<div class="article-content">
<p><strong>ខេត្តបន្ទាយមានជ័យ៖</strong> ស្ត្រីមេម៉ាយម្នាក់ ក្រោយពីប្តីស្លាប់ទៅ មានកូនប្រុសស្រី ៤នាក់ មានជីវភាព<br />ក្រខ្សត់ខ្លាំង និងគ្មាន លទ្ធភាពរកស៊ីចិញ្ចឹមកូន បានដាច់ចិត្តទៅដើររើសអេតចាយ ក្រោយមកក៏<br />បានលួចខោអាវគេ លក់តាមផ្សារ ត្រូវនគរបាល ព្រហ្មទណ្ឌកម្រិតស្រាល ចាប់ឃាត់ខ្លួនដើម្បីសួរ<br />នាំ កាលពីថ្ងៃទី១២ ខែកក្កដា ឆ្នាំ២០១៣ នៅផ្សារសិរីសោភ័ណ ក្នុងភូមិ៣ សង្កាត់ព្រះពន្លា ក្រុងសិរី<br />សោភ័ណ ខេត្តបន្ទាយមានជ័យ។</p>
<p>ប្រភពពីនគរបាល ខេត្តបន្ទាយមានជ័យ បានឲ្យដឹងថា ស្រ្តីមេម៉ាលួចឥវ៉ាន់គេរូបនេះ មានឈ្មោះ លន់<br /> រ៉ន អាយុជាង ៤០ឆ្នាំ រស់នៅភូមិរោងម៉ាស៊ីន សង្កាត់អូរអំបិល ក្រុងសិរីសោភ័ណ មានកូនប្រុសស្រី៤<br />នាក់។ ដកហូតបានវត្ថុតាង ដែលស្រី្តម្នាក់នេះ លួចគេរួមមាន ខោអាវស្លៀកពេលរាត្រី ៨កំប្លេ របស់<br />អាជីករផ្សារខាងលើ។</p>
<p>នគរបាលបានបញ្ជាក់ថា ស្រ្តីមេម៉ាយ លន់ រ៉ន នេះ គឺធ្លាប់ត្រូវបានសមត្ថកិច្ច ចាប់ខ្លួនអស់ចំនួន៤ដង<br />ហើយ គឺគ្រាន់តែធ្វើការ អប់រំប៉ុណ្ណោះ ព្រោះគាត់ លួចទំនិញកំប៉ិកកំប៉ុក គ្រាន់លក់យកប្រាក់ ទិញអង្ករ<br />ឲ្យកូនហូប។ តែក៏ធ្លាប់ជាប់គុក អស់មួយរយៈដែរ ទើបតែចេញពីគុកបាន ៣ខែទេ ស្រាប់តែចាប់ផ្តើម <br />ធ្វើសកម្មភាពលួចទៀតហើយ។</p>
<p>នៅចំពោះមុខ សមត្ថកិច្ចសួរនាំ ស្រ្តីជនសង្ស័យ បាននិយាយទាំងទឹកភ្នែកថា ( គាត់មិនចង់ធ្វើអំពើ <br />ដែលសង្គមស្អប់ខ្ពើមនោះ ទេ តែគាត់គ្មានលទ្ធភាព រកប្រាក់ទិញអង្ករឲ្យកូនហូប ក្រពះវាស្រេកឃ្លាន<br /> ទើបគាត់ដាច់ចិត្តធ្វើអីចឹងទៅ)។</p>
<p>ទន្ទឹមគ្នា នៃការឃាត់ខ្លួនស្រ្តីមេម៉ាយរូបនេះ មានមតិជាច្រើន បានលើកឡើងខុសៗគ្នាថា (បើនិយាយ<br />អំពីច្បាប់ ស្រ្តីរូបនេះ គឺជាចោរ ជាមនុស្សដែលសង្គមស្អប់ខ្ពើម ប្រព្រឹត្តអំពើខុសច្បាប់ត្រូវមានទោស)។</p>
<p>មតិមួយទៀត បានលើកឡើងថា (អំពើដែលគាត់ធ្វើ គឺជាអំពើត្រឹមត្រូវ គាត់ជាម្តាយ ដែលមានទំនួល<br />ខុសត្រូវ មាន ព្រហ្មវិហារធម៌ ស្រឡាញ់កូន ចង់ឲ្យកូនឆ្អែតក្រពះ ចង់ឃើញកូនមានជីវិតរស់នៅ ចង់<br />ឃើញកូនមានអនាគត ទាំងដឹងថា ខ្លួនធ្វើខុសត្រូវមានទោស ឬត្រូវជាប់គុក ក៏ម្តាយសុខចិត្ត៕</p>
<p style="text-align: center;"><img src="http://image.dap-news.com:81/dap-news/dap-images/2013/July/id-014/that-0237.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/July/id-014/that-0238.jpg" alt="" width="500" /></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល</p>
</div>