<p>ម៉ិចសិក ៖ មនុស្ស ២០ នាក់ស្លាប់ ខណៈច្រើននាក់ផ្សេងទៀតបានរងរបួសជាទម្ងន់ បន្ទាប់<br />ពីរថយន្តដឹកសាំងល្បឿនលឿនមួយ បានបុកនិងផ្ទុះឆេះយ៉ាងសន្ធោសន្ធៅ តាមបណ្តោយ<br />ផ្លូវហាយវេ ប្រទេសម៉ិចសិក កាលពីថ្ងៃអង្គារកន្លងទៅ នេះបើយោងតាមការដកស្រង់អត្ថ<br />បទផ្សាយ របស់គេហទំព័រសារព័ត៌មានបរទេស CNN ។</p>
<p><a class="thickbox" title="" href="/FileManager/Commons/2013/5/8/130507104410-mexico-blast-ecatepec-story-top-08-05-2013--09-40-06.jpg"><img src="/FileManager/Articles/mce/2013/5/8/130507104410-mexico-blast-ecatepec-story-top-08-05-2013--09-40-06.jpg" alt="" width="438" height="245" /></a></p>
<p>លើសពីនេះ បើយោងតាមសម្តីមន្រ្តីផ្លូវការមកពីនាយកដ្ឋានសុខសុវត្ថិភាពផ្លូវគោកលោក<br />Salvador Neme បានអោយដឹងថា ក្នុងចំណោចជនរងគ្រោះដែលបានស្លាប់បាត់បង់ជីវិត<br />ក្នុងនោះ មានកុមារតូចពីររូបផងដែរ។</p>
<p>គួររំឭកផងដែរថា ប្រភពសារព័ត៌មានផ្លូវការ Notimex បានបញ្ជាក់យ៉ាងច្បាស់ថា មូល<br />ហេតុដែលបណ្តាលអោយកើតមានឡើងនូវសោកនាដកម្មមួយនេះនោះគឺថា មកពីរថយន្ត<br />ដឹកសាំងមួយគ្រឿងនេះ ស្ថិតនៅក្នុងសភាពល្បឿនលឿនពេក ដែលបានបណ្តាលអោយ<br />អ្នកបើកបរបាត់បង់ម្ចាស់ការ រហូតបានទៅបុកផ្ទះប្រជាពលរដ្ឋ ក៏ដូចជាឡានមួយចំនួន<br />ផ្សេងទៀត ដែលបន្តិចក្រោយមកក៏បានឆាបឆេះយ៉ាងសន្ធោសន្ធៅតែម្តង។</p>
<p><a class="thickbox" title="" href="/FileManager/Commons/2013/5/8/mexico-08-05-2013--09-41-27.jpg"><img src="/FileManager/Articles/mce/2013/5/8/mexico-08-05-2013--09-41-27.jpg" alt="" width="438" height="244" /></a></p>
<p>មួយម៉ោងក្រោយមក បន្ទាប់ពីបានកើតមានឡើងនូវសោកនាដកម្មមួយនេះ មនុស្ស ២៣<br />នាក់ ត្រូវបានបញ្ជូនទៅកាន់មន្ទីរពេទ្យ ខណៈ ៨ នាក់ស្ថិតនៅក្នុងសភាពរបួសធ្ងន់ ដោយ<br />ឡែក អ្នកបើកបរក៏ទទួលរងរបួសធ្ងន់ ក៏ត្រូវបានបញ្ជូនទៅកាន់មន្ទីរពេទ្យ តែស្ថិតនៅ<br />ក្រោមការចាប់ឃាត់ខ្លួន។</p>
<p>គួរបញ្ជាក់ផងដែរថា សោកនាដកម្មមួយនេះ បានធ្វើអោយប្រជាជន ១០០ នាក់បាត់បង់<br />ទីជម្រក បន្ទាប់ពីអគ្គីភ័យឆេះយ៉ាងសន្ធោសន្ធៅមួយនេះ បានបំផ្លាញផ្ទះប្រជាពលរដ្ឋដល់<br />ទៅ ៤៥ ខ្នង និងរថយន្តដល់ទៅ ១៦ គ្រឿង៕</p>
<p style="text-align: right;">ដោយ ៖ ពិសិដ្ឋ<br />ប្រភព ៖ CNN </p>