<p>ទូរទស្សន៍ជាតិ រុស្ស៊ី កាលពីថ្ងៃទី ១៣វិច្ឆិកា កន្លងទៅ បានបញ្ចេញរូបថតផ្កាយរណបមួយ ក្នុងនោះ<br />ត្រូវបានគេឃើញថា យន្ដហោះ MH17 របស់ Malaysia Airlines ត្រូវបានបាញ់ទម្លាក់ ដោយយន្ដ<br />ហោះចម្បាំងមួយគ្រឿង។ ប្រសិនរូបភាពនោះគឺជាការពិត គេជឿថា វានឹងជាព័ត៌មានដែលនាំមក<br />នូវភាពភ្ញាក់ផ្អើលជាទីបំផុត។</p>
<p style="text-align: center;"><a class="thickbox" title="" href="/FileManager/Commons/2014/11/15/rus-15-11-2014--11-10-27.jpg"><img src="/FileManager/Articles/mce/2014/11/15/rus-15-11-2014--11-10-27.jpg" alt="" /></a></p>
<p style="text-align: center;">រូបភាពនេះត្រូវបានចុះផ្សាយដោយទូរទស្សន៍ជាតិរុស្ស៊ី<br /><br /></p>
<p>ព័ត៌មាននៅលើទូរទស្សន៍ប៉ុស្ដិ៍លេខ ១ របស់រុស្ស៊ី បានប្រកាស និងអះអាងថា បណ្ដារូបថតដែល<br />ត្រូវបានផ្កាយរណបថតបាន មុនពេលយន្ដហោះ Boeing របស់ម៉ាឡេស៊ី ត្រូវគេបាញ់ទម្លាក់ នៅ<br />ភាគខាងកើតប្រទេសអ៊ុយក្រែន បណ្ដាលឱ្យមនុស្សចំនួន ២៩៨នាក់បានបាត់បង់ជីវិត កាលពីថ្ងៃទី<br /> ១៧កក្កដាឆ្នាំ ២០១៤។</p>
<p>Mikhail Leontyev ពិពន្ធនាយករបស់ទូរទស្សន៍ប៉ុស្តិ៍ និយាយឌឺដងថា ៖ “យើងទាំងអស់គ្នា ដឹង<br />ហើយថា នៅក្នុងកិច្ចប្រជុំកំពូល G20 នៅ Brisbane នាយករដ្ឋមន្ដ្រី Abbott គំរាមថានឹងសួរដេញ<br />ដោលប្រធានាធិបតីរបស់យើង អំពីករណីយន្ដហោះ Boeing របស់ម៉ាឡេស៊ី។ ចូររួមគ្នាសាកល្បង<br /> ជួយឱ្យគាត់ ចោទសួរបានងាយស្រួល”។</p>
<p>វិស្វកររុស្ស៊ីម្នាក់ដែលបានចូលរួមក្នុងការស្រាវជ្រាវករណីយន្ដហោះរបស់ម៉ាឡេស៊ី ដែលត្រូវគេ<br />បាញ់ទម្លាក់ បានអះអាងថា ខ្លួនទទួលបានរូបថតដ៏គួរឱ្យភ្ញាក់ផ្អើល កាលពីថ្ងៃទី ១២វិច្ឆិកា។ ទូរ<br />ទស្សន៍របស់រុស្ស៊ី បានចេញផ្សាយនូវរូបថតនៃសារជាភាសាអង់គ្លេសមួយ បានមកពីឈ្មោះ <br />George Bilt ដែលអះអាងថា ខ្លួនជាអ្នកជំនាញផ្នែកអាកាសចរណ៍ ហើយធ្លាប់បញ្ចប់ការសិក្សានៅ<br />មន្ទីរបច្ចេកវិទ្យា Massachusetts អាមេរិក។ ក្នុងសំបុត្រនោះ បញ្ជាក់ថា យន្ដ Boeing របស់ម៉ាឡេ<br />ស៊ី ត្រូវបានបាញ់ទម្លាក់ ដោយកាំភ្លើងធំ និងកាំជ្រួចពីយន្ដហោះមួយគ្រឿង។</p>
<p>គួររំលឹកថា មុននេះ រុស្ស៊ីបានលើកឡើងថា យន្ដហោះចម្បាំង Su-25 មួយគ្រឿងរបស់អ៊ុយក្រែន <br />បានតាមពីក្រោយយន្ដហោះ Boeing 777 ។</p>
<p style="text-align: center;"><a class="thickbox" title="" href="/FileManager/Commons/2014/11/15/rus1-15-11-2014--11-11-27.jpg"><img src="/FileManager/Articles/mce/2014/11/15/rus1-15-11-2014--11-11-27.jpg" alt="" /></a></p>
<p style="text-align: center;">យន្ដហោះត្រូវបានគេអះអាងថា ជា MH17 របស់ Malaysia Airlines ដែលថតបាន <br />មុនពេលវាធ្លាក់ប៉ុន្មាននាទី<br /><br /></p>
<p>យ៉ាងនេះក្ដី នៅលើទំព័រសារព័ត៌មាន Telegraph ក៏ដូចជា BBC មានការយល់ឃើញខុសគ្នា ជុំវិញ<br />រូបភាពដែលទើបត្រូវបានទូរទស្សន៍រុស្ស៊ី ចេញផ្សាយថ្មីៗនេះ ដោយមានអ្នកអានខ្លះលើកឡើងថា បណ្ដារូបភាពខ្លះនៅលើដងខ្លួនរបស់យន្ដហោះ Boeing ក្នុងរូបថតផ្កាយរណបនេះ គឺផ្ទុយគ្នាទៅនឹង<br />យន្ដហោះ របស់ក្រុមហ៊ុន Malaysia Airlines ហើយផ្លូវហោះហើររបស់យន្ដហោះ MH17 មិនសម<br />ស្របជាមួយនឹងរូបភាពដែលបានចុះផ្សាយ។</p>
<p>កាលពីខែកញ្ញា ការស្រាវជ្រាវរបស់ប្រទេសហូឡង់ បានប្រកាសថា យន្ដហោះ ត្រូវបានគេធ្វើឱ្យ<br />ខូចខាតពីខាងក្រៅ ដោយវត្ថុធាតុជាច្រើន ដែលមានកម្លាំងខ្លាំង។ លទ្ធផលនៃការស្រាវជ្រាវនេះ <br />គឺសមស្របជាមួយនឹងការលើកឡើងថា យន្ដហោះ បានត្រូវគ្រាប់កាំជ្រួចដែលបាញ់ចេញពីដី។<br /> កាំជ្រួចនេះ បានផ្ទុះឡើងក្បែរយន្ដហោះ បង្កើតបានជាកំទេសដែកស្រួចៗ បុកទម្លុះដងខ្លួន ធ្វើឱ្យ<br />យន្ដហោះ ត្រូវបាក់បែកជាបំណែក ហើយវាក៏មិនផ្ទុះឆេះ ដូចទៅនឹងយន្ដហោះដែលត្រូវគ្រាប់<br />កាំជ្រួចអាកាសប្រឆាំងអាកាសនោះដែរ៕</p>
<p style="text-align: right;"><br />ប្រែសម្រួលដោយ ៖ តារា<br />ប្រភព ៖ Telegraph/BBC</p>