<p><span style="color: #000000;"><strong>ស្វាយរៀង ៖</strong> អ្នកបើករថយន្ដក្រុងជន ជាតិវៀតណាម ដែលបានបង្កគ្រោះ ថ្នាក់ចរាចរណ៍ ដ៏គួររន្ធត់ នៅលើ កំណាត់ផ្លូវជាតិលេខ១ ក្នុងស្រុកស្វាយទាប ខេត្ដស្វាយរៀង ដែល បណ្ដាលកម្មករ កម្មការិនី ប្រមាណ៤០នាក់ ស្លាប់ និងរបួសនោះ ត្រូវបាននគរបាលការិ យាល័យចរាចរណ៍ផ្លូវគោក នៃស្នងការដ្ឋាន នគរបាលខេត្ដស្វាយរៀង បញ្ជូនខ្លួនទៅកាន់ តុលាការដើម្បីផ្ដន្ទាទោសតាមផ្លូវច្បាប់ ។</span></p>
<p><span style="color: #000000;">ស្នងការនគរបាល ខេត្ដស្វាយរៀង លោក ឧត្ដមសេនីយ៍ កឹង ឃន បានបញ្ជាក់តាមទូរ ស័ព្ទថា សមត្ថកិច្ច របស់លោកបានបញ្ជូនអ្នក បើករថយន្ដក្រុងទៅតុលាការហើយ កាលពី ព្រឹកថ្ងៃទី២០ ខែឧសភា ឆ្នាំ២០១៥ ។</span></p>
<p><span style="color: #000000;">ប្រភពព័ត៌មានពីមន្ដ្រីនគរបាលចរាចរណ៍ ផ្លូវគោកខេត្ដស្វាយរៀងបានបញ្ជាក់ថា អ្នក បើករថយន្ដក្រុង ជនជាតិវៀតណាមរូបនេះ ឈ្មោះឡេ វ៉ាងធីង អាយុ៤៥ឆ្នាំ ។</span></p>
<p><span style="color: #000000;">តាមសមត្ថកិច្ចដដែល គ្រោះថ្នាក់ចរា ចរណ៍ ដែលធ្វើឱ្យអ្នកស្លាប់និងរបួសមានចំនួន ច្រើនបែបនេះ ក៏ព្រោះ តែ ជាការធ្វេសប្រហែស និងបើកមិនគោរពច្បាប់របស់ជនជាតិវៀត ណាមរូបនេះ ដែលទៅបុករថយន្ដ របស់ជន រងគ្រោះកំពុងបើក បណ្ដាលឱ្យមានរឿង សោដនាកម្មយ៉ាងដូច្នេះតែម្ដង ។</span></p>
<p><span style="color: #000000;">តាមទំនាក់ទំនងសង្គមហ្វេសប៊ុក បានធ្វើ ការរិះគន់យ៉ាងខ្លាំង ចំពោះអ្នកបើករថយន្ដ ដែលជាជនជាតិ វៀតណាមនិងស្នើឱ្យស្ថាប័ន សមត្ថកិច្ចនិងតុលាការ ត្រូវផ្ដន្ទាទោសជន នេះ តាមច្បាប់ជាធរមាន ហើយមជ្ឈដ្ឋាន ទូទៅរង់ចាំមើលចំណាត់ការទៅលើអ្នកបើក រថយន្ដបង្ករូប ៕</span></p>
<p><span style="color: #000000;"><a class="thickbox" title="" href="/FileManager/Commons/2015/5/20/5-20-2015-2-50-07-pm-20-05-2015--14-55-23.png"><span style="color: #000000;"><img src="/FileManager/Articles/mce/2015/5/20/5-20-2015-2-50-07-pm-20-05-2015--14-55-23.png" alt="" /></span></a></span></p>
<p style="text-align: right;"><span style="color: #000000;">ផ្ដល់សិទ្ធដោយ៖ ដើមអម្ពិល</span></p>