<p><span style="color: #000000;"><strong>ភ្នំពេញ៖</strong> តារាចម្រៀង ឃីន ស្រីនាថ ហៅ អ៊ីវ៉ា របស់ផលិតកម្ម សាន់ដេ មានដើមកំណើត ចេញពីខេត្តកំពង់ស្ពឺ ជាតារាចម្រៀង ស្រីម្នាក់ ដែលដើរ ចេញ ពីស្រុកកំណើត ភ្លាមក៏ល្បីភ្លែត ស្ទើរមិនគួរឲ្យជឿ ។ ក្រោយប្រឡូកសិល្បៈ មិនទាន់បានមួយ ចំអិនកំពិសផង អ៊ីវ៉ា ក៏មានឡានទំនើបជិះ បង្អួតភ្នែក មហាជនភ្លាម។</span></p>
<p><span style="color: #000000;">បន្ទាប់ពីបាត់ភាពកក់ក្ដៅ ពេលម្ដាយស្លាប់ចោល ងាកមកផលិតកម្ម សាន់ដេ វិញ អ៊ីវ៉ា ហាក់ត្រូវបានទុកចោល មិនសូវអើពើដូចមុនឡើយ។ ជាក់ ស្ដែង រឿង របស់ផលិត កម្មល្បីៗ មិនដែលមាននាង បានធ្វើតួឯកឡើយ បានតែតួរាយរង កំបិកកំប៉ុកប៉ុណ្ណោះ ។ ថ្វីត្បិតផលិតកម្មនេះ ជាអ្នកឲ្យ កំណើត ក៏ដោយ តែប្រៀបដូចម្ដាយបង្កើតកូន តែមិនមើលថែកូនខ្លួនដូច្នោះដែរ។</span></p>
<p><span style="color: #000000;">ថ្មីៗនេះ ពាក្យចចាមអារ៉ាម ខ្សឹបខ្សៀវថា ឃីន ស្រីនាថ ឬ អ៊ីវ៉ា កំពុងតែរៀបចំឥវ៉ាន់ ប្រុងរើកញ្ជើ ចាកចេញពីផលិតកម្មសាន់ដេ ជាផលិតកម្ម ផ្ដល់ កំណើតឲ្យនាង ព្រោះ ផលិតកម្ម លែងអើពើ នាងទៀតហើយ ។ បទចម្រៀងរបស់ អ៊ីវ៉ា ស្ទើរតែគ្មានលើទីផ្សារ បើមានក៏បទធម្មតាៗ មិនមែនបទ ចម្រៀងមេៗ ចេញទៅល្បី ដូចមុនឡើយ ព្រោះ ពេលមុន ចេញបទអីក៏ល្បីដែរ តែឥលូវ នាងមិនដូចមុន ព្រោះចេញទៅស្ងាត់ៗ ។ គេកត់សម្គាល់ ឃើញថា បទចម្រៀងអ៊ីវ៉ា ត្រូវបាន គេលើកយក ទៅប្រឡងចម្រៀង ច្រើនបំផុត ក្នុងចំណោម បទចម្រៀង របស់តារា ចម្រៀងស្រីនានា តែឥលូវ ស្ងាត់ ហើយ បទលែង ត្រូវបានគេលើក ទៅច្រៀង ដូចមុន ទៀតហើយ ។</span></p>
<p><span style="color: #000000;">ប្រភពដដែលបានបន្តថា អ៊ីវ៉ា ត្រូវបានផលិតកម្មធំៗ ចាំទទួលដៃដប់ ក្នុងនោះឮថា មានផលិតកម្មធំ ដែលពូកែខាងផលិតបទថ្មីៗផងដែរ តែគេមិន ទាន់ដឹងថានាងសំរេច យ៉ាងណាទេ ។ កន្លងមកថ្នាក់ដឹកនាំ ផលិតកម្ម សាន់ដេ លោក ឡាយ សុខចំរើន បាននិយាយ ក្នុងការបែងចែកបទ ចម្រៀង របស់ផលិតកម្មលោក ឲ្យមានភាព សុក្រិត ថ្វីត្បិតតែផលិតកម្មលោក មានតារាចម្រៀងច្រើន តែលោកមិនអាច តារាចម្រៀងណាម្នាក់ អាក់អន់ ស្រពន់ចិត្តឡើយ ពិសេស ផលិតកម្មលោក មានទីផ្សារ យ៉ាងសម្បើម នៅតាមខេត្ត ។ តែអ្វីដែលគេឃើញ អ្នកមាន បទចម្រៀង នៅតែ ចេញរហូត អ្នកមិនមានបទចេញ នៅតែអត់ ។ ហេតុនេះទើប មានតារាចម្រៀងខ្លះ ចាកចញពីផលិត កម្មនេះហូរហែ ដូចជា លោក ជុំលីណូ ជាដើម ។</span></p>
<p><span style="color: #000000;">កញ្ញា អ៊ីវា មិនទាន់អាចសុំការបំភ្លឺបានទេ នៅពេលនេះ តែអ្វីដែលច្បាស់ គឺនឹងចេញជារូបរាង នៅពេលចេញបទចម្រៀង នៅផលិតកម្មថ្មី ឬផលិត កម្មចាស់ ព្រោះនាង កំពុងតែស្ថិត ក្នុងការសម្រេចចិត្តដូចគ្នា ៕</span></p>
<p><span style="color: #000000;"><a class="thickbox" title="" href="/FileManager/Commons/2015/1/14/90-14-01-2015--15-58-26.jpg"><img src="/FileManager/Articles/mce/2015/1/14/90-14-01-2015--15-58-26.jpg" alt="" /></a></span></p>
<p><a class="thickbox" title="" href="/FileManager/Commons/2015/1/14/91-14-01-2015--15-58-35.jpg"><img src="/FileManager/Articles/mce/2015/1/14/91-14-01-2015--15-58-35.jpg" alt="" /></a><span style="color: #000000;"><a class="thickbox" title="" href="/FileManager/Commons/2015/1/14/90-14-01-2015--15-58-26.jpg"></a></span></p>
<p><a class="thickbox" title="" href="/FileManager/Commons/2015/1/14/93-14-01-2015--15-58-42.jpg"><img src="/FileManager/Articles/mce/2015/1/14/93-14-01-2015--15-58-42.jpg" alt="" /></a><span style="color: #000000;"><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>