<p>កុមារី Molly Smith ទទួលបានពានរង្វាន់ចំនួន ៥ ក្នុងចំណោមពានរង្វាន់ទាំង ១២ របស់កម្មវិធី ក្នុងនោះ រួមទាំងពានរង្វាន់ដែលមានតម្លៃបំផុត ប្រចាំឆ្នាំ។</p>
<p style="text-align: center;"><a class="thickbox" title="" href="/FileManager/Commons/2013/10/15/article-2458864-18ba3c5600000578-874634x549-15-10-2013--11-51-54.jpg"><img src="/FileManager/Articles/mce/2013/10/15/article-2458864-18ba3c5600000578-874634x549-15-10-2013--11-51-54.jpg" alt="" /></a></p>
<p>ដោយមានកម្លាំងចិត្តខុសពីធម្មតា និងភាពជឿជាក់កម្រជួបប្រទះ កុមារី ដែលបញ្ហាត្រចៀកពីកំណើត ម្នាក់ ឈ្មោះ Molly Smith អាយុ ៩ឆ្នាំ ជនជាតិអង់គ្លេស បាន “ផ្ដួល” គូប្រជែងធំៗរបស់ខ្លួន ក្នុងកម្មវិធីប្រកួតដាំបន្លែ ដើម្បីដណ្ដើមពានរង្វាន់ជើងឯក។<br /><br />ក្នុងកម្មវិធីប្រកួតដាំបន្លែ មានឈ្មោះថា Houghton Feast ដែលត្រូវបានធ្វើឡើងនៅក្នុងតំបន់ Tyne & Wear ប្រទេសអង់គ្លេស ឆ្នាំនេះ កុមារី Molly Smith ដណ្ដើមបានពានរង្វាន់ដល់ទៅ ៥ ក្នុងចំណោម ពានរង្វាន់ចំនួន ១២ នៃកម្មវិធីប្រកួតនេះ។</p>
<p style="text-align: center;"><a class="thickbox" title="" href="/FileManager/Commons/2013/10/15/article-2458864-18ba340200000578-649634x471-15-10-2013--11-52-30.jpg"><img src="/FileManager/Articles/mce/2013/10/15/article-2458864-18ba340200000578-649634x471-15-10-2013--11-52-30.jpg" alt="" /></a></p>
<p style="text-align: center;"><em>Molly ទទួលពានរង្វាន់ខ្ទឹមសបារាំងធំបំផុត</em></p>
<p>បន្ទាប់ពីទទួលបានបទពិសោធក្នុងការធ្វើចំការ ពីជីតារបស់ខ្លួន គឺ John Smith កុមារីម្នាក់នេះ បានចូលប្រកួតក្នុងកម្មវិធីដាំបន្លែ ដោយនាំមកជាមួយស្នាដៃដ៏អស្ចារ្យរបស់ខ្លួន គឺមើមខ្ទឹមបារាំង និងខ្ទឹមសបារាំងយក្ស។ ការចំណាយកម្លាំងរបស់ Molly Smith ត្រូវបានតបស្នងដោយពានរង្វាន់មើមខ្ទឹមបារាំង ដែលមានទម្ងន់ធ្ងន់បំផុត ៤,១គីឡក្រាម ពានរង្វាន់ខ្ទឹមសបារាំង ស្រស់ស្អាតបំផុត និងពានរង្វាន់សម្រាប់កម្រងបន្លែផ្លែឈើ ឆ្នើមបំផុត។ សរុបមក កុមារីដែលមកពីភាគខាងត្បូងក្រុង Tyneside នេះ ត្រូវបានប្រគល់ពានរង្វាន់ចំនួន ៥ តែម្នាក់ឯង ពីគណកម្មការរៀបចំការប្រកួត។</p>
<p>ម្ដាយរបស់កុមារី Molly អ្នកស្រី Jo Gibson ឱ្យដឹងថា កូនស្រីរបស់គាត់ចូលចិត្តដាំបន្លែណាស់។ ដោយសារតែមានបញ្ហាត្រចៀក ស្ដាប់មិនឮ ដូច្នេះបទពិសោធដែលនាងទទួលបាន គឺតាមរយៈភ្នែក។ Molly រៀនសូត្រអំពីរបៀប និងសកម្មភាពដាំដុះបន្លែ របស់អ្នកនៅជុំវិញ។</p>
<p style="text-align: center;"><a class="thickbox" title="" href="/FileManager/Commons/2013/10/15/molly-smith-២-15-10-2013--11-53-00.jpg"><img src="/FileManager/Articles/mce/2013/10/15/molly-smith-២-15-10-2013--11-53-00.jpg" alt="" /></a></p>
<p style="text-align: center;"><em>បន្លែ<em>របស់ Molly </em>ដែលទទួលបានពានរង្វាន់</em></p>
<p>តាំងពីតូច Molly តែងតែទៅចំការ តាមលោកតារបស់នាង ហើយរៀងរាល់សប្ដាហ៍ នាងក៏ចំណាយពេលខ្លះៗ ជួយធ្វើចំការ ដូច្នេះ បទពិសោធដែលនាងមាន គឺបានមកពីការណែនាំរបស់លោកតានាង។ ទន្ទឹមនឹងការធ្វើចំការ កុមារី Molly ក៏ចូលចិត្តហែលទឹក លេងទាត់បាល់ និងចូលរួមក្នុងក្រុមអ្នកលើកទឹកចិត្តកីឡាករផងដែរ។</p>
<p> </p>
<p><strong>ព័ត៌មានផ្សេងៗគួរឱ្យចាប់អារម្មណ៍</strong></p>
<p><span style="color: #3366ff;"><a href="/News/Detail/41752"><span style="color: #3366ff;">រុក្ខជាតិចម្លែក ចេញផ្លែប៉េងប៉ោះផង ចេញមើមដំឡូងផង</span></a></span></p>
<p><span style="color: #3366ff;"><a href="/News/Detail/31804"><span style="color: #3366ff;">ទារិកាអភ័ព្វ កើតមកមានជើង ច្រើនជាងធម្មជាតិ</span></a><a href="/News/Detail/31082"></a></span></p>
<p><span style="color: #3366ff;"><a href="/News/Detail/31082"><span style="color: #3366ff;">ស្ដ្រីអាយុ ៣៧ឆ្នាំ ហែលសមុទ្រ ចម្ងាយ ៩០គីឡូម៉ែត្រ ដោយមិនសម្រាក</span></a></span></p>
<p><strong><br /></strong></p>
<p> </p>
<p style="text-align: right;">ប្រែសម្រួលដោយ ៖ តារា<br />ប្រភព ៖ Dailymail<br /><br /></p>