<p><strong>ភ្នំពេញ ៖</strong> និស្សិតសាកល វិទ្យាល័យជាតិ គ្រប់គ្រង ហៅកាត់ថា NUM បានរងរបួសធ្ងន់ ស្ទើរ<br />ស្លាប់ ក្រោយពីមិត្តភក្តិចំនួនពីរនាក់បានបបួលដើរលេងដោយជិះម៉ូតូ របស់ជនរងគ្រោះហើយ<br />នៅពេលដល់ កន្លែងស្ងាត់ ក៏ធ្វើសកម្មភាព យករណាឆាបមុខបី ចាក់ចំក ហើយប្លន់យកម៉ូតូបា<br />នសម្រេច ប៉ុន្តែកម្លាំង សមត្ថកិច្ចខណ្ឌសែនសុខ បានធ្វើការ ស្រាវជ្រាវ ហើយឈានទៅដល់<br />ការ ឃាត់ខ្លួនជន សង្ស័យបានម្នាក់ ។</p>
<p>ហេតុការណ៍ មិត្តស៊ីមិត្តប្លន់យកម៉ូតូ ខាងលើនេះ បានកើតឡើង កាលពីវេលាម៉ោង ៦៖៣០នា<br />ទី ល្ងាចថ្ងៃទី ២៩ ខែមករា ឆ្នាំ ២០១៣ ស្ថិតនៅមុខ វិទ្យាល័យ ហ៊ុន សែន សែនសុខ ក្នុងភូមិ<br />អន្លង់ក្ងាន សង្កាត់ឃ្មួញ ខណ្ឌសែនសុខ តាមផ្លូវហាយណូយ។</p>
<p><a class="thickbox" title="" href="/FileManager/Commons/2013/1/30/pheak-350-30-01-2013--09-55-41.jpg"><img src="/FileManager/Articles/mce/2013/1/30/pheak-350-30-01-2013--09-55-41.jpg" alt="" width="472" height="264" /></a></p>
<p>សេចក្តីរាយការណ៍ ពីសមត្ថកិច្ចមូលដ្ឋានបានឲ្យដឹងថា ជនរងគ្រោះដែលរងរបួសធ្ងន់ខាងលើ<br />នេះមាន ឈ្មោះ ដុន ដានីត ភេទ ប្រុសអាយុ ២០ ឆ្នាំ ជានិស្សិតឆ្នាំទី១ នៅសាកលវិទ្យាល័យ <br />ជាតិគ្រប់គ្រង ស្នាក់នៅសង្កាត់ទួលសង្កែ ខណ្ឌឫស្សីកែវ ។ ដោយឡែក ជនសង្ស័យចំនួនពីរ<br />នាក់ ដែលចាក់ប៉ងសម្លាប់ មិត្តភក្តិ ប្លន់យកម៉ូតូខាងលើនេះទីមួយមាន ឈ្មោះ អាផ្កាយ អាយុ<br />២២ឆ្នាំ និងទី២ឈ្មោះ អាហ៊ីង អាយុ ២០ ប៉ុន្តែជនសង្ស័យម្នាក់ ត្រូវបានសមត្ថកិច្ចចាប់បាន <br />នៅវេលាម៉ោង ២ទៀបភ្លឺ ថ្ងៃទី៣០ ខែមករា ឆ្នាំ២០១៣។</p>
<p>សមត្ថកិច្ចបានបន្តថា មុនពេលកើតហេតុ ជនរងគ្រោះត្រូវ មិត្តភក្តិដែលជា ក្រុមចោរប្លន់ បាន<br />បបួលជិះម៉ូតូដើរលេង លុះដល់ចំណុច កើតហេតុ ដល់មុខ វិទ្យាល័យ ហ៊ុន សែន សែនសុខ<br /> ហើយនាំគ្នាឈប់ ជជែកគ្នាលេង។</p>
<p><a class="thickbox" title="" href="/FileManager/Commons/2013/1/30/pheak-351-30-01-2013--09-55-59.jpg"><img src="/FileManager/Articles/mce/2013/1/30/pheak-351-30-01-2013--09-55-59.jpg" alt="" width="472" height="265" /></a></p>
<p>ពេលនោះ នៅពេលដែលជនរងគ្រោះភ្លេចខ្លួន ជនសង្ស័យទាំងពីរនាក់ បានយករណាឆាប<br /> មុខបីចាក់ចំ ក បណ្តាលឲ្យរងរបួសធ្ងន់ ហើយពួកគេ បានជិះម៉ូតូ របស់ជនរងគ្រោះ ទៅបាត់<br />ដោយសុវត្ថិភាព។ ដោយឡែកជនរងគ្រោះត្រូវបានសមត្ថកិច្ចបញ្ជូនទៅកាន់មន្ទីរពេទ្យភ្លាមៗ</p>
<p>បើតាមសមត្ថកិច្ច នៅពេលដែល មានករណីនេះ កើតហេតុ កម្លាំងសមត្ថកិច្ច បានធ្វើការស្រាវ<br />ជ្រាវ ហើយឈានទៅដល់ការ ចាប់ខ្លួនជនសង្ស័យម្នាក់ ។ បច្ចុប្បន្នជនសង្ស័យនេះ ត្រូវបាន<br />ឃុំខ្លួនជាបណ្តោះអាសន្ន នៅអាធិការដ្ឋាន នគរបាលខណ្ឌសែនសុខ ។</p>
<p><a class="thickbox" title="" href="/FileManager/Commons/2013/1/30/pheak-352-30-01-2013--09-56-17.jpg"><img src="/FileManager/Articles/mce/2013/1/30/pheak-352-30-01-2013--09-56-17.jpg" alt="" width="470" height="264" /></a></p>
<p>សូមបញ្ជាក់ថា កាលពីយប់មិញ ក៏មានករណីប្លន់ម៉ូតូមួយគ្រឿង ពីនិស្សិតសាលាច្បាប់ បាន<br />សម្រេចផងដែរ នៅភូមិដំណាក់ធំ សង្កាត់ស្ទឹងមានជ័យ ខណ្ឌមានជ័យ ប៉ុន្តែជនរងគ្រោះ មិន<br />មានរងរបួសនោះទេ៕</p>
<p style="text-align: right;">ផ្តល់សិទ្ធិដោយ ៖ ដើមអម្ពិល</p>