<p><span style="color: #000000;"><strong>ភ្នំពេញ៖</strong> តារាចម្រៀងស្រីដ៏ល្បីល្បាញ នាង ពេជ្រ សោភា នឹងត្រូវចូលរោងការ ក្រាបក្បាលដល់កន្ទេល ជាមួយមន្ត្រីអន្តោប្រវេសន៍ លោក ឆលី បុរសមុខស្រស់រាងសង្ហា ជាអាណិកជនខ្មែរ រស់នៅអាមេរិក នៅរយៈពេលមិនដល់មួយសប្ដាហ៍ទៀតទេ ហើយកម្មវិធីដ៏មានអត្ថន័យ សម្រាប់ជីវិតរបស់ ពេជ្រ សោភា ត្រូវបានគេដឹងថា អញ្ជើញអ្នកសិល្បៈចូលរួមតិចតួចប៉ុណ្ណោះ ។</span></p>
<p><span style="color: #000000;">អនាគតស្វាមី ពេជ្រ សោភា បានធ្វើដំណើរមកដល់ប្រទេសកម្ពុជា ជាងមួយសប្ដាហ៍ហើយ ពោលរង់ចាំតែថ្ងៃ ចូលរោងការ ដែលប្រារព្ធឡើងនៅថ្ងៃ ព្រហស្បតិ៍ ទី៥ ខែកុម្ភៈ ខាងមុខនេះ ប៉ុណ្ណោះ។ ប្រភពដ៏ទុកចិត្តមួយបាននិយាយថា សម្រាប់កម្មវិធីមង្គល របស់តារាច្រៀង ពេជ្រ សោភា អាចនឹងមិនមានតារាហោះហើរទៅចូលរួម ពេញរោងការ ដូចតារាសិល្បៈដទៃឡើយ ព្រោះនាងជាមនុស្សមិនចូលចិត្ត ធ្វើអ្វីដែលសំញ៉ែងគេ អួតថាអស្ចារ្យ គឺជាមិនមែនចំណង់ចំណូលចិត្តរបស់នាងឡើយ ។ ពេជ្រ សោភា ចូលចិត្តធ្វើអ្វីសាមញ្ញធម្មតាៗ ដូចមនុស្សទូទៅ ។</span></p>
<p><span style="color: #000000;">ប្រភពព័ត៌មានបានឲ្យដឹងទៀតថា អាចនឹងមានវត្តមាន តារាចម្រៀង និងតារាសម្ដែងល្បីៗ ដែលធ្លាប់សម្ដែងជាមួយនាងប៉ុន្មាននាក់ ប៉ុណ្ណោះ បូករួមទាំងសាច់ញាតិ អ្នកស្រុកព្រៃវែងផងនោះ ដែលត្រូវអញ្ជើញឲ្យចូលរួម ។ មហាជនកត់សម្គាល់ឃើញថា តារាចម្រៀង ពេជ្រ សោភា ជាតារាចម្រៀងស្រីម្នាក់ មិនសូវចូលរួម កម្មវិធីអ្នកសិល្បៈណាផ្ដេសផ្ដាសឡើយ លើកលែងតែស្និទ្ធបំផុត ដូចជាករណី មង្គលការ សារាយ សក្ខណា ដែលនាងបានចូលរួម ហើយជាកម្មវិធីមង្គលអ្នកសិល្បៈតែម្នាក់គត់ ដែលនាងចូលរួម ក្រៅពីនោះមិនឃើញវត្តមាននាងឡើយ ។</span></p>
<p><span style="color: #000000;">ចំណែកឯមហាជនវិញ បាននាំគ្នាសាទរ ពេជ្រ សោភា ដែលអាចរកបានបុរសល្អម្នាក់ និងចូលរោងការតាមប្រពៃណីខ្មែរ ជាគំរូល្អរបស់អ្នកសិល្បៈ ព្រោះការចូលរោងការ ជារឿងមួយល្អបំផុត ក្នុងជីវិតមនុស្សស្រី ពិសេសបានចូលរោងការជាមួយមនុស្ស ដែលខ្លួនស្រឡាញ់ ។ តារាចម្រៀង ពេជ្រ សោភា មិនអាចទាក់ទង ដើម្បីបំភ្លឺបានឡើយទេ ជុំវិញពិធីមង្គលការរបស់នាង៕</span></p>
<p><span style="color: #000000;"><a class="thickbox" title="" href="/FileManager/Commons/2015/1/29/50-29-01-2015--16-37-34.jpg"><img src="/FileManager/Articles/mce/2015/1/29/50-29-01-2015--16-37-34.jpg" alt="" /></a></span></p>
<p><a class="thickbox" title="" href="/FileManager/Commons/2015/1/29/51-29-01-2015--16-37-44.jpg"><img src="/FileManager/Articles/mce/2015/1/29/51-29-01-2015--16-37-44.jpg" alt="" /></a><span style="color: #000000;"><a class="thickbox" title="" href="/FileManager/Commons/2015/1/29/50-29-01-2015--16-37-34.jpg"></a></span></p>
<p><a class="thickbox" title="" href="/FileManager/Commons/2015/1/29/52-29-01-2015--16-37-50.jpg"><img src="/FileManager/Articles/mce/2015/1/29/52-29-01-2015--16-37-50.jpg" alt="" /></a><span style="color: #000000;"><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>