<p><span style="color: #000000;"><strong>ភ្នំពេញ ៖</strong> នារីវ័យក្មេង អាយុប្រមាណ ២០ឆ្នាំម្នាក់ ខណៈកំពុងបើកបរ ក្នុងល្បឿនលឿននោះ បានបួងចង្កូត ជ្រុលទៅ បុកនឹងរនាំង ពុះចែកទ្រូងផ្លូវ ខូចខាតអស់ ៣ផ្ទាំង នៅម៉ោង ៩ និង៤៥នាទី យប់ថ្ងៃទី១៤ ខែមករា ឆ្នាំ២០១៥ ស្ថិត នៅមុខអាហារដ្ឋាន ម្ហូបបួសមេត្រី ផ្លូវព្រះមុន្នីវង្ស សង្កាត់បឹងកេងកងទី៣ ខណ្ឌចំការមន ។</span></p>
<p><span style="color: #000000;">សាក្សីនៅកន្លែងកើតហេតុ បានឲ្យដឹងថា នារីវ័យក្មេងនេះ បានបើករថយន្ត ហាយព្រីត ពណ៌ទឹកប្រាក់ មួយគ្រឿង ពាក់ស្លាកលេខភ្នំពេញ 2Y-2347 ធ្វើដំណើរតាមផ្លូវព្រះមុន្នីវង្ស ក្នុងទិសដៅពីជើងទៅត្បូងយ៉ាងលឿន ខណៈមក ដល់មុខភោជនីយដ្ឋាន មេត្រីម្ហូបបួស ក៏រេចង្កូត ជ្រុលទៅបុករនាំងដែក ពុះចែកទ្រូងផ្លូវបាក់ទ្រេតអស់ ៣ ផ្ទាំង។សាក្សី បានបន្តទៀតថា រថយន្តនារីនោះ ក៏រងការខូចខាត ផ្នែកខាងមុខ ចំហៀងខាងឆ្វេង ក្នុងហេតុការណ៍នេះ ពុំមានអ្នក របួសនោះទេ ។</span></p>
<p><span style="color: #000000;">អ្នកដំណើរម្នាក់ បានឲ្យដឹងថា ភ្លាមៗក្រោយកើតហេតុ កម្លាំងសមត្ថកិច្ច ក៏បានចុះមកអន្តរាគមន៍ រួចបានស្ទួចរថយន្ត នេះ យកទៅរក្សាទុក នៅការិយាល័យចរាចរណ៍ផ្លូវគោក រាជធានីភ្នំពេញ ដើម្បីដោះស្រាយតាមផ្លូវច្បាប់ ។ ជាមួយគ្នា នោះ សមត្ថកិច្ចបានបញ្ជាក់ថា គ្រោះថ្នាក់ចរាចរណ៍នេះ គឺបណ្តាលមកពី ការបើកបរហួសល្បឿនកំណត់ បូកផ្សំនឹង ការមិនគោរពច្បាប់ចរាចរណ៍ផង ៕</span></p>
<p><span style="color: #000000;"><a class="thickbox" title="" href="/FileManager/Commons/2015/1/15/1-15-2015-4-52-32-pm-15-01-2015--16-56-17.png"><img src="/FileManager/Articles/mce/2015/1/15/1-15-2015-4-52-32-pm-15-01-2015--16-56-17.png" alt="" /></a></span></p>
<p><a class="thickbox" title="" href="/FileManager/Commons/2015/1/15/1-15-2015-4-52-18-pm-15-01-2015--16-56-30.png"><img src="/FileManager/Articles/mce/2015/1/15/1-15-2015-4-52-18-pm-15-01-2015--16-56-30.png" alt="" /></a></p>
<p style="text-align: right;"><span>ផ្ដល់សិទ្ធដោយ៖ ដើមអម្ពិល</span><span style="color: #000000;"><br /></span></p>