<p><strong>ភ្នំពេញ៖</strong> មួយរយៈចុងក្រោយនេះ សកម្មភាពសិល្បៈ របស់តារាស្រី និយមភាពសិចស៊ី ខាង<br />បញ្ចេញ ដើមទ្រូងបង្អួតប្រុសៗ សាន សុម៉ាលី ហាក់ដូចជា មានភាពស្ងប់ស្ងាត់ ទៅវិញបន្តិច ។<br /> តែបើនិយាយពីរឿងស្នេហា តែងលេចឮ មិនចេះដាច់ឡើយ កាលពីពេលកន្លងមកនេះ។</p>
<p>ស្របពេលកញ្ញា សាន សុម៉ាលី បានបាត់មុខមិនសូវ បង្ហាញវត្តមាន ក្នុងសិល្បៈនេះដែរ ក៏ស្រាប់<br />តែល្បី ព័ត៌មានថា តារាសម្តែង សាន សុម៉ាលី កំពុងសម្ងំសាងស្នេហ៍ យ៉ាងផ្អែមល្ហែម ជាមួយបុរស<br />អាណិកជនខ្មែរ អូស្ត្រាលី វ័យប្រហែល៤០ឆ្នាំ ម្នាក់។</p>
<p>បើតាមប្រភព ដែលលេចឮចេញពី ចង្កោមអ្នកសិល្បៈ បានបង្ហើបប្រាប់ថា សាន សុម៉ាលី រកបាន<br />បុរសអាណិកជន ខ្មែរអូស្រា្តលីម្នាក់ ដែលមានទ្រព្យសម្បត្តិ ច្រើនហូរហៀ ហើយក៏កំពុងតែចាប់<br />ផ្តើម សាងស្នេហ៍ ជាមួយគ្នា ទើបបាននាងហាក់ ដូចជាប្រងើយមិនសូវខ្វាយខ្វល់ ពីការងារសិល្បៈ<br />បន្តិចសោះឡើយ។</p>
<p>ប្រភពដដែលបាន និយាយទៀតថា ការអវត្តមានពីសិល្បៈ របស់តារាស្រីរូបនេះ ប្រហែលជានាង<br />ចង់ យកពេលវេលានេះ ទុកជាឱកាសដើម្បី សាងស្នេហ៍ និង ស្វែងយល់ពីចិត្តគ្នា ទើបបានជា សុ<br />ម៉ាលី មិនសូវខ្វល់ពី ការសាងកេរ្តិ៍ឈ្មោះ ក្នុងសិល្បៈឡើងវិញនោះ។ ម្យ៉ាងទៀតប្រហែលជា សាន <br />សុម៉ាលី អាចចង់ដកខ្លួន ពេញពីសិល្បៈ ក៏ថាបានព្រោះ បុរសម្នាក់នេះ គេជាអ្នកដែលមាន ទ្រព្យ<br />សម្បត្តិច្រើន។</p>
<p>នៅព្រឹកថ្ងៃទី០៨ ខែមិថុនា ឆ្នាំ ២០១៣ នេះគេហទំព័រ Looking TODAY មិនអាចធ្វើការ ទំនាក់ទំនង<br />សុំការបំភ្លឺ ពីកញ្ញា សាន សុម៉ាលី បាននៅឡើយទេ ព្រោះលេខទូរស័ព្ទ របស់នាង ដែលធ្លាប់ប្រើមិន<br />អាច ធ្វើការទាក់ទងបាន។ គេហទំព័រ Looking TODAY រង់ចាំស្វាគមន៍ជានិច្ច ចំពោះវត្តមានចេញ<br />មុខមកបំភ្លឺជុំវិញព័ត៌មាន លេចឮខាងលើនេះ ពីសំណាក់កញ្ញា សាន សុម៉ាលី ដោយក្ដីរីករាយ។</p>
<p>តារាសម្តែង សាន សុម៉ាលី បានចូលខ្លួនប្រឡូកសិល្បៈ នៅអំឡុងឆ្នាំ ២០០៣ និង បានលេចមុខល្បី<br />ឈ្មោះ ក្នុងសិល្បៈជាបន្តបន្ទាប់ រហូតដល់ឆ្នាំ២០០៤ តាមរយៈនៃ ការសម្តែងក្នុងរឿង "កាកី" ព្រោះ<br />នាងហ៊ានដើរតួ សម្តែងក្នុងភាពសិចស៊ី បំផុត។ ទន្ទឹមនឹងកេរ្តិ៍ឈ្មោះសិល្បៈ កំពុងតែស្ទុះឡើង នៅអំ<br />ឡុងឆ្នាំ២០១០ កញ្ញា សាន សុម៉ាលី ក៏បានធ្លាក់ថយ ប្រជាប្រិយភាពទៅវិញ ខណៈនោះនាងក៏បាន <br />បាត់ខ្លួនពីសិល្បៈ អស់មួយខ្យល់ធំ ។</p>
<p>ក្រោយមកទើបឃើញ វត្តមានស្រីស្រស់ សាន សុម៉ាលី ចូលខ្លួនមកប្រឡូក ក្នុងវិថីសិល្បៈជាថ្មីឡើង<br />វិញ ប៉ុន្តែការវិលត្រឡប់ចូលខ្លួន ក្នុងវិស័យសិល្បៈវិញនេះ កញ្ញា សាន សុម៉ាលី ហាក់ដូចជាបាត់បង់<br /> ឱកាសសម្តែងច្រើន ជាងពេលមុខៗដែលគេធ្លាប់ដឹងថា នាងជាតារាស្រីម្នាក់ ប្រជែងបានទីផ្សាខ្ពស់៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/June/id-099/v_0224.jpg" alt="" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/June/id-099/v_0225.jpg" alt="" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/June/id-099/v_0226.jpg" alt="" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/June/id-099/v_0227.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>