<p class="dt-pts">Samsung បានទទួលជ័យជំនះដ៏ភ្ញាក់ផ្អើលមួយ ពេលដែលគណកម្មាការពាណិជ្ជកម្ម អាមេរិច<br />(ITC) ទទួលយកសំណើរបស់ក្រុមហ៊ុន ក្នុងការបញ្ឈប់ដាក់លក់បណ្តា Version ស្មាតហ្វូន និង<br />Tablet ស៊េរីចាស់ៗ របស់ Apple ព្រោះតែរំលោភ Copyright របស់ Samsung។</p>
<p class="Normal">បណ្តាផលិតផលស្ថិតក្នុង "សៀវភៅខ្មៅ" ដែលត្រូវបាន ITC ប្រកាសនៅថ្ងៃទី ៤ ខែមិថុនា ម្សិល<br />មិញនេះ រួមមាន iPhone 4, iPhone 3GS, iPhone 3G, iPad 3G និង iPad 2 3G ដែលចែកចាយ<br />ដោយ AT&T។ នេះសុទ្ធតែបណ្តា Version ចាស់ៗ ដូច្នេះមិនសូវជាមានផលប៉ះពាល់ច្រើន ដល់<br />ដំណើរការជំនួញរបស់ Apple នោះទេ។ ប៉ុន្តែសំរាប់ការបញ្ជា "ហាមលក់" មួយនេះ គឺវាគ្រប់គ្រាន់<br /> សំរាប់ Samsung មានការសប្បាយចិត្ត ព្រោះរឿងនេះ បានបង្ហាញឲ្យឃើញថា Apple បានរំលោភ<br />ការរក្សាសិទ្ធិ (Copyright) របស់ខ្លួន ពិតប្រាកដមែន។</p>
<p class="Normal"><a class="thickbox" title="" href="/FileManager/Commons/2013/6/5/orange-offers-ipad-2-and-iphone-4-05-06-2013--10-13-12.jpg"><img src="/FileManager/Articles/mce/2013/6/5/orange-offers-ipad-2-and-iphone-4-05-06-2013--10-13-12.jpg" alt="" /></a></p>
<p class="Normal">"ពួកយើងជឿជាក់ទៅលើ ការសំរេចចិត្តចុងក្រោយរបស់ ITC ដែលបង្ហាញថា Apple បានទទួល<br />ផលចំណេញជាច្រើន ពីបណ្តាការអភិវឌ្ឍន៍បច្ចេកវិទ្យារបស់ Samsung ដោយមិនមានចំណាយ<br />លុយកាក់អ្វីដល់ខ្លួន បន្តិចសោះឡើយ។ ពួកយើង នឹងបន្តស្រាវជ្រាវ និងអភិវឌ្ឍក្នុងវិស័យ Mobile<br />និង នឹងផ្តល់ជូនដល់អតិថិជន នៅអាមេរិច នូវបណ្តាផលិតផលស៊េរីថ្មីៗបន្ថែមទៀត", អ្នកតំណាង<br />របស់ក្រុមហ៊ុន Samsung បញ្ជាក់ឲ្យដឹង៕</p>
<p class="Normal" style="text-align: right;">ដោយ៖ សិលា<br />ប្រភព៖ VE</p>