<div class="article-content">
<p><strong>ខេត្តបន្ទាយមានជ័យ៖</strong> ជនសង្ស័យម្នាក់ ត្រូវនគរបាលឃាត់ខ្លួន កាលពីវេលាម៉ោង ៤ទៀបភ្លឺ<br /> ព្រឹកថ្ងៃទី៩ ខែកក្កដា ឆ្នាំ២០១៣ នៅភូមិថ្មី ឃុំម៉ាឡៃ ស្រុកម៉ាឡៃ ខេត្តបន្ទាយមានជ័យ បន្ទាប់<br />ពីមាន ប្រជាពលរដ្ឋម្នាក់ប្តឹងថា ជននេះបានធ្វើសកម្មភាព ឡើងលើផ្ទះ របស់គាត់ លួចមាស<br /> ប្រាក់ និងទ្រព្យសម្បិត្តផ្សេងៗ ពេលរាត្រី ខណៈពួកគាត់ កំពុងលង់លក់នឹងដំណេក។</p>
<p>លោកឃុត ចាន់ហេង នាយផ្នែកសេនាធិការនៃអធិការដ្ឋាននគរបាលស្រុកម៉ាឡៃបានឲ្យដឹងថា<br /> ជនសង្ស័យដែលកម្លាំងនគរបាលឃាត់ខ្លួនមានឈ្មោះពិន ខាត់ ភេទប្រុស អាយុ២០ឆ្នាំ រស់នៅ<br />ក្នុងភូមិឃុំកើតហេតុខាងលើ មានមុខរបរមិន ពិត ប្រាកដ។ ក្រៅពីនេះ សមត្ថកិច្ចបានដកហូត<br /> នូវវត្ថុតាងដូចជា៖ ខ្សែកមាសទម្ងន់ ៣ជីកន្លះ ទូរស័ព្ទដៃ ២គ្រឿង និង ប្រាក់ ចំនួន១៥០០បាត<br />ពីជនសង្ស័យ។</p>
<p>លោកសៅ ប៊ុន អធិការនគរបាលស្រុកម៉ាឡៃបានឲ្យដឹងថា ការឃាត់ខ្លួនជនសង្ស័យសមត្ថកិច្ច<br />យើងធ្វើឡើង បន្ទាប់ពី មានពលរដ្ឋរងគ្រោះម្នាក់ ឈ្មោះសួន វណ្ណី ភេទស្រីអាយុ៣១ឆ្នាំ ថាមាន<br />ករណី ចោរចូលលួច ទ្រព្យសម្បិត្តទាំងយប់ ខណៈនាង កំពុងដេកលើផ្ទះ ទើបកម្លាំងនគរបាល<br /> របស់លោកចុះទៅអន្តរាគមន៍ ក៏ឈានដល់ការចាប់ខ្លួន ជនសង្ស័យបានសម្រេច តែ ម្តង។</p>
<p>បច្ចុប្បន្នទ្រព្យទាំងអស់ ដែលដកហូតបានពីចោរ នគរបាលបានប្រគល់ជូនទៅជនរងគ្រោះវិញ <br />អស់ហើយ។ ដោយឡែកចោរមុខស្រស់ ត្រូវបានបញ្ជូនទៅស្នងការដ្ឋាន នគរបាលខេត្តបន្ទាយ<br />មានជ័យ ដើម្បីឲ្យការិយាល័យជំនាញកសាងសំណុំរឿងបញ្ជូនទៅតុលាការ ចាត់ការតាមច្បាប់៕</p>
<p style="text-align: center;"><img src="http://image.dap-news.com:81/dap-news/dap-images/2013/July/id-014/that-0154.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/July/id-014/that-0155.jpg" alt="" width="500" /></p>
<p style="text-align: right;">ដោយ៖ ដើមអម្ពិល<br />ផ្តល់សិទ្ធិដោយ៖ ដើមអម្ពិល</p>
</div>