<p><strong>ភ្នំពេញ</strong> ៖ វរសេនីយ៍ឯកទូច ងីម ជាមន្ដ្រី យោធាធ្វើការ នៅអង្គភាពដេអ៊ិន ផ្នែកបច្ចេកទេស<br /> ត្រូវបានកម្លាំងនគរបាលប៉ុស្ដិ៍បឹងទំពុន ខណ្ឌមានជ័យ ឃាត់ខ្លួនមួយដង្ហើមចង្រិត ហើយអនុ<br />ញ្ញាតឱ្យត្រឡប់ទៅផ្ទះវិញ ប៉ុន្ដែ បានដកហូតកាំភ្លើងខ្លីមករក្សាទុក បន្ទាប់ពី មន្ដ្រីយោធារូបនេះ<br /> បានដកកាំភ្លើងខ្លីគំរាម គេគំរាមឯង និងប្រមាថបាញ់សម្លាប់ បន្ទាប់ ពីជននេះ បានអះអាងថា<br /> មានគេលួចបោះ គ្រឿងញៀនចូលទៅក្នុងផ្ទះ ។</p>
<p>យោងតាមមន្ដ្រីនគរបាលប៉ុស្ដិ៍បឹងទំពុន បានឱ្យដឹងថា ការឃាត់ខ្លួនមន្ដ្រីយោធាពាក់ ស័ក្កិ៥ខាង<br />លើនេះ បានធ្វើឡើងកាលពីល្ងាច ថ្ងៃទី១៧ ខែកុម្ភៈ ឆ្នាំ២០១៣ ស្ថិតនៅផ្ទះ ជនសង្ស័យ ក្នុងភូមិ<br />ចំរើនផល សង្កាត់បឹង ទំពុន ខណ្ឌមានជ័យ ។</p>
<p>មន្ដ្រីនគរបាលមូលដ្ឋានបានឱ្យដឹងទៀត ថា មុនពេលកើតហេតុ មន្ដ្រីយោធាទូច ងីម បានចោទ<br />ប្រជាពលរដ្ឋនៅក្បែរខាងផ្ទះរបស់ ខ្លួនថា បានបោះគ្រឿងញៀនចូលទៅក្នុងផ្ទះ រួចហើយបាន<br />ដកកាំភ្លើងខ្លីពីចង្កេះភ្ជង់ទៅកាន់ ប្រជាពលរដ្ឋទាំងនោះ ហើយប្រមាថដល់ អាយុជីវិតទៀតផង ។</p>
<p>បន្ទាប់ពីមានករណីនេះកើតឡើង ដែល ធ្វើឱ្យពួកគាត់មានការភ័យខ្លាច ដោយសារ តែខ្លាចមន្ដ្រី<br />យោធារូបនេះ ផ្ទុះអាវុធបង្កឱ្យ មានគ្រោះថ្នាក់នោះប្រជាពលរដ្ឋ បានរាយ ការណ៍ទៅសមត្ថកិច្ច<br />មូលដ្ឋាន រួចហើយនាយ នគរបាលប៉ុស្ដិ៍បឹងទំពុន លោកឡូ ភារម្យ បានដឹកនាំសមត្ថកិច្ចចុះទៅ<br />ជួយអន្ដរាគមន៍ ភ្លាមៗ ។</p>
<p>បើតាមសមត្ថកិច្ចនៅពេលឃើញកម្លាំង សមត្ថកិច្ចមូលដ្ឋាន ចុះទៅកាន់កន្លែងកើត ហេតុនោះ <br />មន្ដ្រីយោធារូបនេះ ដោយអាង មានកាំភ្លើងនៅជាប់នឹងខ្លួន មិនខ្លាចសមត្ថ កិច្ចនោះទេ ហើយ<br />ថែមទាំងច្រានទ្រូងសមត្ថ កិច្ចទៀតផង រួចហើយក៏បានចាក់សោទ្វារ ក្នុងគោលបំណងមិនឱ្យ<br />សមត្ថកិច្ចចាប់ខ្លួន ។ ប៉ុន្ដែដោយមានអន្ដរាគមន៍ ដែលមិនអាច ដកថយនោះ កម្លាំងសមត្ថកិច្ច<br />បានឃាត់ខ្លួន មន្ដ្រីយោធារូបនេះ បញ្ជូនទៅកាន់ប៉ុស្ដិ៍នគរ បាលបឹងទំពុន ដើម្បីសួរនាំបន្ដទៀត ។</p>
<p>នៅចំពោះមុខសមត្ថកិច្ច មន្ដ្រីយោធា ពាក់ស័ក្ដិ៥រូបនេះ បានបដិសេធថា ខ្លួនមិន បានយកកាំភ្លើង<br />ភ្ជង់ប្រជាពលរដ្ឋឡើយ។<br />ក្រោយពីការសាកសួររួចមក មន្ដ្រីយោធា រូបនេះ ត្រូវសមត្ថកិច្ចដោះលែងទៅវិញ ប៉ុន្ដែ បានដក<br />ហូតកាំភ្លើងខ្លីទុក ៕</p>
<p style="text-align: center;"><img src="http://111.92.240.170:81/dap-news/dap-images/2013/February/id-011/Hong-0204.jpg" alt="Photo by DAP-NEWS" width="400" /></p>
<p style="text-align: center;"><img src="http://111.92.240.170:81/dap-news/dap-images/2013/February/id-011/Hong-0205.jpg" alt="Photo by DAP-NEWS" width="400" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>