញុំនឹងខំប្រឹងសម្តែងឲ្យអស់ ពីសមត្ថ<br />ភាពធ្វើយ៉ាងណាសម្តែងឲ្យល្អ"។</span></p>
<p><span style="font-size: small; line-height: 1.8;">កញ្ញា ទឹម រដ្ឋា បានប្រាប់ឲ្យដឹងទៀតថា នាងមិនមានការ អាក់អន់ស្រពន់ចិត្តអីទេ បើទោះបីជា<br />មិនបានដើរតួឯកក៏ដោយ ព្រោះថានាងមិនអាច ប្រកាន់ចាំ តែតួឯកទើបទទួលថតទេ ធម្មតាជា<br />តារាត្រូវ តែចេះគ្រប់ការសម្តែងទាំងកាច ស្លូត ទឹកភ្នែក ឈ្នានីស ។ សម្រាប់រឿងថ្មីនេះ គឺមាន<br />ចំណងជើងថា "អ្នកមានគុណ" ដំណើរការថតបាន ប្រមាណ ៣០ភាគរយហើយគ្រោង ដាក់<br />បញ្ជាំងកនៅ ស្ថានីយទូរទស្សន៍ក្នុង ពេលឆាប់ៗខាងមុខនេះ៕</span></p>
<p><span style="font-size: small; line-height: 1.8;"><a class="thickbox" title="" href="/FileManager/Commons/2013/1/7/chetha-18-07-01-2013--09-51-01.jpg"><img src="/FileManager/Articles/mce/2013/1/7/chetha-18-07-01-2013--09-51-01.jpg" alt="" width="482" height="271" /></a></span></p>
<p><a class="thickbox" title="" href="/FileManager/Commons/2013/1/7/chetha-22-07-01-2013--09-51-24.jpg"><img src="/FileManager/Articles/mce/2013/1/7/chetha-22-07-01-2013--09-51-24.jpg" alt="" /></a><span style="font-size: small; line-height: 1.8;"><a class="thickbox" title="" href="/FileManager/Commons/2013/1/7/chetha-18-07-01-2013--09-51-01.jpg"></a></span></p>
<p><a class="thickbox" title="" href="/FileManager/Commons/2013/1/7/chetha-23-07-01-2013--09-52-23.jpg"><img src="/FileManager/Articles/mce/2013/1/7/chetha-23-07-01-2013--09-52-23.jpg" alt="" /></a></p>
<p> </p>
<p style="text-align: right;">ផ្តល់សិទ្ធិដោយ៖ ដើមអំពិល<span style="font-size: small; line-height: 1.8;"><br /></span></p>