<p><span style="color: #000000;"><strong>-គ្រួសារលោកតា អំពាវនាវដល់ថ្នាក់ដឹកនាំ និងសប្បុរសជន មេត្តាជួយឧបត្ថម្ភ</strong></span></p>
<p><span style="color: #000000;"><strong>កណ្តាល ៖</strong> មានអាយុ៧២ឆ្នាំ លោកសាស្រ្តាចារ្យ ពេជ្យ ទុំក្រវិល អតីតអ្នកនិពន្ធ ដ៏ល្បាញ ល្បី ប្រចាំព្រះរាជា ណាចក្រកម្ពុជា បានធ្លាក់ខ្លួនឈឺ ងើបមិនរួចនោះឡើយ ដោយសម្រាក ព្យាបាលជំងឺ នៅលើពូក ក្នុងផ្ទះស្ថិតនៅ ភូមិខ្លាំគ្រាំ ឃុំកំពង់ហ្លួង ស្រុកពញាឮ ខេត្តកណ្តាល ។</span></p>
<p><span style="color: #000000;">ដោយសារតែ វ័យកាន់តែចាស់ អមដោយជំងឺរួមរិតកាយ ធ្វើឲ្យអតីតអ្នកនិពន្ធ ជើងចាស់រូបនេះ គ្មានលទ្ធភាព ទាំង ផ្លូវកាយ និងផ្លូវចិត្ត ធ្វើអ្វីកើតទៀតនោះទេ ក្រៅពីការខំប្រឹងរស់ នៅក្នុង ដំណាក់កាល ជីវិតចុងក្រោយរបស់ខ្លួន តែប៉ុណ្ណោះ។</span></p>
<p><span style="color: #000000;">ព្រោះតែគ្មានលទ្ធភាព ធ្វើអ្វីកើត ហើយ ម្យ៉ាងទៀត ក្រុមគ្រួសាររបស់លោកតា ទាំងមូល កាន់តែមានការលំបាក ក្នុងជីវភាព ជាពិសេស ចំណាយប្រាក់កាក់យ៉ាងច្រើន លើការព្យាបាលជំងឺនោះ ក្រុមគ្រួសារ មានតែលើកដៃ សុំការ ចូលរួម ឧបត្ថម្ភថវិកាពី ថ្នាក់ដឹកនាំ និងសប្បុរសជន ទាំងឡាយប៉ុណ្ណោះ។</span></p>
<p><span style="color: #000000;">ដោយមើលឃើញ នូវការលំបាក និងស្ថានភាព ដ៏យ៉ាប់យ៉ឺនបែបនេះ កើតឡើងចំពោះ អ្នកនិពន្ធជើងចាស់ នៅ កម្ពុជា កាលពីជាង៥០ឆ្នាំមុននេះ លោកស្រីឧបនាយករដ្ឋមន្រ្តី ម៉ែន សំអន រដ្ឋមន្រ្តីក្រសួង ទំនាក់ទំនង រដ្ឋសភា ព្រឹទ្ធសភា និងអធិការកិច្ច និងលោក ស៊ាន វិសុទ្ធ អគ្គនាយកស្ថានីយ៍ វិទ្យុ និងទូរទស្សន៍អប្បរា បានឧបត្ថម្ភថវិកា សរុប១លាន ៥សែន រៀលដល់លោកតា ពេជ្រ ទុំក្រវិល ។</span></p>
<p><span style="color: #000000;">ថវិកាទាំងនេះត្រូវបាន លោក ណុប ចាន់ណារិន នាយកព័ត៌មាន នៃសា្ថនីយ៍ ទូរទស្សន៍អប្បរា នៅរសៀលថ្ងៃទី១២ ខែកុម្ភៈ ឆ្នាំ២០១៥នេះ បាននាំយកទៅប្រគល់ជូន លោកតា និងក្រុមគ្រួសារ ដោយផ្ទាល់ ស្ថិតនៅផ្ទះរបស់ លោកតាតែម្តង ។</span></p>
<p><span style="color: #000000;">លោក ណុប ចាន់ណារិន តំណាងឲ្យលោកស្រី ម៉ែន សំអន និងលោក ស៊ាន វិសុទ្ធ ក្រៅពីការផ្តាំផ្ញើការ សួរសុខទុក្ខ ពីថ្នាក់ដឹកនាំនោះ លោកក៏បានជំរុញទៅលោកតា ខិតខំដោយខ្លួនឯង មើលថែ ទាំសុខភាព ឲ្យកាន់តែប្រសើរឡើង ។</span></p>
<p><span style="color: #000000;">លោក ណុប ចាន់ណារិន បានឲ្យដឹងថា លោកស្រី ឧបនាយករដ្ឋមន្រ្តី ម៉ែន សំអន ឧបត្ថម្ភថវិកា ចំនួន១លានរៀល និងលោកអគ្គនាយក ស៊ាន វិសុទ្ធ ឧបត្ថម្ភថវិកាចំនួន៥០ម៉ឺនរៀល ។</span></p>
<p><span style="color: #000000;">តាមលោក ណុប ចាន់ណារិន ស្ថានភាពជំងឺលោកតា ពេជ្រ ទុំក្រវិល មានសភាពធ្ងន់ធ្ងរ ដោយលោកតា មិនអាច ងើបដើរហើរ បាននោះទេ ពោលបានត្រឹមតែសម្រាក នៅលើពូកតែប៉ុណ្ណោះ ទាំងនេះមកពីលោកតា កាន់តែមាន វ័យចំណាស់ និងជំងឺកំពុងរួមរិតរាងកាយគាត់យ៉ាងខ្លាំង៕</span></p>
<p><span style="color: #000000;"><a class="thickbox" title="" href="/FileManager/Commons/2015/2/13/2-13-2015-10-51-55-am-13-02-2015--10-57-36.png"><img src="/FileManager/Articles/mce/2015/2/13/2-13-2015-10-51-55-am-13-02-2015--10-57-36.png" alt="" /></a></span></p>
<p><a class="thickbox" title="" href="/FileManager/Commons/2015/2/13/2-13-2015-10-52-12-am-13-02-2015--10-57-57.png"><img src="/FileManager/Articles/mce/2015/2/13/2-13-2015-10-52-12-am-13-02-2015--10-57-57.png" alt="" /></a></p>
<p><a class="thickbox" title="" href="/FileManager/Commons/2015/2/13/2-13-2015-10-52-27-am-13-02-2015--10-58-11.png"><img src="/FileManager/Articles/mce/2015/2/13/2-13-2015-10-52-27-am-13-02-2015--10-58-11.png" alt="" /></a></p>
<p><a class="thickbox" title="" href="/FileManager/Commons/2015/2/13/2-13-2015-10-52-40-am-13-02-2015--10-58-29.png"><img src="/FileManager/Articles/mce/2015/2/13/2-13-2015-10-52-40-am-13-02-2015--10-58-29.png" alt="" /></a></p>
<p style="text-align: right;"><span>ផ្ដល់សិទ្ធដោយ៖ ដើមអម្ពិល</span><span style="color: #000000;"><br /></span></p>