<p><strong>ភ្នំពេញៈ</strong> មនុស្សវ័យចំណាស់ពីរនាក់ ជិះរថយន្តមួយគ្រឿង ម៉ាកឡង់គ្រីស័រ ៤៥០ ក្នុងស្ថានភាព<br />ស្រវឹង ជ្រុលចង្កូតទៅបុកម៉ូតូមួយគ្រឿង ជិះគ្នាពីរនាក់ប៉ើងទៅផ្ទប់ ជញ្ជាំងរបង របួសធ្ងន់ម្នាក់<br /> បាក់ជើងម្ខាង និងបែកក្បាលខាងក្រោយ ផ្នែកខាងស្តាំ និងម្នាក់ទៀត របួសធ្ងន់សន្លប់ឈឹង រីឯ<br />រថយន្តវិញ បន្ទាប់ពីបុកម៉ូតូជនរងគ្រោះ ទាំងពីររួចហើយ បានព្យាយាមបើករត់គេចប្រហែលជាង<br />១គីឡូម៉ែត្រ ទោះបីមន្ត្រីនគរបាលដើរល្បាត តាមគោះទ្វាររថយន្តយ៉ាងណាក៏ដោយ ក៏មិនឈប់ដែរ<br /> រហូតដល់យករថយន្តមកកាក់ផ្លូវ ទើបឈប់ ហេតុការណ៍នេះ កើតឡើងកាលពីវេលាម៉ោង៩និង៣០<br />នាទីថ្ងៃ ទី១១ខែមករា ឆ្នាំ២០១៣ ស្ថិតនៅតាមបណ្តោយផ្លូវ បេតុងភូមិត្រពាំងថ្លឹង ទៅវត្តអង្គតាមិញ<br /> សង្កាត់ចោមចៅ ខណ្ឌ ពោធិ៍សែនជ័យ រាជធានីភ្នំពេញ។</p>
<p>សាក្សីនៅកន្លែងកើតហេតុ បានឲ្យដឹងថា ជនរងគ្រោះមានឈ្មោះ វ៉ា ដារ៉ូ ភេទប្រុស អាយុ ២២ឆ្នាំ <br />មានមុខរបរ ជាជាងផ្សារដែក នៅម្តុំអង្គតាមិញ ភូមិគោកចំបក់ សង្កាត់ ចោមចៅ ខណ្ឌពោធិ៍សែន<br />ជ័យសន្លប់ធំ និងម្នាក់ទៀត មានឈ្មោះ សុខ សុភក្តិ ភេទប្រុស អាយុ ២២ឆ្នាំ រងរបួសបាក់ស្មង់ជើង<br />ខាងឆ្វេង និងបែកក្បាលខាង ក្រោយ ផ្នែកខាងស្តាំ អ្នកទាំងពីមានស្រុកកំណើត នៅភូមិព្រៃធំ ឃុំព្រៃ<br />ធំ ស្រុកកំពង់រោទ៍ ខេត្តព្រៃវែង ជិះម៉ូតូមួយគ្រឿង ម៉ាកវ៉េវ ពណ៌ក្រហមលាយទឹកប្រាក់ គ្មានស្លាក<br />លេខ ជិះក្នុងទិសដៅពីជើងទៅត្បូង ច្រាស់ទិសជាមួយរថយន្តជនរងគ្រោះទាំងពីរ បន្ទាប់ពីកើតហេតុ<br />ត្រូវក្រុមរថយន្តសង្គ្រោះ របស់អង្គភាព លេខ៧១១ កងពលតូចលេខ៧០ ដឹកយកទៅសង្គ្រោះ នៅ<br />មន្ទីរពេទ្យព្រះកុសមៈហៅមន្ទីរពេទ្យលោកសង្ឃ។ ចំណែកឯរថយន្ត ដែលបុកគេទាំងកំរោលនោះ <br />ម៉ាកឡង់គ្រីស័រ ៤៥០ ពណ៌ខ្មៅ ពាក់ស្លាកលេខភ្នំពេញ 2D-5741 ជិះគ្នាពីរនាក់ ពុំត្រូវបាន គេស្គាល់<br />អត្តសញ្ញាណនោះទេ។</p>
<p>បច្ចុប្បន្នជនរងគ្រោះទាំងពីរ កំពុងសម្រាកព្យាបាល នៅមន្ទីរពេទ្យព្រះកុសមៈ ហៅមន្ទីរពេទ្យលោក<br />សង្ឃចំណែកឯជនបង្កនិងវត្ថុតាង ត្រូវបានបញ្ជូនទៅ ស្នងការ ដ្ឋានគរបាលចរាចរជើងគោក រាជធានី<br />ភ្នំពេញ៕</p>
<p><a class="thickbox" title="" href="/FileManager/Commons/2013/1/12/that-0208-12-01-2013--17-52-43.jpg"><img src="/FileManager/Articles/mce/2013/1/12/that-0208-12-01-2013--17-52-43.jpg" alt="" /></a></p>
<p><a class="thickbox" title="" href="/FileManager/Commons/2013/1/12/that-0209-12-01-2013--17-53-00.jpg"><img src="/FileManager/Articles/mce/2013/1/12/that-0209-12-01-2013--17-53-00.jpg" alt="" /></a></p>
<p><a class="thickbox" title="" href="/FileManager/Commons/2013/1/12/that-0210-12-01-2013--17-53-18.jpg"><img src="/FileManager/Articles/mce/2013/1/12/that-0210-12-01-2013--17-53-18.jpg" alt="" /></a></p>
<p><a class="thickbox" title="" href="/FileManager/Commons/2013/1/12/that-0213-12-01-2013--17-53-36.jpg"><img src="/FileManager/Articles/mce/2013/1/12/that-0213-12-01-2013--17-53-36.jpg" alt="" /></a></p>
<p style="text-align: right;">ផ្តល់សិទ្ធិដោយ៖ ដើមអំពិល</p>