<div class="article-content">
<p><strong>ភ្នំពេញ៖</strong> ឧប្បត្តិហេតុគ្រោះថ្នាក់ចរាចរនាពេលរាត្រី រថយន្តស៊ីអរវី និងម៉ូតូស្មាស់បុកគ្នាពេញទំហឹង បណ្តាលឲ្យ បុរសម្នាក់ រងរបួសធ្ងន់ធ្ងរ តាមបណ្តោយវិថីព្រះនរោត្តម ក្នុងសង្កាត់ទន្លេបាសាក់ ខណ្ឌចំការមន កាលពីម៉ោង ១២ និង៣០នាទីរំលងអាធ្រាត្រឈានចូលថ្ងៃទី១១ ខែកុម្ភៈ ឆ្នាំ ២០១៤។ គ្រោះថ្នាក់ចរាចរនេះ ក៏បណ្តាលឲ្យ មន្រ្តីនគរបាលក្រសួងមហាផ្ទៃម្នាក់ ផ្ទុះការខឹងសម្បារ ព្រោះរថយន្តសង្រ្គោះយឺតយ៉ាវនោះ បានដកកាំភ្លើងបាញ់ ឡើងលើធ្វើឲ្យភ្ញាក់ផ្អើលកន្លែង កើត ហេតុទាំងយប់ផងដែរ។</p>
<p>ដោយសារហេតុការណ៍គ្រោះថ្នាក់ចរាចរណ៍មួយបង្កឡើង រវាងរថយន្តម៉ាកស៊ីអរវី ពណ៌ទឹកប្រាក់ ពាក់ស្លាកលេខភ្នំពេញ 2S-9816 បុកគ្នាជាមួយម៉ូតូម៉ាកស្មាស ពណ៌ខ្មៅ ពាក់ស្លាកលេខ 1M-0285 នៅចំណុចផ្លូវព្រះនរោត្តម ស្ថិតក្នុងសង្កាត់ទន្លេបាសាក់ ខណ្ឌចំការមន កាលពីវេលាម៉ោង ១២ និង៣០នាទីរំលងអាធ្រាត្រឈានចូលថ្ងៃទី១១ កុម្ភះ ឆ្នាំ២០១៤ ។ </p>
<p>សាក្សីបានឲ្យដឹងថា នៅមុនពេលកើតហេតុរថយន្តបង្កម៉ាកស៊ីអរវី ពណ៌ទឹកប្រាក់ ពាក់ស្លាកលេខ ភ្នំពេញ 2S-9816 បានធ្វើដំណើរតាមបណ្តោយវិថីព្រះនរោត្តម ក្នុងទិសដៅពីជើងទៅត្បូង។ រីឯម៉ូតូស្មាស ពណ៌ខ្មៅ ពាក់ ស្លាកលេខ 1M-0285 ធ្វើដំណើរបញ្រ្ចាសទិសគ្នាជាមួយរថយន្ត។ លុះដល់កន្លែងកើតហេតុ ក៏បុកគ្នាពេញទំហឹងចំពាក់កណ្តាល ទ្រូងផ្លូវបណ្តាលឲ្យម៉ូតូរងការ ខូចខាត ទាំងស្រុង រីឯរថយន្តរងការខូចខាតផ្នែកខាងមុខយ៉ាងដំណំដែរ។</p>
<p>សាក្សីដដែលបានឲ្យដឹងថា បុរសអ្នកបើកបរម៉ូតូរងគ្រោះខាងលើនេះ មិនមានអ្នកស្គាល់អត្ត សញ្ញាណនោះទេ ហើយជនរងគ្រោះរូបនេះ បានសន្លប់ស្តូកស្តឹង ត្រូវបានរថយន្តសង្រ្គោះដឹក យកទៅសង្គ្រោះនៅមន្ទីរពេទ្យខឹម រ៉ានី ។ រីឯអ្នកបើកបររថយន្ត ក៏មិនត្រូវបានស្គាល់អត្តសញ្ញាណ ដែរ ដោយសារក្រោយពេលកើតហេតុ អ្នកបើកបររថ យន្ត បានចុះគេចខ្លួនបាត់ភ្លាមៗតែម្តង។ ប៉ុន្តែអ្នកឃើញហេតុការណ៍បាននិយាយថា អ្នកបើកបររថយន្តនោះជាជនជាតិបរទេស ជិះគ្នា បីនាក់។ </p>
<p>ចំពោះករណីនេះនគរបាលខណ្ឌចំការមន បានទាក់ទងទៅនគរបាលការិយាល័យជំនាញ ចុះមក វាស់វែងដកហូត យករថយន្តនិង ម៉ូតូទៅរក្សាទុកនៅស្នងការដ្ឋាននគរបាលរាជធានីភ្នំពេញ ដើម្បី ដោះស្រាយតាមផ្លូវច្បាប់។ </p>
<p>ហេតុការណ៍គ្រោះថ្នាក់ចរាចរណ៍ខាងលើនេះ បានធ្វើឲ្យមន្ត្រីនគរបាលក្រសួងមហាផ្ទៃម្នាក់ ដែល ឃើញហេតុ ការណ៍នោះ បានឈប់ម៉ូតូរួចដកអាវុធខ្លីបាញ់ឡើងលើមួយគ្រាប់ ក្នុងគោលបំណង ជួយអន្តរាគមន៍ដល់ជនរង គ្រោះជាអ្នកជិះម៉ូតូ ព្រោះខឹងឡានពេទ្យក្រមកលើកអ្នករងគ្រោះ ទៅ សង្គ្រោះពេក។ តែសកម្មភាពនេះ ត្រូវបាននគរបាលប៉ុស្តិ៍ទន្លេបាសាក់ ចុះមកនាំខ្លួនមន្ត្រីនគរបាល ដែលបង្កការផ្ទុះអាវុធនោះទៅស្នាក់ការប៉ុស្តិ៍ ដើម្បីធ្វើការអប់រំ អំពីបញ្ហាបាញ់បោះសេរីតាម ផ្លូវ សាធារណៈផងដែរ៕</p>
<p style="text-align: center;"><img src="http://image.dap-news.com:81/dap-news/dap-images/2014/February/id-009/S-041.jpg" alt="" width="550" /></p>
<p style="text-align: center;"><img src="http://image.dap-news.com:81/dap-news/dap-images/2014/February/id-009/S-042.jpg" alt="" width="550" /></p>
<p style="text-align: center;"><img src="http://image.dap-news.com:81/dap-news/dap-images/2014/February/id-009/S-043.jpg" alt="" width="550" /></p>
<p style="text-align: center;"><img src="http://image.dap-news.com:81/dap-news/dap-images/2014/February/id-009/S-044.jpg" alt="" width="550" /></p>
<p style="text-align: right;">ផ្តល់សិទ្ធិដោយ៖ <a href="http://www.dap-news.com/2011-06-14-02-39-55/80624-2014-02-11-01-20-24.html"><span style="color: #0000ff;">ដើមអំពិល</span></a></p>
</div>