<p><strong>កណ្តាលៈ</strong> ក្មេងស្រីដែលមានអាយុ៥ឆ្នាំម្នាក់ ត្រូវបានខ្សែភ្លើងឆក់ស្លាប់ ខណៈក្មេងស្រីរងគ្រោះ បានចេញពីបន្ទប់ទឹក ហើយបានតោងលេងជាមួយនឹងបណ្តុំខ្សែភ្លើងដោយមានភ្ជាប់ចរន្តអគ្គិសនី ។ហេតុការណ៍នេះ បានកើតឡើងកាលពីវេលាម៉ោង១៥ និង៣០នាទី ថ្ងៃទី៩ ខែកក្កដា ឆ្នាំ២០១៤ នៅចំណុច ភូមិស្វាយជួរ ឃុំកោះខែល ស្រុកស្អាង ខេត្តកណ្ដាល ។</p>
<p>ជនរងគ្រោះមានឈ្មោះ ខុម ស្រីកា ភេទស្រី អាយុ៥ឆ្នាំ មានឪពុកឈ្មោះញ៉ាម. ខុម អាយុ៣៣ឆ្នាំ មុខរបរកសិករ។ ម្ដាយឈ្មោះ មិន សុម៉ាលី អាយុ៣១ ឆ្នាំមុខរបរ កសិករ មានទីលំនៅភូមិស្វាយជួរ ឃុំកោះខែល ស្រុកស្អាង ។</p>
<p>ប្រភពព័ត៌មានបានឲ្យដឹងថា នៅថ្ងៃទី៩ ខែកក្កដា ឆ្នាំ២០១៤ វេលាម៉ោង១៥ និង៣០ នាទី ស្តី្រជាម្ដាយក្មេងស្រីរងគ្រោះ កំពុងកាប់ដើមពោត អោយគោស៊ី។ ចំណែកក្មេងស្រីរងគ្រោះ បានចូលងូតទឹកក្នុងបន្ទប់ទឹក រួចចេញក្រៅបន្ទប់ទឹក ក៏បានតោងកាន់ខ្សែភ្លើងអគ្គិសនី មានភ្ជាប់ព្រី បណ្ដាលអោយឆក់ ពេលនោះម្ដាយ-ឪពុកក្មេងស្រីរងគ្រោះ ឃើញទាន់ ហើយបានបញ្ជូនទៅកាន់មន្ទីរពេទ្យ ស្រុកស្អាង ប៉ន្តែក្មេងស្រីរងគ្រោះបានដាច់ខ្យល់ស្លាប់បាត់ទៅហើយ ។</p>
<p>បច្ចុប្បន្នសពក្មេងស្រីរងគ្រោះ ត្រូវបាន ក្រុមគ្រួសារយកមកធ្វើបុណ្យ តាមប្រពៃណី៕</p>
<p><img src="http://image.dap-news.com:81/dap-news/dap-images/2014/July/id-067/CH-00398.jpg" alt="" width="500" /></p>
<p><img src="http://image.dap-news.com:81/dap-news/dap-images/2014/July/id-067/CH-00399.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអម្ពិល</p>