<p>សង្រ្គាមតារាពេលនេះដូចជាកំពុងតែក្ដៅគគុកក្រោយពេលចប់រឿងមួយចួលរឿងមួយទៀត។ <br />កាលពីពេលថ្មីៗកន្លងមកនេះលោកអ្នកបានដឹងហើយអំពីបញ្ហាលោក គង់ ចំរុង និងអ្នកនាង <br />Adda ដែលពេលនេះវាបានស្ងប់ទៅវិញហើយ ប៉ុន្តែវាបានកើតឡើងនូវរឿងរ៉ាវមួយទៀតរវាង <br />ពេជ្រ សោភា និងសមាជិក Legacy ឈ្មោះ រដ្ឋា ហៅ K វិញម្ដង។<br /><a class="thickbox" title="" href="/FileManager/Commons/2012/8/27/28-cut1-27-08-2012--16-08-23.jpg"><img style="display: block; margin-left: auto; margin-right: auto;" src="/FileManager/Articles/mce/2012/8/27/28-cut1-27-08-2012--16-08-23.jpg" alt="" /></a><br />តារាមច្រៀង ពេជ្រ សោភា បានសម្តែងអារម្មណ៍ខឹងសម្បារ ប្រតិកម្មទៅនឹងលោកសំអាង ដែល<br />ជាឪពុកតារាចម្រៀងប្រុសវ័យក្មេងក្នុងក្រុម Legacy គឺ រដ្ឋា ហៅ k ជុំវិញបញ្ហាដែលលោកបាន<br />និយាយថា ពេជ្រ សោភា បានធ្វើការគំរាមកំហែងគ្រួសាររបស់ខ្លួនតាមទូរស័ព្ទនោះ។<br /><br />ថ្មីៗនេះនៅលើ facebook របស់ ពេជ្រ សោភា ដែលឈ្មោះថា SP Pich Sophea បានទទួលរងការ<br />ជេរប្រមាថដោយប្រើពាក្យអសុរោះដូចជា «សំផឹង» យ៉ាងចាស់ដៃពីមនុស្សស្រីម្នាក់ឈ្មោះ Ciei <br />Kanacicei ដែលជាអ្នកប្រើប្រាស់ facebook និងមនុស្សប្រុសម្នាក់ដែលគេស្គាល់ថា បុរសម្នាក់នោះ<br />ឈ្មោះ រដ្ឋា ហៅ K ជាអតីតតារាចម្រៀងក្នុងក្រុម Utopia ដែលបច្ចុប្បន្នជាតារាសមាជិកក្រុម <br />Legacy របស់ផលិតកម្មរស្មីហង្សមាសដូចគ្នា។<br /><br />ដោយឡែកនៅពេលចោទសួរពីការប្រើពាក្យអសុរោះរបស់ k លើតារាចម្រៀង ពេជ្រ សោភា <br />លោកឪពុករបស់ k បាននិយាយថា៖«ខ្ញុំដឹងថា ប៉ះពាល់ តែខ្ញុំបានដឹងថា គាត់[ពេជ្រ សោភា]បាន<br />ទូរស័ព្ទមកគំរាមគ្រួសារខ្ញុំ នៅពេលនោះយាយខ្ញុំលើក ហើយគាត់ហ្នឹង[ពេជ្រ សោភា]ថា នឹងហៅ<br />ប៉ូលិសមកចាប់ដល់ផ្ទះអ៊ីចឹង ខ្ញុំក៏បានស្រាវជ្រាវពឹងផ្អែកលើសមត្ថកិច្ចមួយចំនួនរកមូលហេតុ<br />ពិត។ ខ្ញុំក៏ខឹងកូនខ្ញុំដែរ សួរលម្អិតពីបញ្ហាអស់ហ្នឹង តែការរិះគន់បែបណាទៀត ខ្ញុំអត់ដឹងច្បាស់<br />ទេ »។<br /><br />ពាក់ព័ន្ធសម្តីចេញពីមាត់របស់លោក សំអាង នេះ ពេជ្រ សោភា បានឆេះដុំរាប់ម៊ឺនអង្សារ ដោយ<br />នាងបានសុំធ្វើការបដិសេដទាំងស្រុង ហើយនាងបានចាត់ទុកថា នោះមិនមែនជាទង្វើមនុស្ស<br />ប្រុសឡើយព្រោះមិនចេះទទួលការពិត។ ជាមួយគ្នានោះ ពេជ្រ សោភា បន្ថែមថា ការនិយាយ<br />បែបនេះពិតជាបង្កការប៉ះពាល់ដល់កិត្តិយសកេរ្តិ៍ឈ្មោះរបស់នាងយ៉ាងធ្ងន់ធ្ងរក្នុងនាមជាតារា<br />ចម្រៀងមានមុខមាត់ម្នាក់។នាងបានចោទសួរថា ហេតុអ្វីឪពុករបស់ ខេ K ប្រឌិតរឿងនេះ? យើង<br />ចាំមើលទាំងអស់គ្នាថាតើរឿងនេះនឹងទៅជាយ៉ាងណា៕</p>
<p style="text-align: right;">ដោយ៖ ម៉ូកា<br />ប្រែសម្រួលពី៖ Postkhmer </p>