<p><span style="color: #000000;"><strong>(ភ្នំពេញ)៖</strong> បន្ទាប់ពីមានការអន្តរាគមន៍ ពីសំណាក់លោកឧកញ៉ា ហ៊ុន ជា សត្វស្ទាំងដ៏គូរឲ្យកំសត់ត្រូវបានប្រគល់ជូនម្ចាស់ដើមវិញ នៅល្ងាចថ្ងៃទី១០ ខែសីហា ឆ្នាំ២០១៦នេះ។ នេះបើតាមការបញ្ជាក់របស់ លោក សាន់ រ៉ាដូ ដែលជាម្ចាស់សត្វស្ទាំង បានប្រាប់អង្គភាព Fresh News នៅមុននេះបន្ទិច។</span></p>
<p><span style="color: #000000;">លោក សាន់ រ៉ាដូ បានឲ្យដឹងថា ក្រោយពីក្រុមអភរិក្សបានយកសត្វស្ទាំងចេញពីគាត់ទៅ គាត់មានអារម្មណ៍ពិបាកចិត្តក៏បានបង្ហោះសារនៅលើបណ្ដាញសង្គម Facebook ក្រោយមកក៏ត្រូវបានគេចែករំលែកតៗគ្នា ហើយក្រោយមកដំណឹងនេះ បានលេចឭទៅដល់លោកឧកញ៉ា ហ៊ុន ជា។ លោកបន្ដថា ក្រោយពីលោកឧកញ៉ា បានដឹងដំណឹងនេះ លោកឧកញ៉ាបានទទួច ក៏ដូចជាស្នើទៅដល់ក្រុមអភិរក្សដែលបានយកសត្វនេះទៅ ត្រូវប្រគល់ជូនម្ចាស់ដើមវិញ ក្រោយមកនៅល្ងាចនេះក្រុមអភិរក្សបានយកសត្វប្រគល់ជូនគាត់វិញ។</span></p>
<p><span style="color: #000000;">ជាមួយគ្នានេះដែរ លោក សាន់ រ៉ាដូ បានថ្លែងអំណរគុណដល់លោកឧកញ៉ា ហ៊ុន ជា ថា «ខ្ញុំសូមអរគុណជាពិសេសដល់បងប្រុសឧកញ៉ា ហ៊ុន ជា ហើយនិងអរគុណដល់បងប្អូនប្រជាពលរដ្ឋ អ្នកប្រើប្រាស់បណ្ដាញសង្គម Facebook ទាំងអស់ ដែលបានជួយស៊ែរ នូវព័ត៌មានរបស់ខ្ញុំដើម្បីឲ្យបង ហ៊ុន ជា គាត់ដឹងហើយជួយឲ្យសត្វជាទីស្រលាញ់របស់ខ្ញុំបានមកខ្ញុំវិញ»។ ជាចុងក្រោយលោកបានបញ្ជាក់ថា «សត្វស្ទាំងនេះខ្ញុំបានទិញវាពីខេត្តកោះកុង តាំងពីសត្វនេះនៅតូចៗម្ល៉េះ ហើយសត្វនេះមានតែខ្ញុំទេ ដែលអាចដាក់ចំណីឲ្យវាស៊ីបាន»៕</span></p>
<p><span style="color: #000000;"><img src="http://image.freshnewsasia.com/2016/020/fn-2016-08-10-19-16-23-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/020/fn-2016-08-10-19-16-22-0.jpg" alt="" width="730" /></span></p>
<p> </p>
<div id="news_detail" class="postcontainer">
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>
</div>
<div class="detail_bottom_function">
<div class="facebook_like"></div>
</div>