<div>
<p><span style="color: #000000;"><strong>(ភ្នំពេញ)៖</strong> សម្អាងលើរូបថតកៀកកើយ ផ្អែមល្ហែមឱបថើបគ្នាយ៉ាងត្រជាក់ចិត្ត អាចបញ្ជាក់បានថាបុរសមាឌធំរូបសង្ហានោះ គឺជាសង្សារបណ្តូលចិត្តរបស់តារាស្រីសាច់សរាងតូចច្រឡឹង កញ្ញា អេន យ៉ាដាវ មែនហើយ។ នេះបើតាមការលើកឡើងពីប្រភពដែលស្និទ្ធនឹងរូបនាង។</span></p>
<p><span style="color: #000000;">តាមរយៈនៃការបង្ហាញរូបភាពស្និទ្ធស្នាលកៀកកើយ គ្នាយ៉ាងផ្អែមល្ហែមបំផុត នៅលើបណ្តាញសង្គមហ្វេសប៊ុក ពីសំណាក់តារាស្រីវ័យ២៣ឆ្នាំកញ្ញា អេន យ៉ាដាវ ពេលនេះមានមតិមួយចំនួនបានលើកឡើងថា នាងកំពុងតែសោយសុខ ក្នុងសុភមង្គលស្នេហាថ្មី ជាមួយបុរសរូបសង្ហា ដែលគេយល់ថាជាកូនប្រុស របស់លោកធំមានទ្រព្យស្តុកស្តម្ភមា្នក់ តែងតាមយកចិត្តថ្លើម រហូតមានការទិញឡានសេរីទំនើបផ្គាប់ចិត្ត កាលពីថ្មីៗកន្លងមកនេះ។</span></p>
<p><span style="color: #000000;">កញ្ញា អេន យ៉ាដាវ បន្ទាប់ពីលេចមុខលេចមាត់ ក្នុងអាជីពសិល្បៈនាអំឡុងពេលជាង៣ឆ្នាំនេះមក ឃើញថា នាងហាក់មានភាពខុសប្លែកច្រើងជាងមុខ មិនថាជីវភាពរស់នៅផ្ទាល់ខ្លួន ឬមួយស្ទីលនៃការតុបតែងខ្លួននោះឡើយ គឺតារាស្រីរូបនេះតែបញ្ចេញពីភាពហ៊ឺហារ សិចស៊ីឡួឆាយជាប្រចាំ។ ខណៈដំណឹងស្នេហ៍ក៏តែលេចឮថា ម្តងមានទំនាក់ទំនងជាមួយបុរសក្រៅស្រុក និងម្តងទៀតថា មានទំនាក់ទំនងជាមួយបុរស រស់នៅក្នុងស្រុកតែដំណឹងដែលបង្ក ការចាប់អារម្មណ៍ជាងគេនោះគឺរឿងនាងបង្ហាញភាពសិទ្ធស្នាល ជាមួយបុរសរូបសង្ហាវ័យក្មេង នៅលើហ្វេសប៊ុក។</span></p>
<p><span style="color: #000000;">នៅក្នុងគណនីហ្វេសប៊ុក របស់កញ្ញា អេន យ៉ាដាវ ថ្មីៗនេះ មានរូបថតជាច្រើនសន្លឹកដោយមានបុរសរូបសង្ហាម្នាក់វ័យស្របាលគ្នា និងនាងកំពុងអង្គុយក្បែកៀកកើយក្នុងកាយវិការជាគូស្នេហ៍រំលេចនូវ ស្នាមញញឹម យ៉ាងមានសុភមង្គល។ ក្នុងចំណោមរូបថតទាំងនោះ គេបានឃើញតារាស្រីនាង អេន យ៉ាដាវ អង្គុយកៀកកើយឱបថើបគ្នា ហាក់ដូចជាមានសេចក្តី សុខខ្លាំងបំផុត ។</span></p>
<p><span style="color: #000000;">ប្រាប់គេហទំព័រ KhmerTALKING តាមទូរស័ព្ទនៅរសៀលថ្ងៃទី១៤ ខែមករា នេះកញ្ញា អេន យ៉ាដាវ បាននិយាយទទួលស្គាល់ថា បុរសនៅក្នុងរូបថតនេះ ពិតជាគូស្នេហ៍របស់នាងមែន។ ពួកគេបានស្គាល់នឹងស្រលាញ់គ្នា រយៈពេលប្រមាណ៨ខែមកហើយ បន្ទាប់ពីប្រើពេលទំនាក់ទំទងគ្នា តាមហ្វេសប៊ុកតែត្រឹមតែ ពីរសប្តាហ៍ប៉ុណ្ណោះ។</span></p>
<p><span style="color: #000000;">កញ្ញា អេន យ៉ាដាវ បានបន្តថា ម្ចាស់ស្នេហ៍របស់នាង នេះសព្វថ្ងៃបម្រើការងារនៅក្រសួងការពារជាតិ មានអាយុ២៧ ឆ្នាំ។ ក្រៅពីនេះក៏មានមុខរបរផ្ទាល់ខ្លួនផងដែរ ព្រោះឪពុកសង្សានាង គឺមានឋានៈឯកឧត្តម ធ្វើការនៅក្រសួងការពារជាតិ ហើយក៏ជាអ្នកដែលសម្បូរទ្រព្យធនម្នាក់។ បច្ចុប្បន្ននាងនឹងគូស្នេហ៍ ក៏មានគម្រោងត្រៀមរៀបចំពិធីមង្គលការ ក្នុងពេលឆាប់ៗនេះ។ យ៉ាដាវ បានបន្ថែមថា ទាំងគ្រួសារនាង នឹង ខាងប្រុសសុទ្ធតែបានស្គាល់ ដឹងឮគ្រប់គ្នា។ ដូច្នេះរឿងចំណងស្នេហ៍នេះ ប្រហែលគ្មានឧបសគ្គអ្វីត្រូវរារាំងឡើយ៕</span></p>
<p style="text-align: center;"><span style="color: #000000;"><img src="https://fbcdn-sphotos-d-a.akamaihd.net/hphotos-ak-xpl1/v/t34.0-12/12539933_947182818690814_1192781805_n.jpg?oh=0b63dcd90bb3d2e3b37decd67d17c56e&oe=5699B430&__gda__=1452925505_74837c5170a5767ea120e7db39acf156" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-d-a.akamaihd.net/hphotos-ak-xtf1/v/t34.0-12/12571439_947182828690813_324268927_n.jpg?oh=e45ef49596c105aa4457340335e02380&oe=5699FEAC&__gda__=1452927217_7361a23e5e449d0b79bb6aa2740b22ab" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xap1/v/t34.0-12/12528092_947182822024147_1823261115_n.jpg?oh=e601d08d128e9a50a1c371c9f3652670&oe=5699D1CF" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xpf1/v/t34.0-12/12527627_947182825357480_429569747_n.jpg?oh=4e61ecfecb6f1895a45e77ddafc9b05f&oe=569A0615" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-d-a.akamaihd.net/hphotos-ak-xap1/v/t1.0-9/12400738_1665052053766610_7964606173561928189_n.jpg?oh=1bc2bf4a85f8e0d1ce8e97cf0374be45&oe=5707825C&__gda__=1463605349_38072b02763456439f479f807440ba89" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xfa1/v/t1.0-9/10172618_1658034621135020_155878705467027245_n.jpg?oh=9d3a02c773f91894b8a8eb0e8ef34e45&oe=573EEF76" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xpf1/v/t1.0-9/1979863_1656184477986701_6839559775944758142_n.jpg?oh=0e465a92dba3ddd26858beb2ae337f83&oe=5700E850" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xap1/v/l/t1.0-9/12295396_1650247145247101_838215128772567622_n.jpg?oh=9d1c174f6a76c4bb11d37f71719bb31f&oe=5744DCD4" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xpf1/v/t1.0-9/12316361_1649227645349051_3428820202732130086_n.jpg?oh=80fbd3be439882a6de3abd7bcd962117&oe=573F2805" alt="" width="730" /></span></p>
<p style="text-align: right;"><span style="color: #000000;">ផ្ដល់សិទ្ធដោយ៖ ហ្វ្រេសញ៉ូវអាស៊ី</span></p>
</div>