<div class="article-content">
<p><span style="color: #000000;"><strong>ភ្នំពេញ ៖</strong> នាយករដ្ឋមន្ដ្រីកម្ពុជា សម្ដេច តេជោ ហ៊ុន សែន បានប្រកាសគាំទ្រកំទេច ក្រុមភេរវកម្មISIS ដែលមានមូលដ្ឋាននៅ ប្រទេសអ៊ីរ៉ាក់ និងប្រទេស៊ីរី ខណៈដែលក្រុម ប្រទេសជាច្រើន នៅលើពិភពលោក ដឹកនាំ ដោយសហរដ្ឋអាមេរិក បាននឹងកំពុងវាយ កំទេចក្រុមភេរវកម្មមួយនេះ ។</span></p>
<p><span style="color: #000000;">នៅក្នុងពិធីប្រកាសផ្សព្វផ្សាយផែនការ យុទ្ធសាស្ដ្រអភិវឌ្ឍជាតិឆ្នាំ២០១៤-២០១៨ កាលពីព្រឹកថ្ងៃទី១៨ ខែកញ្ញា ឆ្នាំ២០១៤ សម្ដេចនាយករដ្ឋមន្ដ្រី ហ៊ុន សែន បានបញ្ជាក់ពីជំហររបស់កម្ពុជា ក្នុងការចូល រួមប្រឆាំងក្រុមភេរវកម្ម ISIS ។</span></p>
<p><span style="color: #000000;"><a class="thickbox" title="" href="/FileManager/Commons/2014/9/18/cambodia-pm-18-09-2014--13-30-48.jpg"><img src="/FileManager/Articles/mce/2014/9/18/cambodia-pm-18-09-2014--13-30-48.jpg" alt="" /></a><br /></span></p>
<p><span style="color: #000000;">សម្ដេចនាយករដ្ឋមន្ដ្រីបានបញ្ជាក់ថា “បើទោះបីកម្ពុជា មិនមានលទ្ធភាពបញ្ជូន កម្លាំងផ្ទាល់ ប៉ុន្ដែជា នយោបាយ ជាស្មារតី កម្ពុជា គាំទ្រ កំទេច ពួកភេរវកម្មនេះ ។ នៅគ្រាដែលក្នុងរយៈពេលថ្មីៗនេះ ពួកISIS បានសម្លាប់ដោយកាត់ក្បាល អ្នកកាសែតជនជាតិអាមេរិកពីររូប និងក្រុម អង្គការមនុស្សធម៌ ជនជាតិ អង់គ្លេសចំនួន ២រូប” ។</span></p>
<p><span style="color: #000000;"> សូមបញ្ជាក់ថា ក្រុមភេរវកម្ម ISIS ដែលមានកម្លាំងយុវជនរបស់ខ្លួនជាង៣ម៉ឺន នាក់ មានមូលដ្ឋាន នៅប្រទេសអ៊ីរ៉ាក់ ដែលគ្រប់គ្រងផ្ទៃ ប្រមាណ៤០ភាគរយនិងនៅប្រទេសស៊ីរី ១ភាគ៤ នៃប្រទេស ។</span></p>
</div>
<p style="text-align: right;"><a href="http://www.dap-news.com/2011-06-14-02-39-55/95408-2014-09-18-06-20-57.html?device=xhtml" target="_blank"><span style="color: #000000;">ផ្តល់សិទ្ធដោយ ៖ ដើមអម្ពិល</span></a></p>