<p>កវីខកស្នេហ៍ សុខ ជំនោរ ដែលជាមនុស្សស្ងប់ស្ងាត់ មិនសូវមាត់-កនោះ ទោះកន្លងមកលោក<br />បានចែកផ្លូវគ្នា ជាមួយតារាចម្រៀងស្រីស្រស់ស្អាតរបស់ថោន សុគន្ធ នីសា ក៏លោកមិនដែល<br />ហែកហួរ រឿងអាស្រូវរបស់គូស្នេហ៍ចាស់របស់លោកឡើយ មានតែការពារកិត្តិយស ហើយ<br />តែងតែអោយដំបូន្មានល្អៗ ដល់អ្នកនិពន្ធបទចម្រៀងថ្មីអោយ សុគន្ធ នីសា ទៀតផង ព្រមទាំង<br />ប្រាប់ថា កុំអោយកែប្រែចរឹករបស់នីសាអី ព្រោះ នីសា តាំងពីចូលផលិតកម្មថោន នាងបានកែ<br />ប្រែស្ទើរបាត់ សភាពដើមរបស់នាងអស់រលើង លែងជានារីដែលសុភាពរាបសា ទៅជានារីសិច<br />ស៊ីរោលរាលទៅវិញ ។</p>
<p>សូមរំលឹកថា កាលពីចូលផលិតកម្មថោនដំបូង នីសា បានបកស្រាយចម្រៀងពីរបទ ក្នុងន័យ<br />ផ្លែផ្កាដល់កវីអភ័ព្វស្នេហ៍ គឺ សង្ឃឹមថា "មួយខែបងនឹងអាចភ្លេចអូន" និងបទ "មិនចុះសម្រុង<br />បែកគ្នាទៅ" ដែលជាបទមិនសូវជាពិរោះ តែអត្ថន័យអាចធ្វើអោយកវី សុខ ជំនោរ ស្ដាប់ហើយ<br /> ស្ទើរក្អួតឈាមមកទាំងដុំៗ តែកវីរូបនេះមិនដែលតបតវិញនោះទេ ។</p>
<p>តែពេលថ្មីៗនេះកវីអភ័ព្វស្នេហ៍រូបនេះ បានសរសេរបទចម្រៀងថ្មីឌឺដងទៅ សុគន្ធ នីសា វិញ<br />ហើយ ក្នុងផលិតកម្ម Phleng Record ដែលបច្ចុប្បន្នកំពុង Promotion នៅស្ថានីយទូរទស្សន៍<br /> ហង្សមាស ហើយគ្រោងនឹងចេញលក់ នៅលើទីផ្សារក្នុងពេលឆាប់ៗនេះ គឺបទ "បងអន់ដែល<br />ថែអូនមិនបានយូរ" និងបទ "ចាំបងឈឺធ្ងន់ចាំបែកគ្នា" ដែលបទចម្រៀងទាំងពីរបទនេះ បង្ហាញ<br />ពីការឈឺចាប់របស់ សុខ ជំនោរ យ៉ាងខ្លោចចិត្ត ព្រោះអត្ថន័យក្នុងបទនោះ អន្ទងចិត្ត កញ្ញា <br />សុគន្ធ នីសា តែមហាជនជឿជាក់ថា វាមិនបានផលនោះទេ ព្រោះ សុគន្ធ នីសា ប្រៀបដូចជា<br /> ទឹកដែលហូរមិនអោយត្រលប់ក្រោយ ហើយនាងថែមទាំងមានបង្អែកដ៏រឹងមាំ ដែលអាចអោយ<br />នាងផ្ញើវាសនា ហើយមិនបាច់ភ័យព្រួយលើបញ្ហានេះទៀត ។</p>
<p>ពាក់ព័ន្ធនឹងបទចម្រៀងនេះ លោក សុខ ជំនោរ មិនអាចទំនាក់ទំនងឲ្យបំភ្លឺរឿង សរសេបទ<br />ចម្រៀងឌឺដងផ្លែផ្កាអោយ សុគន្ធ នីសា បានទេ តែសង្ឃឹមថា លោកនឹងអាចភ្លេច រាប់ពាន់<br />លានស្នាមស្នេហ៍ចាស់ ដែលលោកនិងនីសា បានសាងរួមគ្នាចុះ ហើយលោកក៏បានបង្ហាញ<br />ស្នាដៃថ្មីជាច្រើន ក្នុងផលិតកម្មថ្មីដែលបានបញ្ជាក់ថ្វីដៃ ត្បិតតែខកចិត្តរឿងស្នេហា តែរឿង<br />ការងារលោកមិនបណ្ដោយ អោយមានបញ្ហានោះទេ៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/March/id-030/Kosal-0092.jpg" alt="Looking Today" width="400" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/March/id-030/Kosal-0093.jpg" alt="Looking Today" width="400" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>