<div class="article-content">
<p><strong>ភ្នំពេញ៖</strong> បញ្ញត្តិករទូរគមនាគមន៍កម្ពុជា និងប្រតិបត្តិករ ដែលជាក្រុមហ៊ុនទូរសព័្ទចល័ត និងអចល័ត<br /> ទាំងអស់ដែលកំពុង ធ្វើអាជីវកម្មនៅកម្ពុជា កាលពីថ្ងៃទី២៦ ខែមេសា ឆ្នាំ២០១៣ បានធ្វើសន្និសីទ<br />សារព័ត៌មានរួមគ្នាមួយ ដើម្បីបញ្ជាក់ពីការ ប្តេជ្ញាចិត្ត បញ្ឈប់ជាស្ថាពរនូវការអនុវត្ត ផ្សាយឃោសនា<br />ពាណិជ្ជកម្ម ដែលផ្ទុយនឹងប្រកាសរបស់រាជរដ្ឋាភិបាល។</p>
<p>ការប្តេជ្ញាចិត្ត របស់ក្រុមហ៊ុនទូរស័ព្ទនេះ ធ្វើឡើងបន្ទាប់ពីបញ្ញត្តិករទូរគមនាគមន៍ កាលពីពេលថ្មីៗ<br />នេះ បានធ្វើលិខិត ព្រមានទៅលើក្រុមហ៊ុនទូរស័ព្ទ២ គឺប៊ីឡាញ និងស្មាត ដោយចោទប្រកាន់ថា<br />បាន ផ្សព្វផ្សាយអំពីកម្មវិធី ប្ដូរប្រាក់រំលោភ លើប្រកាសអន្តរក្រសួងលេខ ២៣២ ចុះថ្ងៃទី៧ខែធ្នូ ឆ្នាំ<br />២០០៩។</p>
<p>ប្រធានបញ្ញតិ្តករ ទូរគមនាគមន៍កម្ពុជា លោក ម៉ូវ ចរិយា បានថ្លែងថា ការបញ្ឈប់ការផ្សាយពាណិជ្ជ<br />កម្ម ដែលជាលក្ខណៈប្រកួត ប្រជែងមិនស្មោះត្រង់ របស់បណ្តាក្រុមហ៊ុនទូរស័ព្ទទាំងអស់ ចាប់ផ្តើម<br />អនុវត្តន៍ ចាប់ពីថ្ងៃទី២៧ ខែមេសា ឆ្នាំ២០១៣ តទៅ បានសេចក្តីថា ចាប់ពីពេលនេះតទៅ នឹងលែង<br />មានការផ្សព្វផ្សាយពាណិជ្ជកម្ម ទាក់ទាញអតិថិជន ផ្ទុយពីប្រកាសអន្តរក្រសួង ទៀតនោះទេ។</p>
<p>ប្រកាសអន្តរក្រសួង រវាងក្រសួងសេដ្ឋកិច្ច និងហិរញ្ញវត្ថុ និងក្រសួងប្រៃសណីយ៍ និងទូរគមនាគមន៍<br />បានកំណត់ថា ថ្លៃសេវា អប្បបរមា(ទាបបំផុត) ដែលហៅចេញក្នុងប្រព័ន្ធ (ប្រព័ន្ធដូចគ្នា) មានចំនួន<br /> ៤,៥សេនដុល្លារអាមេរិក ក្នុង១នាទី។ ថ្លៃសេវា អប្បបរមាហៅឆ្លងកាត់ប្រព័ន្ធ (ក្រៅប្រព័ន្ធ) ថ្លៃ ៥,៩៥<br />សេនដុល្លារអាមេរិកក្នុង១នាទី។</p>
<p>លោកម៉ូវ ចរិយា បញ្ជាក់ថា «ចាប់ពីថ្ងៃទី២៧ ខែមេសា ឆ្នាំ២០១៣ តទៅ ការសុំការផ្សព្វផ្សាយពា-<br />ណិជ្ជកម្ម ត្រូវអនុវត្តន៍តាម ខ្លឹមសារ របស់ប្រកាសលេខ២៣២របស់អន្តរក្រសួង។ យើងចង់ឃើញ<br />ក្រុមហ៊ុនទាំងអស់ មានការប្រកួងប្រជែងគ្នា ប្រកប ដោយគុណភាព បច្ចេកវិទ្យាខ្ពស់ និងមានតម្លា<br />ភាព ក្នុងការធ្វើពាណិជ្ជកម្មក្នុងប្រទេសកម្ពុជា»។</p>
<p>លោកបន្ថែមថា ប្រសិនបើប្រតិបត្តិករ ផ្តល់សេវទូរស័ព្ទចល័ត និងអចល័ត នៅតែបំពាននោះ រាជរដ្ឋា<br />ភិបាលនឹងចាត់ វិធានការណ៍ តាមផ្លូវច្បាប់ និងអាចឈានដល់បិទក្រុមហ៊ុនតែម្តង។</p>
<p>តំណាងក្រុមហ៊ុនទូរស័ព្ទចល័តប៊ីឡាញ (Beeline) បាននិយាយថា «យើងនឹងធ្វើការគោរព ទៅតាម<br />បទបញ្ញាតិទាំងអស់នេះ បើទោះបីជាក្រុមហ៊ុនផ្សេងទៀតអត់ធ្វើ ប៉ុន្តែយើងប្តេជ្ញាចិត្តថា យើងចង់<br />ប្រតិបត្តិករទាំងអស់ ប្រកួតប្រជែងស្មើភាពគ្នា និងមាន ភាពស្មោះត្រង់»។</p>
<p>តំណាងក្រុមហ៊ុនទូរស័ព្ទចល័ត qb មានប្រសាសន៍ថា «យើងតែងឯកភាព និងអនុវត្តទៅតាមប្រកាស<br /> ២៣២ ហើយយើងចង់ ឲ្យប្រតិបត្តិករទំាងអស់ គោរពទៅតាមនេះ។ យើងគួរតែប្រកួត ប្រជែងគ្នាក្នុង<br />កម្រិតស្នើគ្នា ហើយយើងសង្ឃឹមថា នឹងមានការ ស្រុះស្រួលគ្នា ទៅលើតម្លៃអតិប្បរិមាមួយដ៏ល្អ»។</p>
<p>បើតាមបញ្ញត្តិករ ទូរគមនាគន៍ រហូតដល់ដល់ពេលនេះ ប្រទេសកម្ពុជាមានក្រុមហ៊ុនទូរស័ព្ទចល័ត <br />និងអចល័ត ចំនួន ៩ ក្នុង នៅក្រុមហ៊ុនទូស័ព្ទចល័តចំនួន ៧ និងអចល័តចំនួន២ ។ ប្រជាជនកម្ពុជា<br />បាន និងកំពុងប្រើប្រាស់ ស៊ីមកាតប្រមាណជាង ១៩,៧លានស៊ីមកាត ដែលច្រើនជាង ចំនួនប្រជា<br />ជនទូទាំងប្រទេស បានសេចក្តីថា ប្រជាជនម្នាក់អាចប្រើប្រាស់ ស៊ីមកាត ពី២ ឡើងទៅ៕</p>
<p style="text-align: center;"><img src="http://image.dap-news.com:81/dap-news/dap-images/2013/April/id-014/that-0507.jpg" alt="" width="400" /></p>
<p style="text-align: center;"><img src="http://image.dap-news.com:81/dap-news/dap-images/2013/April/id-014/that-0508.jpg" alt="" width="400" /></p>
<p style="text-align: center;"><img src="http://image.dap-news.com:81/dap-news/dap-images/2013/April/id-014/that-0509.jpg" alt="" width="400" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>