<p><span style="color: #000000;"><strong>(ភ្នំពេញ)៖</strong> បុរសម្នាក់ និងក្រុមគ្រួសារទាំងមូលកំពុងមានទុក្ខ យ៉ាងក្រៀមក្រំជាទីបំផុត និងមានវិប្បដិសេរីអស់មួយជីវិត ដោយសារតែកូនស្រី ជាទីស្រឡាញ់របស់ខ្លួនអាយុ៦ឆ្នាំ ត្រូវបានមិត្តភ័ក្រ្តដកកាំភ្លើងបាញ់ផ្លាតចំស្លាប់ នៅពេលដែលកំពុងផឹកស៊ីនៅក្នុងផ្ទះ ខណៈជនបង្កមានផ្ទុះជម្លោះជាមួយសង្សា របស់ខ្លួន។ ហេតុការណ៍ដ៏គួរឲ្យរន្ធត់ខាងលើនេះ បាន កើតឡើង កាលពីវេលាម៉ោងប្រមាណ ៤៖៣០នាទី រសៀលថ្ងៃទី១៧ ខែមេសា ឆ្នាំ២០១៥ ស្ថិតនៅសង្កាត់កាកាប ខណ្ឌពោធិ៍សែនជ័យ ។</span></p>
<p><span style="color: #000000;">អធិការនគរបាល ខណ្ឌពោធិ៍សែនជ័យ លោក យឹម សារ៉ាន់ បានថ្លែងថា មុនពេលកើតហេតុម្តាយក្មេងស្រីបាត់បង់ជីវិត បានហៅមិត្តភ័ក្រ្តរបស់ខ្លួន ដែលជាជនបង្ក មកផឹកស៊ីនៅផ្ទះក្នុងន័យរាប់អានគ្នា។ ពេលនោះជនបង្កក៏បានមកជាមួយសង្សារបស់ខ្លួនផងដែរ ។</span></p>
<p><span style="color: #000000;">លោក យឹម សារ៉ាន់ អធិការបានបន្តទៀតថា លុះពេលកំពុងផឹកស៊ីបានប្រហែល១ម៉ោង ស្រាប់តែ ជនបង្កមានជម្លោះជាមួយសង្សា ក៏ដកកាំភ្លើងខ្លី បាញ់គំរាមមួយគ្រាប់ តែសំណាងអាក្រក់ គ្រាប់កាំភ្លើងនោះក៏ផ្លាតត្រូវ ក្មេងស្រីរងគ្រោះបណ្តាលឲ្យស្លាប់ភ្លាមៗ នៅកន្លែងកើតហេតុតែម្តង។ ក្រោយកើតហេតុជនបង្កបានរត់គេចខ្លួន បាត់ស្រមោល ខណៈកម្លាំងនគរបាលរបស់លោកបាននិង កំពុងធ្វើការស្រាវជ្រាវតាមចាប់។ លោក យឹម សារ៉ាន់ បានបញ្ជាក់ថា ក្មេងស្រីរងគ្រោះមានឈ្មោះ ហ៊ឹម វណ្ណនីទៀង។</span></p>
<p><span style="color: #000000;">ក្រោយកើតហេតុបានរយៈពេល២ម៉ោង កម្លាំងកងរាជអាវុធហត្ថរាជធានីភ្នំពេញ បានចាប់ឃាត់ខ្លួនជនសង្ស័យ ហើយបាននឹងកំពុងកសាងសំណុំរឿងបញ្ជូនទៅតុលាការរាជធានីភ្នំពេញ៕</span></p>
<p><span style="color: #000000;"><a class="thickbox" title="" href="/FileManager/Commons/2015/4/18/4-18-2015-9-14-44-am-18-04-2015--09-20-31.png"><span style="color: #000000;"><img src="/FileManager/Articles/mce/2015/4/18/4-18-2015-9-14-44-am-18-04-2015--09-20-31.png" alt="" /></span></a></span></p>
<p><span style="color: #000000;"><a class="thickbox" title="" href="/FileManager/Commons/2015/4/18/4-18-2015-9-14-59-am-18-04-2015--09-20-40.png"><span style="color: #000000;"><img src="/FileManager/Articles/mce/2015/4/18/4-18-2015-9-14-59-am-18-04-2015--09-20-40.png" alt="" /></span></a></span></p>
<p style="text-align: right;"><span style="color: #000000;">ផ្ដល់សិទ្ធដោយ៖ ដើមអម្ពិល</span></p>