<p>ព័ត៌មានអន្តរជាតិ ៖ យោងតាមការដកស្រង់ សម្រង់អត្ថបទផ្សាយ ពីគេហទំព័រ សារព័ត៌មានបរទេស ស៊ីអិនអិន ដែលទើបតែបានចេញផ្សាយ កាលពីប៉ុន្មានម៉ោង មុននេះ បន្តិច អោយដឹងថាយ៉ាងហោច ណាស់មនុស្ស ៤ នាក់ បានស្លាប់បាត់បង់ជីវិត ខណៈ ២២ នាក់ផ្សេងទៀត បានទទួលរងរបួសធ្ងន់ និង ស្រាល ក្រោយពីមានករណីវាយប្រហារ ដោយដេញចាក់ស្រស់ៗ ពីសំណាក់ បុរសវ័យក្មេងមួយ រូប នៅឯស្ថានីយ៍រថភ្លើង ក្រោមដីមួយកន្លែង ក្នុងក្រុង តៃប៉ិ ប្រទេស តៃវ៉ាន់ ។</p>
<p><a class="thickbox" title="" href="/FileManager/Commons/2014/5/22/10-22-05-2014--10-33-06.jpg"><img src="/FileManager/Articles/mce/2014/5/22/10-22-05-2014--10-33-06.jpg" alt="" /></a></p>
<p>គួររំឭកថា វិនាទីនៃការវាយប្រហារដេញចាក់ស្រស់ៗ បានកើតឡើង ដោយមានចន្លោះពេលដល់ទៅ ២០ វិនាទី នៅឯស្ថានីយ៍រថភ្លើង Longshan Temple Station ក្នុងក្រុង តៃប៉ិ ពោលអាចកើតឡើងទៅ បាន បន្ទាប់ពីរថភ្លើង របស់ជនដៃដល់ ដែលបម្រុងនឹងជិះនោះ បានចាកចេញចោល ។</p>
<p><a class="thickbox" title="" href="/FileManager/Commons/2014/5/22/11-22-05-2014--10-33-15.jpg"><img src="/FileManager/Articles/mce/2014/5/22/11-22-05-2014--10-33-15.jpg" alt="" width="499" height="323" /></a></p>
<p><a class="thickbox" title="" href="/FileManager/Commons/2014/5/22/12-22-05-2014--10-33-27.jpg"><img src="/FileManager/Articles/mce/2014/5/22/12-22-05-2014--10-33-27.jpg" alt="" width="499" height="333" /></a></p>
<p>ភ្លាមៗនោះ ក៏មានកិច្ចអន្តរាគមន៍ ពីសំណាក់ មន្រ្តីប៉ូលីស ប្រចាំកន្លែងកើតហេតុ ដោយបានចាប់ ឃាត់ខ្លួនគាត់ និងយកទៅធ្វើការឃុំឃាំង រង់ចាំការសាកសួរចម្លើយ ថាតើ មូលហេតុអ្វីបានជា គាត់ បែកគំនិតទៅធ្វើយ៉ាងដូច្នេះ ហើយអ្វីដែលគេបានដឹងជាជំហានដំបូង នោះគឺបុរសជាជនដៃដល់ខាង លើអាចនឹងស្ថិតនៅក្នុងស្ថានភាព ស្រវឹង ខណៈគាត់មានឈ្មោះថា Zheng ។ ដោយឡែក ជនរង គ្រោះក្នុងករណីវាយប្រហារលើកនេះ ត្រូវបានអាជ្ញាធរ បញ្ជូនទៅសង្គ្រោះ នៅឯមន្ទីរពេទ្យ ដែលមាន ទីតាំង នៅក្បែរបំផុត ។ ខាងក្រោមជាវីដេអូ ជ្រាបកាន់តែច្បាស់ តាមដានទស្សនា បន្តិចទៅ ៖</p>
<p><object width="477" height="409" data="http://www.youtube.com/v/aKhi7Kmenj0&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/aKhi7Kmenj0&rel=1" /></object></p>
<p> </p>
<p style="text-align: right;">ប្រែសម្រួល ៖ កុសល<br />ប្រភព ៖ ស៊ីអិនអិន</p>