<div class="txtsubtitlelarge"><a class="thickbox" title="" href="/FileManager/Commons/2013/3/13/1-13-03-2013--08-32-33.jpg"><img src="/FileManager/Articles/mce/2013/3/13/1-13-03-2013--08-32-33.jpg" alt="" width="456" height="300" /></a><br class="txttitle_clicklarge" /> <strong></strong></div>
<div class="txtsubtitlelarge"></div>
<div class="txtsubtitlelarge"><strong>គ្រឿងផ្សំ</strong> <br />-បង្គា ១៥០ក្រាម <br />-ត្រសក់ ៥០ក្រាម <br />-ស្ពៃក្ដោបពណ៌ស ៣០ក្រាម <br />-ស្ពៃក្ដោបពណ៌ស្វាយ ៣០ក្រាម <br />-ប៉េងប៉ោះ ៥០ក្រាម <br />-ជីគ្រប់មុខ ១០ក្រាម <br />-សណ្ដែកដីលីង ១ស្លាបព្រាបាយ <br />-ទឹកស៊ុបរំដេង ៨ស្លាបព្រាបាយ <br />-រំដេង ៣ចំណិត <br />-ខ្ទឹមស ៥ក្រាម <br />-ខ្ទឹមក្រហម ៥ក្រាម <br />-ទឹកត្រី ២ស្លាបព្រាបាយ <br />-ទឹកខ្មេះ ១ស្លាបព្រាបាយកន្លះ</div>
<div class="txtsubtitlelarge"></div>
<div class="txtsubtitlelarge"><strong>របៀបរៀបចំគ្រឿងផ្សំ</strong><br />-បង្គា បកសម្បកចេញលាងឱ្យស្អាត ហើយយកទៅប្រឡាក់ជាមួយប្រេងខ្យង ស្ករត្នោត<br /> ម្រេច ហើយយកទៅអាំង។<br />-ត្រសក់លាងទឹកឱ្យស្អាត ហើយឈូសជាសរសៃៗ<br />-ស្ពៃក្ដោបស និងស្ពៃក្ដោបស្វាយលាងទឹកឱ្យស្អាត ហើយឈូសជាសរសៃៗ<br />-ប៉េងប៉ោះលាងទឹកឱ្យស្អាត ហើយកាត់ជាសរសៃៗ<br />-ជីគ្រប់មុខលាងទឹកឱ្យស្អាត ហើយបេះយកតែស្លឹក<br />-រំដេងហាន់ឱ្យល្អិត ហើយយកទៅបុកឱ្យម៉ដ្ឋ ពូតយកតែទឹក<br />-ខ្ទឹមក្រហម និងខ្ទឹមសលាងទឹកឱ្យស្អាត ចិញ្ច្រាំឱ្យម៉ដ្ឋហើយយកទៅត្រាំជាមួយទឹកខ្មេះ<br />-មុននឹងក្លាយទៅជា ទឹកជ្រលក់រំដេង ជាដំបូង ត្រូវយកទឹករំដេង ដាក់លាយជាមួយ<br />ទឹកខ្មេះដែលត្រាំជាមួយខ្ទឹមលាយ ចូល គ្នា ហើយត្រូវដាក់ទឹកត្រីចូលជាការស្រេច។<br /><br /><strong>របៀបធ្វើ</strong><br />ជាដំបូងយកបន្លែទាំងអស់ដែលមានត្រសក់ ស្ពៃក្ដោបពណ៌ស ស្ពៃក្ដោបពណ៌ក្រហម <br />ប៉េងប៉ោះ ជីគ្រប់មុខលាយចូលគ្នា បន្ទាប់មកត្រូវដាក់បង្គាចូល ស្រូបទឹកសុះរំដេង <br />ហើយច្របល់ចូលគ្នាឱ្យសព្វ ទើបដាក់សណ្ដែកដីចូល រួចដួសដាក់ចានជាការស្រេច។ <strong></strong></div>
<div class="txtsubtitlelarge" style="text-align: right;">ដោយ៖ វណ្ណៈ<br />ប្រភព៖ Cambodiain Cooking<strong><br /></strong><strong><br /></strong></div>