<div class="article-content">
<p><strong>ភ្នំពេញៈ</strong> បុក បុកទៀតហើយ បុកព្រោះតែស្រវឹង បុរសម្នាក់ផឹកស្រវឹងធ្លាក់ភ្នែកបើករថយន្ត<br />កាមរីហាយ ប្រ៊ីតលឿន ដូចហោះតាមបណ្តោយផ្លូវម៉ៅសេទុង ជ្រុលបុក ក្បាលនាគចែកទ្រូង<br />ផ្លូវលាន់ដូចរន្ទះ បណ្តាលឲ្យរថយន្ត ក្រឡាប់ ផ្ងារជើងនៅកណ្តាលផ្លូវ កាលពីម៉ោង ២០ និង<br />៣០នាទីយប់ថ្ងៃទី២៦ ខែមីនា ឆ្នាំ២០១៣ ស្ថិតនៅជិតស្ថានទូចិន ក្នុងសង្កាត់ទួលទំពូងទី២ <br />ខណ្ឌចំការមន។</p>
<p>មន្រ្តីនគរបាលមូលដ្ឋានបានឲ្យដឹងថា មុនពេលកើតហេតុ បុរសម្នាក់វ័យជាង២០ឆ្នាំម្នាក់ ដែល<br />មិនទាន់ស្គាល់អត្ត សញ្ញាណនោះ បានបើករថយន្តកាមរីហាយប្រ៊ីត ពណ៌ទឹកប្រាក់ ពាក់ស្លាក<br />លេខភ្នំពេញ 2T-7813 តាមបណ្តោយ ផ្លូវម៉ៅសេទុង ក្នុងទិសដៅពីលិចទៅកើត ក្នុងល្បឿន<br />យ៉ាងលឿនដូចហោះ។ ពេលមកដល់ចំណុចកើតហេតុខាង លើនេះ ប្រហែលជាជាតិអាល់កុល<br />ក្រឡុកស្មារតីអ្នកបើកបរបាត់បង់ស្មារតី ទើបបញ្ជាចង្កូតរថយន្តជ្រុលបុកចំពាក់ កណ្តាលក្បាល<br />នាគចែកទ្រូងផ្លូវពេញទំហឹង លាន់ឮដូចរន្ទះខែប្រាំងជ្រែកស្បៃរាត្រី ធ្វើឲ្យរថយន្តក្រឡាប់ផ្ងារឡើង<br /> លើច្រងាងនៅកណ្តាលផ្លូវ។ ទោះជាយ៉ាងណា គ្រោះថ្នាក់ចរាចរណ៍នេះ មិនបណ្តាលឲ្យអ្នក<br />បើកបររងរបួសនោះ ទេ។</p>
<p>មន្រ្តីដដែលនេះបន្តថា បន្ទាប់ពីកើតហេតុម្ចាស់រថយន្ត បានចុះរត់គេចខ្លួនបាត់ស្រមោលតែម្តង ប៉ុន្តែសាក្សីដែលឃើញហេតុការណ៍ភ្លាមៗនោះ បាននិយាយថា បុរសជាអ្នកបើករថយន្តបង្កហេតុ<br />វ័យជាង២០ឆ្នាំ ហើយស្ថិតក្នុងស្ថានភាពស្រវឹងធ្លាក់ភ្នែក។</p>
<p>ក្រោយកើតហេតុនគរបាលចរាចរណ៍ខណ្ឌចំការមន សហការជាមួយសមត្ថកិច្ចជំនាញវាស់វែង<br />ស្ទូចយករថយន្ត បង្កហេតុទៅរក្សាទុកនៅការិយាល័យចរាចរណ៍ជើងគោករាជធានីភ្នំពេញ រង់ចាំ<br />ដោះស្រាយតាមនីតិវិធី។</p>
<p>សមត្ថកិច្ចបានបញ្ជាក់ថា គ្រោះថ្នាក់នេះបង្កឡើងដោយម្ចាស់រថយន្តស្រវឹងស្រា ហើយបើកបរលឿន<br />មិនគោរច្បាប់ ដែលបានកំណត់ ហើយសមត្ថកិច្ចក៏អំពាវនាវដល់បងប្អូនប្រជាពលរដ្ឋ ក៏ដូចជាមន្រ្តី<br />រាជការទាំងអស់ សូមបើកបរ ឲ្យមានការប្រុងប្រយ័ត្ន ចេះយោគយល់អធ្យាស្រ័យគ្នាក្នុងការបើកបរ<br /> អ្វីដែលសំខាន់បំផុតនោះ ពេលបើកបរសូម កុំពិសារគ្រឿងស្រវឹង៕ </p>
<p style="text-align: center;"><img src="http://111.92.240.170:81/dap-news/dap-images/2013/March/id-009/S-155.jpg" alt="Photo by DAP-NEWS" width="500" /></p>
<p style="text-align: center;"><img src="http://111.92.240.170:81/dap-news/dap-images/2013/March/id-009/S-156.jpg" alt="Photo by DAP-NEWS" width="500" /></p>
<p style="text-align: center;"><img src="http://111.92.240.170:81/dap-news/dap-images/2013/March/id-009/S-157.jpg" alt="Photo by DAP-NEWS" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>